மகாராஷ்டிர சட்டசபை தேர்தல் 2024-ல பாஜகவோட தேர்தல் ஆணையம் கூட்டு சேர்ந்து வாக்குகளை திருடியதா கடுமையான குற்றச்சாட்டு வைச்ச ராகுல் காந்திக்கு, தேர்தல் ஆணையம் ஒரு கடும் எச்சரிக்கை விடுத்திருக்கு. “நீங்க சொல்ற குற்றச்சாட்டுக்கு உறுதிமொழி பத்திரத்துல கையெழுத்து போட்டு ஆதாரம் கொடுங்க, இல்லேன்னா மன்னிப்பு கேளுங்க”னு தேர்தல் ஆணையம் சொல்லியிருக்கு. 

ஆனா, ராகுல் காந்தி இதுக்கு பதிலடி கொடுத்து, “நான் பொதுவா சொன்னது தான் என் உறுதிமொழி, ஆதாரம் எல்லாம் தேர்தல் ஆணையத்தோட டேட்டாவுல இருக்கு, அவங்க தான் உண்மையை மறைக்குறாங்க”னு திருப்பி அடிச்சிருக்காரு.

ராகுல் காந்தி, ஆகஸ்ட் 7, 2025-ல டெல்லியில ஒரு பத்திரிக்கையாளர் சந்திப்புல, மகாராஷ்டிர தேர்தலில் ஒரு கோடி புது வாக்காளர்கள் எப்படி திடீர்னு வந்தாங்கன்னு கேள்வி எழுப்பினார். “லோக்சபா தேர்தல்ல இவ்ளோ வாக்காளர்கள் இல்ல, ஆனா ஐந்து மாசத்துல சட்டசபை தேர்தலுக்கு ஒரு கோடி பேர் வந்துட்டாங்க. மாலை 5:30 மணிக்கு மேல திடீர்னு வாக்கு எண்ணிக்கை ஏறியிருக்கு, ஆனா எங்க ஆளுங்க அங்க அப்படி ஒரு வாக்குப்பதிவு நடக்கவே இல்லைன்னு சொல்றாங்க”னு ராகுல் குற்றம்சாட்டினார். 

இதையும் படிங்க: பீகார் தேர்தலிலும் மேட்ச் பிக்சிங்..? தேர்தல் ஆணையத்தை தாளிக்கும் ராகுல்காந்தி..!

இதோட, கர்நாடகாவுல மகாதேவபுரா தொகுதியில 6.5 லட்சம் வாக்குகள்ல ஒரு லட்சம் வாக்குகள் போலியானவைன்னு, காங்கிரஸ் ஆராய்ச்சி குழு கண்டுபிடிச்சதா ஆதாரங்களை காட்டினார். “போலி முகவரிகள், ஒரே பேரு நாலு இடத்துல, ஒரு வீட்டுல 46 பேர் வாக்காளர்களா இருக்காங்க”னு ராகுல் அதிர்ச்சி தர்ற தகவல்களை வெளியிட்டார்.

ராகுல் இன்னொரு படி மேல போய், “தேர்தல் ஆணையம் டிஜிட்டல் வாக்காளர் பட்டியலை கொடுக்க மறுக்குது, CCTV காட்சிகளை அழிக்கப் பார்க்குது, இது பாஜகவோட கூட்டு சதி”ன்னு குற்றம்சாட்டினார். “இது இந்திய அரசியலமைப்புக்கு எதிரான குற்றம், இதுக்கு தண்டனை கிடைக்கும்”னு எச்சரிச்சார். 

கர்நாடகாவுல ‘வோட் அதிகார்’ பேரணியில பேசும்போது, “நாங்க ஒரு தொகுதியை ஆராய்ச்சு செய்ய ஆறு மாசம் ஆச்சு, டிஜிட்டல் டேட்டா கொடுத்தா 30 செகண்ட்ல இதை கண்டுபிடிச்சிருப்போம்”னு சொல்லி, தேர்தல் ஆணையம் மறைக்கிறதுக்கு காரணம் இதுதான்னு குற்றம்சாட்டினார்.

இதுக்கு பதிலா, கர்நாடக தலைமை தேர்தல் அதிகாரி, “ராகுல் சொல்ற போலி வாக்காளர்கள் பத்தி விவரம் கொடுங்க, உறுதிமொழி பத்திரத்துல கையெழுத்து போடுங்க”னு கேட்டிருக்கு. ஆனா, ராகுல், “நான் பொதுவா சொன்னது தான் உறுதிமொழி, ஆதாரம் எல்லாம் உங்க டேட்டாவுலயே இருக்கு”னு பதிலடி கொடுத்து, தேர்தல் ஆணையத்தை மறுபடியும் கேள்வி கேட்டிருக்காரு: “ஏன் டிஜிட்டல் வாக்காளர் பட்டியலை மறைக்குறீங்க? ஏன் CCTV காட்சிகளை அழிக்குறீங்க? ஏன் பாஜகவுக்கு ஆதரவா செயல்படுறீங்க?”னு.

பாஜக இதுக்கு கடுமையா பதிலடி கொடுத்திருக்கு. மகாராஷ்டிர முதல்வர் தேவேந்திர ஃபட்னவிஸ், “ராகுலோட புத்தி திருடு போயிருக்கு”னு கிண்டல் பண்ணியிருக்காரு. பாஜக எம்.பி ரவிசங்கர் பிரசாத், “ராகுல் தோல்வி காரணமா இப்படி பொறுப்பில்லாம பேசுறார், இது மக்கள் மேல அவமரியாதை”னு குற்றம்சாட்டியிருக்காரு. 
ஆனா, ராகுல் இதை கண்டுக்காம, உத்தரகாண்ட், மத்திய பிரதேசம், சத்தீஸ்கர் மாதிரி மாநிலங்கள்லயும் இதே மாதிரி வாக்கு திருட்டு நடந்ததா குற்றம்சாட்டி, “நாங்க ஆட்சிக்கு வந்தா இதுக்கு எல்லாம் பதில் சொல்லணும்”னு எச்சரிச்சிருக்காரு.

இதையும் படிங்க: ஒரு வலிமையான ஆதாரத்தை முன்வைத்தார் ராகுல்.. சப்போர்ட்டுக்கு இறங்கிய ப.சிதம்பரம்..!!