தமிழ்நாடு முன்னணி மாநிலம் என்றும், இந்தியாவில் நம்பர் ஒன் மாநிலம் என்றும் தமிழக அரசு அடிக்கடி கூறி வருவது, மத்திய அரசின் தரவுகள் மற்றும் அறிக்கைகளை அடிப்படையாகக் கொண்டு வெளிப்படுத்தப்படும் ஒரு முக்கியமான அரசியல் மற்றும் நிர்வாக உரிமையாகும். இது குறிப்பாக தற்போதைய திராவிட மாடல் ஆட்சியின் கீழ், முதலமைச்சர் மு.க. ஸ்டாலின் தலைமையில் தீவிரமாக முன்வைக்கப்படுகிறது.
தமிழக அரசின் இந்தக் கூற்றுகள் பல்வேறு துறைகளில் மாநிலத்தின் சாதனைகளை மத்திய அரசின் அதிகாரப்பூர்வ அறிக்கைகள், கணக்கெடுப்புகள் மற்றும் இந்திய ரிசர்வ் வங்கி, NITI ஆயோக் போன்ற நிறுவனங்களின் தரவுகளைச் சுட்டிக்காட்டி வலியுறுத்தப்படுகின்றன. முக்கியமாக, பொருளாதார வளர்ச்சி அளவுகோல்களில் தமிழ்நாடு முன்னிலை வகிப்பதை தமிழக அரசு பெரிதும் எடுத்துரைக்கிறது.
2024-25 நிதியாண்டில் தமிழ்நாட்டின் மொத்த உள்நாட்டு உற்பத்தி (GSDP) வளர்ச்சி விகிதம் 11.19% முதல் 11.2% வரை இருப்பதாக மத்திய அரசின் புள்ளியியல் மற்றும் திட்ட ஆணையம் திருத்திய மதிப்பீடுகளும், இந்திய ரிசர்வ் வங்கியின் அறிக்கையும் காட்டுகின்றன. இது மிகப்பெரிய மாநிலங்களில் மிக உயர்ந்த வளர்ச்சி விகிதமாகும். இதனிடையே, மீண்டும் நாங்கதான் வருவோம் என்றும் மீண்டும் மீண்டும் வெல்வோம் எனவும் முதலமைச்சர் ஸ்டாலின் தெரிவித்துள்ளார்.
இதையும் படிங்க: #BREAKING: சட்டசபையில் இருந்து அதிமுகவினர் வெளிநடப்பு... திமுக அரசுக்கு எதிராக கண்டன முழக்கம்..!
ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்திற்கு தன அளித்த பதிலுரை, ஆளுநருக்கே அளித்த விளக்கவுரையாக, 5 ஆண்டு சாதனை அறிக்கையாக அமைந்துவிட்டது என்று கூறினார். தமிழ்நாடு 'நம்பர் 1' என நாம் ஆளுநர் உரையில் குறிப்பிட்டதில் ஆளுநர் ரவி அவர்களுக்கு மாற்றுக்கருத்து இருக்குமேயானால் அவர் மத்திய அரசைத்தான் கேள்வி கேட்க வேண்டும் என்று கூறினார். ஏனென்றால், நாம் சொன்னது அனைத்தும் மத்திய அரசு அளித்த தரவுகள்தான் என்றும் 2021-இல் நிர்ணயித்த இலக்கில் வென்றுவிட்டோம் என்றும் இனி 2026-லும் வெல்வோம் எனவும் உறுதிப்பட தெரிவித்தார்.
இதையும் படிங்க: மெரினாவில் பிரம்மாண்ட குடியரசு தின இறுதி அணிவகுப்பு ஒத்திகை..! போக்குவரத்து மாற்றம்..!