தமிழ்நாட்டில் அரசு மருத்துவக் கல்லூரிகளில் எம்பிபிஎஸ் படிப்புக்கான விளையாட்டுத் துறை இட ஒதுக்கீடு “Sports Quota” அதிகரிக்கப்பட்டுள்ளது. இது விளையாட்டு வீரர்களுக்கு மருத்துவக் கல்வியில் அதிக வாய்ப்புகளை உருவாக்கும் முக்கிய முடிவாகக் கருதப்படுகிறது. தமிழக அரசு, விளையாட்டு வீரர்களின் கல்வி மற்றும் வாழ்க்கை வாய்ப்புகளை மேம்படுத்தும் நோக்கில், அரசு மருத்துவக் கல்லூரிகளில் எம்பிபிஎஸ் மற்றும் பிடிஎஸ் படிப்புகளுக்கான விளையாட்டு ஒதுக்கீட்டை உயர்த்தியுள்ளது.

இதற்கான உத்தரவு சமீபத்தில் வெளியிடப்பட்டுள்ளது. முன்பு இந்த ஒதுக்கீடு MBBS-க்கு 7 இடங்கள், BDS-க்கு 1 இடம் இருந்து வந்த நிலையில், இப்போது அதிகரிக்கப்பட்டுள்ளது. இந்த மாற்றம், மாநில அளவிலான விளையாட்டு சாதனைகளைப் பெற்றவர்களுக்கு மருத்துவத் துறையில் நுழைவதற்கு பெரும் ஊக்கமாக அமையும்.

இந்த அதிகரிப்பு, தமிழகத்தில் விளையாட்டுத் துறையை ஊக்குவிக்கும் அரசின் கொள்கையின் ஒரு பகுதியாகும். விளையாட்டு வீரர்கள் தங்கள் திறமையைத் தொடர்ந்து வளர்த்துக்கொள்ளவும், அதேநேரம் மருத்துவத் துறையில் பங்களிக்கவும் இது உதவும். குறிப்பாக, மாநில அளவு, தேசிய அளவு சாதனைகளைப் பெற்றவர்களுக்கு முன்னுரிமை அளிக்கும் வகையில், சான்றிதழ் சரிபார்ப்பு மற்றும் மதிப்பீடு செயல்முறைகள் தொடர்ந்து கடுமையாகவே இருக்கும்.

இதையும் படிங்க: பிணவறையிலும் அலட்சியம்... நிர்வாக சீர்கேடு..! திமுகவை விளாசிய தவெக..!!

ஆனால் இடங்கள் அதிகரித்ததால், தகுதியான விளையாட்டு வீரர்களுக்கு அதிக வாய்ப்புகள் கிடைக்கும் என எதிர்பார்க்கப்படுகிறது. விளையாட்டு ஒதுக்கீட்டுக்கான இடங்கள் 7ல் இருந்து 13 ஆகவும், BDS படிப்பில் 1ல் இருந்து 2 ஆகவும் அதிகரித்து தமிழ்நாடு அரசு உத்தரவு பிறப்பித்தது. விளையாட்டு வீரர்கள் தரப்பில் இருந்து வந்த கோரிக்கைகளை பரிசீலித்து, துணை முதலமைச்சர் உதயநிதி ஸ்டாலின் தலைமையில் நடந்த கூட்டத்தில் ஒப்புதல் அளிக்கப்பட்டுள்ளது. 

இதையும் படிங்க: GAS தட்டுப்பாடு பிரச்சனை... அம்மா உணவகங்களில் கவனம் தேவை... EPS வலியுறுத்தல்..!!