விழுப்புரம் மாவட்டத்தில் பல்வேறு பகுதிகளில் நேற்று இரவு முதல் கேஸ் தட்டுப்பாடு தொடர்ந்து பெட்ரோல் தட்டுப்பாடும் ஏற்பட போவதாக பரவிய வதந்தியால் பெட்ரோல் பங்கில் படை எடுத்து தங்களது வாகனங்களில் பெட்ரோலின் நிரப்பி கொண்டு கேன்களிலும் பெட்ரோலை பிடித்து சென்ற பொது மக்கள் செயலால் விழுப்புரம் மாவட்டத்தில் பெரும் பரபரப்பு ஏற்பட்டது

இதே நிலை நள்ளிரவு வரை நீடித்த நிலையில் பெட்ரோல் பங்கில் பணியாற்றிய ஊழியர்கள் கலைப்படைந்து பங்குகளை மூடினார். மீண்டும் இன்று அதிகாலை முதல் பெட்ரோல் பங்குகளில் பொதுமக்கள் குவிய தொடங்கினர் இதற்கு மற்றொரு காரணம் லிட்டர் ஒரு லிட்டர் பெட்ரோல் 300 ரூபாய்க்கு விற்பனை செய்யப் போவதாக பரவிய வதந்தியால் மக்கள் அவசர அவசரமாக தங்களது வாகனங்களில் பெட்ரோலை நிரப்பி கொண்டனர்.

இந்த நிலையில் விழுப்புரத்தில் திருச்சி - விழுப்புரம் சாலையில்  உள்ள பிரபல பாரத் பெட்ரோலியம் பெட்ரோல் பங்கில் கேன்களில் அதாவது 20 லிட்டர் கேன்களில் பெட்ரோல் பொதுமக்கள் வாங்கிச் சென்ற வீடியோ வைரல் ஆகி தமிழகத்தில் மிகப்பெரிய பரபரப்பு ஏற்படுத்தியது

இதையும் படிங்க: தலைவிரித்தாடும் தட்டுப்பாடு.. ஈரான் அதிபருக்கு போன் போட்ட மோடி... இந்திய கப்பல்களுக்கு வழி பிறக்குமா?

இதனைக் கண்டு அதிர்ச்சி அடைந்த பாரத் பெட்ரோலியம் நிறுவனம் ஸ்கேன்களில் பெட்ரோல் வழங்கிய செயலுக்காக இரண்டு நாட்களுக்கு அந்த பெட்ரோல் பங்கை தற்காலிகமாக மூட உத்தரவிட்டதால் தற்போது அந்த பெட்ரோல் பங்க் மூடப்பட்டது. 

தொடர்ந்து விழுப்புரத்தில் பல்வேறு பெட்ரோல் பங்கில் மக்களின் கூட்டம் தொடர்ந்து அலை மோதி வருகிறது ஆனால் நேற்று விட இன்று மக்கள் கூட்டம் குறைவாகவே காணப்படுகிறது பெரும்பாலானவர்கள் தங்கள் வாகனங்களில் டேங்க்கை முழுவதுமாக நிரப்பி பெட்ரோலை வாங்கிச் செல்கின்றனர்

இது ஒரு புறம் இருக்க டெம்போவில் வந்த ஒரு சிலர் பேரல் பேரலாக டீசலை நிரப்பி செல்லும் பரபரப்பு காட்சிகளும் அரங்கேறி வருகிறது. இதே நிலை நீடித்தால் அடுத்த கட்டமாக டீசல் பற்றிய தகவலும் வதந்தியும் பரவக்கூடும் என்ற அச்சம் எழுந்துள்ளது

இதையும் படிங்க: அம்மாடியோவ் ஒரு சிலிண்டர் விலை இவ்வளவா? - இனி காலை 11 மணி முதல் 4 மணி வரை அதிரடி மாற்றம்... ஓட்டல் உரிமையாளர்கள் அதிர்ச்சி முடிவு...!