உத்தர பிரதேச தலைநகர் லக்னோவின் ஆஷியானா பகுதியில் நடந்த கொடூர கொலை உலகையே அதிர்ச்சிக்கு உள்ளாக்கியுள்ளது. 21 வயது மகன் அக்ஷத் பிரதாப் சிங், தனது 49-50 வயது தந்தை மன்வேந்திரா சிங்கை சுட்டுக் கொன்று, உடலை துண்டு துண்டாக வெட்டி, நீல நிற பிளாஸ்டிக் டிரம்மில் சிமென்ட் கலந்து மறைத்துள்ளான். இந்த சம்பவம் குடும்ப உறவுகளில் ஏற்படும் அழுத்தத்தின் கொடூர விளைவை வெளிப்படுத்தியுள்ளது.

மன்வேந்திரா சிங், மது வியாபாரி மற்றும் வார்த்மன் பேதாலஜி லேப் உரிமையாளராக இருந்தார். அவருக்கு அக்ஷத் (21), கீர்த்தி (16) என்ற இரு குழந்தைகள் உள்ளனர். மனைவி 9 ஆண்டுகளுக்கு முன் இறந்துவிட்டார். அக்ஷத் B.Com படித்து வருபவன். தந்தை அவனை NEET தேர்வில் தேர்ச்சி பெற வைக்க தொடர்ந்து அழுத்தம் கொடுத்து வந்ததால், இருவருக்கும் அடிக்கடி தகராறு ஏற்பட்டுள்ளது.

பிப்ரவரி 20 அன்று அதிகாலை 4:30 மணியளவில் மீண்டும் வாக்குவாதம் வெடித்தது. ஆத்திரத்தில் அக்ஷத், தந்தையின் உரிமம் பெற்ற துப்பாக்கியை எடுத்து சுட்டுக் கொன்றான். இதை தங்கை கீர்த்தி நேரில் பார்த்தாள். அவளை "யாரிடமும் சொன்னால் உன்னையும் இதேபோல் செய்வேன்" என்று மிரட்டியுள்ளான்.

இதையும் படிங்க: மும்பை தாக்குதல் பாணி?! இந்தியாவுக்கு எதிராக மீண்டும் சதித்திட்டம்?! வீடியோ வெளியிட்டு மிரட்டும் லஷ்கர் - இ - தொய்பா!!

பின்னர், உடலை மூன்றாவது மாடியில் இருந்து கீழே இழுத்து வந்து, கீழ் தள காலி அறையில் வைத்து எலக்ட்ரிக் சா மூலம் துண்டாக வெட்டினான். தலையை காரில் எடுத்துச் சென்று சதரவுனா கிராமம் அருகே காட்டில் வீசினான். 

கைகள், கால்கள் போன்ற பாகங்களையும் அங்கேயே போட்டுவிட்டான். உடலின் முக்கிய பாகத்தை (டோர்சோ) ஸ்லீப்பிங் பேக்கில் போட்டு, வீட்டிலேயே இருந்த நீல நிற டிரம்மில் சிமென்ட் கலந்து மறைத்தான். சில இரசாயனங்கள் வாங்கி ரத்த கறைகளை சுத்தம் செய்ய முயன்றான். 10 லிட்டர் கெரோசின் வாங்கி எரிக்க திட்டமிட்டிருந்தான்.

தந்தை பிப்.20 முதல் காணவில்லை என அக்ஷதே போலீசில் புகார் அளித்தான். "தில்லி சென்று மறுநாள் திரும்புவேன்" என்று தந்தை கூறியதாக பொய் சொன்னான். ஆனால் மொபைல்கள் ஆஃப் ஆனதால் சந்தேகம் எழுந்தது. விசாரணையில் முரண்பாடுகள் தெரிந்ததால் அவனை கைது செய்தனர். விசாரணையில் அனைத்தையும் ஒப்புக்கொண்டான்.

இதேபோல் கடந்த 2025-ல் மீரட்டில் முஸ்கன் ரஸ்தோகி தன் கணவர் சௌரவ் ராஜ்புத்தை கொலை செய்து, காதலன் சஹில் சுக்லாவுடன் சேர்ந்து உடலை நீல டிரம்மில் சிமென்ட் கலந்து மறைத்த சம்பவம் நினைவுக்கு வருகிறது. "நீல டிரம்" என்றாலே உ.பி. மக்களுக்கு திகில் ஏற்படுகிறது.

இந்த கொலை NEET போன்ற போட்டித் தேர்வு அழுத்தத்தால் ஏற்பட்ட கொடூர விளைவு என்பதால், பெற்றோர்-பிள்ளை உறவில் அழுத்தம் தவிர்க்க வேண்டியதன் அவசியத்தை இது நினைவூட்டுகிறது. லக்னோ மக்கள் அதிர்ச்சியில் ஆழ்ந்துள்ளனர்.

இதையும் படிங்க: அம்பலம்..!! மாட்டிறைச்சி ஏற்றுமதியில் முன்னணி நிறுவனம்..!! பாஜக-வுக்கு ரூ.30 கோடி நன்கொடை..!!