சட்டப்பேரவையில் இன்று ஆளுநர் உரை மீதான விவாதத்துக்கு முதல்வர் விஜய் பதிலுறை ஆற்றினார். அப்போது பேசும்பொழுது தங்கள் அமைச்சரவையில் நான்கு பெண்களுக்கு இடமளித்திருப்பதாக குறிப்பிட்டிருந்தார். இதனை அதிமுக எம்.பி விமர்சனம் செய்திருக்கிறார். நான்கு பெண்களுக்கு தனது அமைச்சரவையில் இடம் அளித்துள்ளதாக சட்டப்பேரவையில் முதல்வர் விஜய் பெருமையுடன் கூறுகிறார் என்றும் அதிமுக எம்பி இன்பதுரை தெரிவித்தார்.

ஒரு பெண்ணையே முதலமைச்சராக்கிய பெருமை அதிமுகவுக்கு உண்டு என்றும் அவர் கூறியுள்ளார். 1979-ஆம் ஆண்டு சரண்சிங் அமைச்சரவையில் அதிமுக இடம்பெற்றபோது, மறைந்த சத்தியவாணி முத்து அம்மையார் என்ற பட்டியலினப் பெண்ணுக்கு அந்த வாய்ப்பைப் பெற்றுத் தந்தவர் எம்.ஜி.ஆர் என்று அவர் குறிப்பிட்டுள்ளார். சுதந்திர இந்தியாவில் பட்டியலின சமூகத்தைச் சேர்ந்த பெண் மத்திய அமைச்சராக உயர்ந்த முன்னோடித் தலைவர் என்ற பெருமையை அம்மையாருக்கு பெற்றுத் தந்தது அதிமுக என்றும் பெருமையுடன் கூறியுள்ளார்.

மேலும், டாக்டர் அம்பேத்கர் தனது சுயசரிதையில், பள்ளிப் பருவத்தில் உணவு அருந்தும் நேரங்களில் பிற மாணவர்களிடமிருந்து தனியே அமர வைக்கப்பட்ட வேதனையைப் பதிவு செய்துள்ளார் என்றும் அதிமுக ஆட்சியில், பள்ளிக் குழந்தைகளுக்கு உணவு வழங்கும் சத்துணவுத் திட்டத் துறையை பட்டியலின சமூகத்தைச் சேர்ந்த சரோஜாவிடம் ஒப்படைத்த வரலாறு உண்டு என்றும் கூறினார்.

இதையும் படிங்க: இன்பதுரை வெற்றி செல்லாது... அதிரடி தீர்ப்பு..! தலையில் இடியை இறக்கிய ஹைகோர்ட்..!

அதுமட்டுமா… திருச்சி பொதுத் தொகுதியில் பட்டியலின சமூகத்தைச் சேர்ந்த எழில்மலையை வேட்பாளராக நிறுத்தி வெற்றி பெறச் செய்த சிறப்புமிக்க வரலாறும் அதிமுகவுக்கு உண்டு என்றும் கூறியுள்ளார். சமூக நீதி என்றால் அன்றும், இன்றும், என்றும் அதிமுகதான் என இன்பதுரை திட்டவட்டமாக தெரிவித்தார். 

இதையும் படிங்க: தவெக ‘எக்ஸ்பிரஸ் ஆபரேஷன்’..? "100% குதிரை பேரம்"..! அதிமுக இன்பதுரை அதிருப்தி..!