விஜய், முதலமைச்சராகப் பொறுப்பேற்ற பிறகு முதல்முறையாக காவிரி டெல்டா பாசனத்திற்காக இன்று மேட்டூர் அணையில் இருந்து தண்ணீரைத் திறந்து விடுகிறார்.
93-வது முறையாக காவிரி டெல்டா பாசனத்திற்காக தண்ணீர் திறக்கப்பட உள்ள நிலையில், முதலமைச்சர் விஜய் இன்று சேலம் வருகை தருகிறார். அவரை வரவேற்பதற்காக தாவெக சார்பில் பிரமாண்டமான வரவேற்பு ஏற்பாடுகள் செய்யப்பட்டுள்ளன.
முதலமைச்சர் வருகையை முன்னிட்டு, அவர் செல்லக்கூடிய வழித்தடங்கள், மேட்டூர் அணையைச் சுற்றியுள்ள பகுதிகள் என அனைத்து இடங்களிலும் பலத்த பாதுகாப்பு ஏற்பாடுகள் செய்யப்பட்டுள்ளன.
இதையும் படிங்க: மேட்டூர் பயணம்... சி.எம்.விஜய்க்கு உளவுத்துறை கொடுத்த வார்னிங்... கோடிகளை கொட்டி நடந்த ஏற்பாடு...!
முதலமைச்சர் விஜயின் வருகையை முன்னிட்டு, மேட்டூர் மற்றும் சேலம் பகுதிகளில் பலத்த பாதுகாப்பு ஏற்பாடுகள் செய்யப்பட்டுள்ளன. குறிப்பாக, சேலம் விமான நிலையத்திலிருந்து தொப்பூர் பிரிவு வழியாக சுமார் 60 கிலோமீட்டர் தொலைவுக்கு சாலையின் இருபுறமும் இரும்புத் தடுப்புகள் அமைக்கப்பட்டுள்ளன.
அதேபோல், இன்று முதலமைச்சர் விஜய் மேட்டூர் அணையில் தண்ணீரைத் திறந்து வைப்பதுடன், மேட்டூர் அணை மின்நிலையம், சுரங்க மின்நிலையம் மற்றும் ஏழு கதவணைகளில் நடைபெறும் மின் உற்பத்தி உள்ளிட்டவற்றையும் பார்வையிட உள்ளார்.
மேலும், தற்போது வினாடிக்கு 5,000 கனஅடி வீதம் திறக்கப்படும் நீரின் அளவு, படிப்படியாக வினாடிக்கு 12,000 கனஅடி வீதமாக அதிகரிக்கப்பட வாய்ப்புள்ளதாகவும் தெரிவிக்கப்பட்டுள்ளது.
முதலமைச்சர் விஜயை வரவேற்கும் வகையில், அவர் செல்லும் வழிநெடுகிலும் கொடிகள் மற்றும் பதாகைகள் வைக்கப்பட்டு, தாவெக சார்பில் வரவேற்பு ஏற்பாடுகள் செய்யப்பட்டுள்ளன.
இந்த நிகழ்ச்சியில் அமைச்சர்கள், சட்டமன்ற உறுப்பினர்கள், நீர்வளத்துறை அதிகாரிகள் மற்றும் ஆட்சியர் உள்ளிட்டோர் பங்கேற்க உள்ளனர். இதற்கான பணிகள் தற்போது தீவிரமாக நடைபெற்று வருகின்றன.
இதையும் படிங்க: மேட்டூர் அணையை நாளை திறந்து வைக்கிறார் முதல்வர் விஜய்! அமைச்சர் ஆனந்த் நேரில் ஆய்வு!