கத்திரி வெயில் தொடங்குவதற்கு முன்பாகவே வெயில் வாட்டி எடுத்து வருகிறது. வெளியில் தலை காட்ட முடியாத அளவுக்கு சுட்டெரித்து வருகிறது. உஷ்ணம் தாங்க முடியாமல் மக்கள் அவதி அடைந்து வருகின்றனர். சூடான காற்று பெரும் புழுக்கத்தை ஏற்படுத்துகிறது.  இந்த நிலையில் வானிலை ஆய்வு மையம் எச்சரிக்கை கொடுத்தது.

தமிழ்நாட்டில் வெப்ப அலை காரணமாக மக்களுக்கு நீர்ச்சத்தை இழப்பு ஏற்படுவதை தவிர்க்கும் வகையில் சுகாதாரத்துறை அறிவுறுத்தி உள்ளது. தமிழ்நாட்டில் கோடைக்காலத்தில் வெப்ப அலை தீவிரமடைந்து வரும் நிலையில், மக்களின் உடல் நீர்ச்சத்து இழப்பைத் தடுக்கும் வகையில் சுகாதாரத்துறை பல்வேறு முக்கிய அறிவுறுத்தல்களை வெளியிட்டுள்ளது. இந்த அறிவுறுத்தல்கள் வெப்ப அலையின் தாக்கத்தால் ஏற்படும் வெப்பச் சோர்வு, நீரிழப்பு, வெப்ப பக்கவாதம் போன்ற பிரச்சினைகளிலிருந்து பொதுமக்களைப் பாதுகாக்கும் நோக்கத்துடன் தயாரிக்கப்பட்டுள்ளன.

குறிப்பாக, குழந்தைகள், முதியோர், கர்ப்பிணிகள் மற்றும் இணை நோய்களால் பாதிக்கப்பட்டவர்கள் போன்ற பாதிக்கப்படக்கூடிய குழுக்களுக்கு இந்த வழிகாட்டுதல்கள் மிகவும் முக்கியத்துவம் வாய்ந்தவையாகக் கருதப்படுகின்றன.தமிழ்நாடு சுகாதாரத்துறை வெளியிட்டுள்ள அறிவிப்புகளின்படி, வெப்ப அலை காலத்தில் உடலை நீரேற்றமாக வைத்திருப்பது மிக முக்கியமானது. தாகம் இல்லாவிட்டாலும் போதுமான அளவு தண்ணீர் குடிக்க வேண்டும் என்று வலியுறுத்தப்படுகிறது. ஏனெனில், தாகம் என்பது உடலில் ஏற்கனவே நீர்ச்சத்து குறைவு ஏற்பட்டுவிட்டதற்கான அறிகுறியாகும். எனவே, அடிக்கடி சிறிய அளவில் தண்ணீர் அருந்துவது அவசியம். 

இதையும் படிங்க: கோடை காலத்தை முன்னிட்டு 18,000 சிறப்பு ரயில்கள்..! ரயில்வே அமைச்சகம் அறிவிப்பு..!

அனைத்து மருத்துவமனைகள் ஆரம்ப சுகாதார நிலையங்களில் போதிய ஓஆர்எஸ் கரைசல் இருப்பு வைத்துக்கொள்ள வேண்டும் என்றும் அரசு மருத்துவமனைகள் ஆரம்ப சுகாதார நிகழ்வுகளில் ஓஆர்எஸ் கரைசலை இலவசமாக வாங்கிக் கொள்ளலாம் எனவும் தெரிவிக்கப்பட்டுள்ளது. ஹீட் ஸ்டோக்கால் ஏற்படும் உயிரிழப்பை தடுக்க மாவட்ட சுகாதாரத்துறை அலுவலர்கள் முன்னெச்சரிக்கை நடவடிக்கை எடுக்க அறிவுறுத்தப்பட்டுள்ளது. ஹிட் ஸ்ட்ரோக் சிறப்பு வார்டுகளை அமைக்கவும் அறிவுறுத்தப்பட்டுள்ளது. 

இதையும் படிங்க: இன்னும் கத்திரியே தொடங்கல.. அதுக்குள்ளயா..!! 11 நகரங்களில் 100 டிகிரியை தாண்டிய வெயில்..!!