அமெரிக்காவின் அலாஸ்காவில்,  (ஆகஸ்ட் 15, 2025 அன்று, அமெரிக்க அதிபர் டொனால்டு டிரம்பும், ரஷ்ய அதிபர் விளாடிமிர் புடினும் மூணு மணி நேரம் முக்கியமான பேச்சுவார்த்தை நடத்தினாங்க. ரஷ்யாவும் உக்ரைனும் 2022-ல தொடங்கின போரை முடிவுக்கு கொண்டு வர இந்த சந்திப்பு ஒரு திருப்புமுனையா இருக்கும்னு உலக நாடுகள் எதிர்பார்த்தன. ஆனா, இந்த பேச்சுவார்த்தையில போர் நிறுத்த ஒப்பந்தம் எதுவும் கையெழுத்தாகலை. 

டிரம்ப், “ஒப்பந்தம் கையெழுத்தாகுற வரைக்கும் எதுவும் சொல்ல முடியாது”னு தெளிவா சொல்லிட்டார். அதே சமயம், உக்ரைன் அதிபர் வோலோடிமிர் ஜெலன்ஸ்கி, “ரஷ்யாவுக்கு போரை முடிக்கிற எண்ணமே இல்லை, அதுக்கு எந்த அறிகுறியும் தெரியலை”னு கவலை தெரிவிச்சார். இந்தியா உட்பட பல நாடுகள் இந்த சந்திப்பை வரவேச்சாலும், உக்ரைன் உட்பட ஐரோப்பிய நாடுகள் இதை சந்தேகத்தோட பார்த்தாங்க.

ஆனா, இந்த பேச்சுவார்த்தை முடிஞ்சு சில மணி நேரத்துலயே, ரஷ்யா உக்ரைன் மீது தாக்குதல் நடத்தி உலகத்துக்கு பெரிய ஷாக் கொடுத்துருக்கு. உக்ரைன் அரசு சொல்லுறபடி, ரஷ்யா 85 டிரோன்களையும் ஒரு இஸ்காண்டர்-எம் ஏவுகணையையும் வச்சு இந்த தாக்குதலை நடத்தியிருக்கு. உக்ரைனோட முக்கியமான நாலு பகுதிகளை குறிவச்சு இந்த தாக்குதல் நடந்திருக்கு. 

இதையும் படிங்க: இந்தியாவுக்கான வரியை நிறுத்த யோசிப்பேன்!! புடின் சந்திப்புக்கு பின் மனம் மாறும் ட்ரம்ப்!!

ஆனாலும், உக்ரைன் பாதுகாப்பு படைகள் 61 டிரோன்களை சுட்டு வீழ்த்தியதா அதிகாரிகள் தெரிவிச்சிருக்காங்க. இந்த தாக்குதல்கள் ஆகஸ்ட் 15 மாலை முதல் 16-ம் தேதி அதிகாலை வரை நடந்ததா உக்ரைன் விமானப்படை தெரிவிச்சிருக்கு.

இதோடு, ரஷ்ய பாதுகாப்பு அமைச்சகம் ஒரு அதிர்ச்சி தகவலை வெளியிட்டுருக்கு. உக்ரைனோட டோனெட்ஸ்க் பகுதியில உள்ள கோலோடியாஸி கிராமத்தையும், அருகில இருக்கிற ட்னிப்ரோபெட்ரோவ்ஸ்க் பகுதியில உள்ள வோரோன் கிராமத்தையும் தங்களோட படைகள் கைப்பற்றியதா அறிவிச்சிருக்கு. இது ரஷ்யாவோட ஆக்கிரமிப்பு முயற்சிகள் தொடருதுன்னு காட்டுது. இந்த தாக்குதலும் கிராமங்களை கைப்பற்றியதும், அலாஸ்கா பேச்சுவார்த்தையில எந்த முன்னேற்றமும் இல்லைன்னு உறுதிப்படுத்துது.

டிரம்பும் புடினும் பேச்சுவார்த்தையை “மிகவும் பயனுள்ளதா” இருந்ததா சொன்னாலும், எந்த முக்கிய முடிவும் எடுக்கப்படலை. புடின், “உக்ரைனுக்கு பாதுகாப்பு உத்தரவாதம் அவசியம், அதுக்கு ரஷ்யா தயாரா இருக்கு”னு சொன்னாரு, ஆனா விவரங்கள் எதுவும் கொடுக்கலை. மறுபக்கம், டிரம்ப், “நிறைய விஷயங்கள்ல உடன்பாடு ஆயிருக்கு, ஆனா ஒரு முக்கியமான விஷயத்துல இன்னும் ஒரு முடிவுக்கு வரலை”னு சொன்னார். இந்த சந்திப்புக்கு உக்ரைன் அழைக்கப்படலை, இது ஜெலன்ஸ்கியோட அதிருப்தியை அதிகப்படுத்தியிருக்கு. அவர், “உக்ரைன் இல்லாம எடுக்கப்படுற முடிவுகள் பயனற்றவை”னு முன்பே எச்சரிச்சிருந்தார்.

இந்த சந்திப்புக்கு முன்னாடி, டிரம்ப், ரஷ்யாவோட எண்ணெய் வாங்குற நாடுகள் மீது கூடுதல் வரி விதிக்கலாம்னு எச்சரிச்சிருந்தார். ஆனா, சந்திப்புக்கு பிறகு, “இப்போதைக்கு வரி பத்தி யோசிக்க வேண்டாம், ஒரு ரெண்டு மூணு வாரத்துல பார்க்கலாம்”னு சொல்லியிருக்கார். இது இந்தியா மாதிரியான நாடுகளுக்கு தற்காலிக நிம்மதியை கொடுத்தாலும், எதிர்காலத்துல வரி விதிப்பு பற்றிய நிச்சயமின்மை இருக்கு.

ஐரோப்பிய தலைவர்கள், இந்த சந்திப்பு ரஷ்யாவுக்கு ஒரு பி.ஆர் வெற்றியா மாறிடுச்சுன்னு கவலைப்படுறாங்க. புடின், மேற்கத்திய நாடுகளால் தனிமைப்படுத்தப்பட்ட பிறகு, அமெரிக்க மண்ணுல இப்படி ஒரு சந்திப்புக்கு அழைக்கப்பட்டது அவருக்கு பெரிய வெற்றியா பார்க்கப்படுது. இதனால, உக்ரைன் மீதான தாக்குதல்களை தொடர ரஷ்யாவுக்கு உற்சாகம் கிடைச்சிருக்கலாம்னு விமர்சகர்கள் சொல்றாங்க. ஆகஸ்ட் 18-ல ஜெலன்ஸ்கி, டிரம்பை வாஷிங்டன்ல சந்திக்கப் போறார், அப்போ இந்த பேச்சுவார்த்தைகளோட அடுத்த கட்டம் பற்றி விவாதிக்கப்படலாம். ஆனா, இப்போதைக்கு, அலாஸ்கா சந்திப்பு உலக நாடுகளுக்கு ஏமாற்றத்தையே கொடுத்திருக்கு.

இதையும் படிங்க: புடின் என்ன பேசினார் சொல்லுங்க? அமெரிக்கா விரையும் ஜெலன்ஸ்கி.. ஆக., 18ல் டிரம்புடன் சந்திப்பு!!