சென்னை: அதிமுகவை வலுப்படுத்த தொழில்நுட்பத்தை பயன்படுத்த வேண்டும் என்று பொதுச்செயலாளர் எடப்பாடி பழனிசாமி வலியுறுத்தினார். கிருஷ்ணகிரி மற்றும் தர்மபுரி மாவட்ட நிர்வாகிகள் கூட்டத்தில் பேசிய அவர், இனி கட்சியின் வளர்ச்சிக்கு ஏஐ (AI) தொழில்நுட்பத்தை பயன்படுத்தும் அளவுக்கு திறமையானவர்களுக்கு பதவி வழங்க வேண்டும் என்றார்.

தற்போதைய ஆட்சியாளர்கள் மக்களுக்கு எந்த உதவியும் செய்யாமல் ஆட்சிக்கு வந்ததாக எடப்பாடி பழனிசாமி விமர்சித்தார். விவசாயிகளின் உழைப்பு மற்றும் கஷ்டங்களை அவர்கள் அறியாததால், வாக்குறுதிகளை நிறைவேற்றவில்லை என்றும் குற்றம் சாட்டினார். 

சமூக வலைதளங்கள் மூலம் கட்சியை வளர்த்ததாக கூறிய எடப்பாடி, அதிமுகவும் ஐடி விங்கை மாநிலம், மண்டலம், ஒன்றிய அளவில் வலுப்படுத்தியதாக தெரிவித்தார். ஆனால் ஐடி விங் நிர்வாகிகள் சரியாக செயல்படவில்லை என்று சுட்டிக்காட்டினார். 

இதையும் படிங்க: உங்கள உள்ள விட மாட்டோம்! சி.வி.சண்முகத்திற்கு நோ எண்ட்ரி! விழுப்புரம் அதிமுகவில் முற்றுகிறது மோதல்!

இனிமேல் சரியாக செயல்படாதவர்களை நீக்கிவிட்டு, ஆர்வமும் திறமையும் உள்ளவர்களுக்கு பொறுப்பு கொடுக்க வேண்டும் என்று அறிவுறுத்தினார். குறிப்பாக ஏஐ தொழில்நுட்பத்தை பயன்படுத்தி கட்சியை வளர்க்கும் திறமையான இளைஞர்களுக்கு முக்கியத்துவம் அளிக்க வேண்டும் என வலியுறுத்தினார்.

தோல்விக்கு ஐடி விங் மட்டும் காரணம் அல்ல, பிற சார்பு அணிகளும் சரியாக செயல்படவில்லை என்று தெரிவித்த எடப்பாடி, அரசியலில் வெற்றி தோல்வி சகஜம் எனக் கூறினார். சுயலாபத்துக்காக கட்சியை விட்டு சென்றவர்களுக்கு பதிலாக விசுவாசமானவர்களுக்கு உள்ளாட்சித் தேர்தலில் வாய்ப்பு அளிக்க வேண்டும் என்றார். இடைத்தேர்தல், உள்ளாட்சித் தேர்தல் எதுவாக இருந்தாலும் அனைவரும் ஒன்றிணைந்து கடுமையாக உழைக்க வேண்டும் என அழைப்பு விடுத்தார்.

அதிமுகவை எந்த சக்தியாலும் அசைக்க முடியாது என்று நம்பிக்கை தெரிவித்த எடப்பாடி பழனிசாமி, கட்சியை பலப்படுத்த அனைத்து நிர்வாகிகளும் தீவிரமாக செயல்பட வேண்டும் என்று வலியுறுத்தினார். இந்தக் கூட்டம் அதிமுகவில் புதிய உற்சாகத்தை ஏற்படுத்தியுள்ளது. 

இதையும் படிங்க: அதிமுகவில் அடுத்த விக்கெட்! ஓசூர் எம்.எல்.ஏ ஆப்சென்ட்! கடுப்பில் எடப்பாடி பழனிசாமி!