பாஜகவின் மூத்த தலைவர்களில் ஒருவரான எச்.ராஜா தற்போது சென்னையில் உள்ள அப்பல்லோ மருத்துவமனையில் சிகிச்சை பெற்று வருகிறார். கடந்த வாரம் ஒரு தனியார் தொலைக்காட்சி நிகழ்ச்சியில் பங்கேற்றபோது திடீரென அவருக்கு உடல்நலக் குறைவு ஏற்பட்டது. விவாதம் நடந்து கொண்டிருந்த நேரத்தில் அவர் மயங்கி விழுந்தார். அப்போது அரங்கில் இருந்த மற்றொரு பாஜக தலைவரும் முன்னாள் கவர்னருமான தமிழிசை சௌந்தரராஜன் உடனடியாக முதற்கட்ட உதவி செய்து, அவரை அருகிலிருந்த மருத்துவமனைக்கு அழைத்துச் சென்றார்.

அங்கு ஆரம்ப சிகிச்சைக்குப் பிறகு, நிலைமை மேலும் தீவிரமானதால் சென்னை கிரீம்ஸ் சாலையில் உள்ள அப்பல்லோ மருத்துவமனைக்கு மாற்றப்பட்டார். மருத்துவமனையில் நடத்தப்பட்ட பரிசோதனைகளில் எச்.ராஜாவுக்கு பக்கவாதம் ஏற்பட்டிருப்பது உறுதியானது. அவருக்கு உடனடியாக தீவிர சிகிச்சைப் பிரிவில் அனுமதிக்கப்பட்டு, மருத்துவர்கள் குழு தொடர்ந்து கண்காணித்து வருகிறது. மருத்துவமனை நிர்வாகம் வெளியிட்ட அறிக்கையில், அவருக்கு உரிய சிகிச்சைகள் அளிக்கப்பட்டு வருவதாகவும், தற்போது உடல்நிலையில் நல்ல முன்னேற்றம் ஏற்பட்டிருப்பதாகவும் தெரிவிக்கப்பட்டுள்ளது.

அவர் குடும்பத்தினருடனும் நண்பர்களுடனும் பேசும் அளவுக்கு நலமுடன் இருப்பதாகவும் குறிப்பிடப்பட்டுள்ளது.இந்தச் சம்பவம் அறிந்ததும் தமிழக முதலமைச்சர் மு.க.ஸ்டாலின் நேரடியாக மருத்துவமனைக்குச் சென்று எச்.ராஜாவின் குடும்பத்தினரிடம் உடல்நலம் குறித்து விசாரித்தார். அதேபோல் அதிமுக பொதுச் செயலாளர் எடப்பாடி பழனிசாமி, பாஜகவைச் சேர்ந்த வானதி சீனிவாசன் உள்ளிட்ட பலரும் நேரில் சென்று நலம் விசாரித்தனர்.

இதையும் படிங்க: கமல் பேசுனது ஸ்டாலினுக்கே ஷாக் ஆகி இருக்கும்... அவர அனுப்புனதே பெரிய தப்பு..! நக்கலடித்த தமிழிசை..!

கூடுதலாக, நடிகர் ரஜினிகாந்த் கூட மருத்துவமனைக்குச் சென்று அவரைப் பார்த்துச் சென்றுள்ளார். இந்த நிலையில் பாஜக மூத்த தலைவர் தமிழிசை சௌந்தரராஜன் எச். ராஜாவை நேரில் சந்தித்து நலம் விசாரித்தார். விரைவில் நலம் பெற்று வீடு திரும்ப வேண்டும் என்று இன் முகத்துடன் வாழ்த்தினார். மேலும் எச். ராஜாவின் குடும்பத்தினரிடம் அவருக்கு அளிக்கப்படும் சிகிச்சைகள் தொடர்பாகவும் கேட்டறிந்தார்.

இதையும் படிங்க: வஞ்சிக்கும் பாஜக... ஒத்து ஊதும் அதிமுக..! நிதிநிலை அறிக்கையை கண்டித்து திமுக கூட்டணி ஆர்ப்பாட்டம் அறிவிப்பு..!