தமிழக வெற்றி கழகத்தின் தலைவர் விஜய் இன்று தனது 51 ஆவது பிறந்த நாளை கொண்டாடுகிறார். அவரது பிறந்தநாளை கொண்டாடும் வகையில் கட்சி தொண்டர்களும், ரசிகர்களும் ஏராளமான நலத்திட்ட உதவிகள், கொண்டாட்டங்களில் ஈடுபட்டு வருகின்றனர். தமிழகத்தின் பல இடங்களில் விஜய்யின் திரைப்படங்களின் சிறப்பு காட்சிகள், பேனர் வைத்தல், இனிப்பு விநியோகம் ஆகியவை நடைபெற்றன. தவெக அலுவலகங்களில் பிறந்தநாள் விழாக்கள், கேக் வெட்டுதல் மற்றும் உறுப்பினர் சேர்க்கை இயக்கங்கள் நடைபெற்றன.

மேலும், பல இடங்களில் இலவச மருத்துவ முகாம்கள், கண் பரிசோதனை மற்றும் மருத்துவ உபகரணங்கள் வழங்கப்பட்டன. தமிழகம் முழுவதும் பல இடங்களில் பேனர்கள் வைத்து உற்சாகமாகக் கொண்டாடினர். ராயபுரம், ஆர்.கே.நகர், சோழிங்கநல்லூர் உள்ளிட்ட பகுதிகளில் தவெக மற்றும் ரசிகர் மன்றங்கள் சார்பில் விஜய்யின் புகைப்படங்கள், தவெக லோகோ, மற்றும் அவரது அரசியல் முழக்கங்களுடன் கூடிய பேனர்கள் வைக்கப்பட்டன.

இதையும் படிங்க: திமுக காரங்க கமுக்கமா மாநாட்டுல கலந்துப்பாங்க.. ஒரே போடாக போட்ட தமிழிசை..!

அண்ணா சாலை மற்றும் கோயம்பேடு பகுதிகளில் மாபெரும் விஜய் கட்அவுட்கள் நிறுவப்பட்டன. மதுரை மாநகர் பகுதிகளில், குறிப்பாக அரசு மருத்துவமனை அருகே மற்றும் முக்கிய சந்திப்புகளில் பேனர்கள் வைக்கப்பட்டன. “தமிழகத்தின் எதிர்காலம்” என்ற முழக்கத்துடன் விஜய்யின் படங்கள் இடம்பெற்றன. கோவை காந்திபுரம் மற்றும் ஆர்.எஸ்.புரம் பகுதிகளில் தவெக இளைஞரணி சார்பில் வண்ணமயமான பேனர்கள் மற்றும் டிஜிட்டல் பேனர்கள் வைக்கப்பட்டன. திருச்சி தில்லைநகர் மற்றும் சத்திரம் பேருந்து நிலையம் அருகே விஜய்யின் திரைப்பட காட்சிகள் மற்றும் அரசியல் பயணத்தை வெளிப்படுத்தும் பேனர்கள் அலங்கரிக்கப்பட்டன.

இவ்வாறு தமிழகம் முழுவதும் பல்வேறு இடங்களில் பேனர்கள் வைத்து விஜய் பிறந்தநாளை கொண்டாடினர். அவ்வாறு, விஜய் பிறந்தநாளை முன்னிட்டு கள்ளக்குறிச்சியில் வைக்கப்பட்ட வாழ்த்து பேனர் கிழிக்கப்பட்ட சம்பவம் அதிர்ச்சியை ஏற்படுத்தி உள்ளது. பேனர் கிழிப்பு பிரச்சனையில் திமுக, தவெக தொண்டர்கள் இடையே மோதல் ஏற்பட்டுள்ளது. இந்த தாக்குதலில் இரு கட்சிகளையும் சேர்ந்த மூவரின் மண்டை உடைந்த நிலையில், மருத்துவமனையில் அனுமதிக்கப்பட்டு சிகிச்சை பெற்று வருகின்றனர்.

இதையும் படிங்க: கொத்தடிமை கூட்டத்தால் இந்த ஆட்சியை தாங்கி கொள்ள முடியவில்லை... வாட்டி எடுத்த முதலமைச்சர் மு.க.ஸ்டாலின்!!