சென்னை உயர்நீதிமன்ற புதிய தலைமை நீதிபதியாக, கேரள உயர்நீதிமன்ற நீதிபதி சுஷ்ருத் அரவிந்த் தர்மாதிகாரியை நியமிக்க உச்ச நீதிமன்றம் பரிந்துரைத்துள்ளது.

சென்னை உயர்நீதிமன்ற தலைமை நீதிபதி எம் எம் ஸ்ரீவஸ்தவா வரும் மார்ச் 5 ஆம் தேதியுடன் பணி ஓய்வு பெறவுள்ளார். இதனையடுத்து கேரள உயர்நீதிமன்ற நீதிபதி சுஷ்ருத் அரவிந்த் தர்மாதிகாரியை நியமிக்க உச்ச நீதிமன்றம் பரிந்துரைத்துள்ளது.

 நீதிபதி சுஷ்ருத் அரவிந்த் தர்மாதிகாரி, கடந்த 2016 ஆம் ஆண்டு மத்திய பிரதேச உயர்நீதிமன்ற கூடுதல் நீதிபதியாகவும், 2018 ஆம் ஆண்டு நிரந்தர நீதிபதியாகவும் நியமிக்கப்பட்டார். கடந்த 2025 ஆம் ஆண்டு ஏப்ரல் மாதம் கேரள உயர்நீதிமன்றத்திற்கு இடமாற்றம் செய்யப்பட்ட அவரை தற்போது சென்னை உயர்நீதிமன்றத்தின் தலைமை நீதிபதியாக நியமிக்க உச்ச நீதிமன்ற கொலிஜியம் பரிந்துரைத்துள்ளது.

இதையும் படிங்க: கச்சத்தீவுவை நோக்கி படையெடுக்கும் தமிழக மீனவர்கள்... கரையில் காத்திருக்கும் மிகப்பெரிய சவால்...!

யார் இந்த தர்மாதிகாரி?

ஜூலை 8, 1966 அன்று ராய்ப்பூரில் பிறந்தார். சிவில், குற்றவியல் மற்றும் அரசியலமைப்புச் சட்டப் பிரிவுகளில் பயிற்சி பெற்றவர். ஜபல்பூரில் உள்ள மத்தியப் பிரதேச உயர் நீதிமன்றத்தில் 24 ஆண்டுகள் வழக்கறிஞராகப் பணியாற்றிய அனுபவம் கொண்டவர்.

ஏப்ரல் 7, 2016 அன்று மத்தியப் பிரதேச உயர் நீதிமன்ற நீதிபதியாகவும், மார்ச் 17, 2018 அன்று நிரந்தர நீதிபதியாகவும் நியமிக்கப்பட்டார்.

1992 ஆம் ஆண்டு ஜபல்பூரில் உள்ள ம.பி. உயர்நீதிமன்றத்தில் மூத்த வழக்கறிஞர் மத்தியப்பிரதேசத்தின் முன்னாள் அட்வகேட் ஜெனரல் ஸ்ரீ ஒய்.எஸ். தர்மாதிகாரியை முதன் முதலாக ஜூனியராக இணைத்துக் கொண்டார். 

2000 முதல் 2015 வரை மத்திய அரசிற்கான நிலையான ஆலோசகராக, வருமான வரித் துறை, இந்திய ரிசர்வ் வங்கி, மத்திய கலால் வரி, மாவட்ட மத்திய கூட்டுறவு வங்கி, ஹோஷங்காபாத், பல்வேறு பொதுத்துறை நிறுவனங்கள், கேந்திரிய வித்யாலயா சங்கதன், பிஎஸ்என்எல், போபால் எரிவாயு பாதிக்கப்பட்டவர் நல ஆணையர் போன்ற துறைகளில் பணியாற்றியுள்ளார். 

இதையும் படிங்க: #BREAKING அதிரும் அரசியல் களம்... எம்.எல்.ஏ. பதவியை ராஜினாமா செய்கிறார் ஓபிஎஸ்?... இன்றே திமுகவில் ஐக்கியம்...!!