இந்தியாவின் சுரங்கங்கள் மற்றும் கனிமங்கள் சட்டம் 1957-ஐ திருத்தும் மசோதா 2026, நாட்டின் கனிமத் துறையில் நீண்டகால நிதி நிச்சயத்தன்மையை உருவாக்கும் நோக்கத்துடன் கொண்டுவரப்பட்டுள்ளது. இந்த மசோதா மக்களவையில் அறிமுகப்படுத்தப்பட்டு, எதிர்க்கட்சி உறுப்பினர்களின் எதிர்ப்புக்கு இடையே விவாதமின்றி நிறைவேற்றப்பட்டது.

இதன் முக்கிய நோக்கம், மாநில அரசுகள் கனிம உரிமைகள் மற்றும் கனிமம் உள்ள நிலங்களின் மீது விதிக்கும் கூடுதல் வரிகள், செஸ் மற்றும் பிற கட்டணங்களை ஒழுங்குபடுத்தி, தேசிய அளவில் சீரான மற்றும் முன்னறிவிக்கக்கூடிய நிதிச்சட்ட கட்டமைப்பை உருவாக்குவதாகும்.கனிமங்கள் நாட்டின் உள்கட்டமைப்பு, உற்பத்தித் துறை, ஆற்றல் பாதுகாப்பு மற்றும் பொருளாதார வளர்ச்சிக்கு மிக முக்கியமான இயற்கை வளங்களாகக் கருதப்படுகின்றன. இவை வரையறுக்கப்பட்டவை மற்றும் சில மாநிலங்களில் மட்டும் குவிந்துள்ளன.

எனவே அவற்றின் பிரித்தெடுத்தல் மற்றும் மேலாண்மை தேசிய நலனையும் நீண்டகால நிலையான வளர்ச்சியையும் கருத்தில் கொண்டு நடைபெற வேண்டும் என்பது மத்திய அரசின் நிலைப்பாடு. தற்போதைய சட்டத்தில் மத்திய அரசு சுரங்கங்களின் ஒழுங்குமுறை மற்றும் கனிம வளர்ச்சியின் மீது கட்டுப்பாடு கொண்டிருந்தாலும், கனிமம் உள்ள நிலங்களின் ஒழுங்குமுறை அதே அளவில் மத்திய கட்டுப்பாட்டில் இல்லை. இந்த திருத்த மசோதா அந்த இடைவெளியை நிரப்ப முயல்கிறது.மசோதாவின் படி, கனிம உள்ளடக்கங்கள் மத்திய அரசு நிர்ணயிக்கும் அளவுகோல்களுக்கு ஏற்ப உள்ள நிலங்கள் “கனிமம் தாங்கும் நிலம்” என வரையறுக்கப்படுகின்றன. 

இதையும் படிங்க: திமுகவின் புறக்கணிப்பு முறையற்றது.! அவங்களுக்கு அக்கறை இல்ல..!! அமைச்சர் ராஜ்மோகன் பேட்டி.!

இந்த சட்ட திருத்தத்தை மத்திய அரசு திரும்ப பெற வேண்டும் என நாடாளுமன்ற உறுப்பினர் கனிமொழி வலியுறுத்தி உள்ளார். கனிம வளங்கள் மீது மாநில அரசுகளுக்கு உள்ள செஸ் வரி உள்ளிட்ட நிதி அதிகாரங்களைப் பறிக்கும் வகையில், மக்களவையில் முறையான விவாதங்கள் ஏதுமின்றி மத்திய பாஜக அரசு நிறைவேற்றியுள்ள MMDR சட்டத் திருத்த மசோதா 2026, மாநில உரிமைகள் மீதான நேரடித் தாக்குதலாகும் என்றார்.

2024 ஆம் ஆண்டு உச்சநீதிமன்றம் உறுதி செய்த மாநிலங்களின் கனிம வளங்கள் மீதான வரி விதிக்கும் அதிகாரத்தையே இத்திருத்தச் சட்டம் நீர்த்துப்போகச் செய்வதோடு, சுற்றுச்சூழலுக்கு பேராபத்தை விளைவித்து, மாநிலங்களின் நிதி சுயாட்சியை பறிக்கும் நோக்கத்தோடு அமைந்துள்ளது என்று அவர் கூறியுள்ளார். மத்திய பாஜக அரசு இச்சட்டத் திருத்தத்தை திரும்ப பெற வேண்டும் என்றும் கூறினார். 

இதையும் படிங்க: "மேகதாது விஷயத்தில் விஜய் கப்சிப்"..! இதுக்கு மட்டும் மீட்டிங்கா..? அனைத்துக் கட்சிக் கூட்டத்தை விளாசிய கனிமொழி.!