“உங்க கனவு ஒருநாளும் பலிக்காது” – அமித் ஷாவிற்கு சவால் விட்ட அமைச்சர் கே.என்.நேரு…!

நெல்லை பாளையங்கோட்டை பேருந்து நிலையம் அருகே முதல்வர் படைப்பகம் அடிக்கல் நாட்டு விழா நடைபெற்றது. ஊரக வளர்ச்சி துறை அமைச்சர் கே என் நேரு, சபாநாயகர் அப்பாவு, எம்எல்ஏ அப்துல் வகாப், மாவட்ட ஆட்சித் தலைவர் சுகுமார் ஆகியோர் பங்கேற்றனர். 

அதன்பின் நடைபெற்ற செய்தியாளர் சந்திப்பில் அமைச்சர் கே.என்.நேரு, விவசாயத்தில் வேரோடு பிடுங்கி நட்டால் தான் பயிர் நன்றாக விளையும். 15 வருடங்களாக பாஜக வேரோடு பிடுங்கும் வேலையை தான் பார்த்துக் கொண்டிருக்கிறது. அவர்களால் எதையும் செய்ய முடியவில்லை திமுக கூட்டணி தான் வெற்றி பெற்றது. வருங்காலத்திலும் திமுக தான் வெற்றி பெறும்.

 நயினார் நாகேந்திரன் தலைவராக மேடையில் உள்ளார். மிகப்பெரிய கூட்டத்தை கூட்டியுள்ளார். அவர்களது ஆசையை அவர்கள் சொல்லி வருகிறார்கள். வேரோடு பிடுங்கி நடவு செய்தால் பெரியதாக தான் வளரும்.

இதையும் படிங்க: நாளை நெல்லை வரும் அமித் ஷா… இன்று தமிழக பாஜக தலையில் இறங்கியது பேரிடி… பறந்தது அதிரடி உத்தரவு…!

 எங்களது ஆட்சியை எப்படி நன்றாக இருக்கும் என பாஜகவினர் சொல்வார்கள். எங்கள் ஆட்சி மீது பாஜக வைப்பது குற்றச்சாட்டு அல்ல அவர்களது ஆசை.  நாங்கள் தான் தேர்தலில் வெற்றி பெறுவோம் அமித்ஷா பேசிய இதே ஊரில் மிகப்பெரிய வெற்றியை பெறுவோம் அவர்கள் நினைப்பது நடக்காது.

 அதிமுக பாஜக இருவரும் கூட்டணி அதிமுக ஆட்சியில் இருந்தபோது இருண்ட ஆட்சி அவர்களது கண்ணுக்கு தெரியவில்லை. தமிழகத்திற்கு இதுவரை அமித்ஷா 3 முறை வந்து விட்டார். தமிழகத்திற்கு வரும்போதெல்லாம் அமித்ஷா கூட்டணி ஆட்சி என்கிறார். எடப்பாடி எப்போதும் தனித்து ஆட்சி என்கிறார் இதற்கு அமித்ஷாவும் விளக்கம் சொல்லவில்லை. எடப்பாடியும் விளக்கம் சொல்லவில்லை.

அதிமுகவின் கூட்டணியை கீழே உள்ளவர்கள் ஒத்துக்கொள்ளவில்லை. அதிமுக- பிஜேபி தொண்டர்கள் இந்த கூட்டணியை ஏற்றுக் கொள்ளவில்லை. இதை வைத்துவிட்டு அவர்கள் நாங்கள் ஜெயிக்கப் போகிறோம் என சொல்கிறார்கள்.

முதல்வரை யார் எந்த பெயரை வைத்து அழைத்தாலும் மீண்டும் அவர் தான் தமிழகத்தின் முதலமைச்சர். பொதுமக்கள் ,மகளிர் போன்றோர் மிகப்பெரிய ஆதரவை முதல்வருக்கு தந்து வருகின்றனர்.

எம்ஜிஆருக்கு இருந்த மகளிர் ஆதரவை தாண்டி இப்போது முதலமைச்சருக்கு அவர்களது ஆதரவு பெருகிவருகிறது. நடைபெற உள்ள தேர்தலில் வெற்றி பெற்று மீண்டும் திமுக ஆட்சி அமையும். மீண்டும் தமிழக முதல்வராக திமுக தலைவர் வருவார்.

 தோற்றுப் போய்விடுவோம்  என எண்ணி தான் பீகார் ஆந்திரா போன்ற இடங்களில்  பிரச்சனைகளை செய்து வருகின்றனர். திமுகவிற்கு போட்டியே கிடையாது யாராக எதிரில் இருந்தாலும் நாங்கள் தான் வெற்றி பெறுவோம் என்று கூறினார்.
 

இதையும் படிங்க: எங்க கிட்ட வேணாம்! நீங்க கம்பு சுத்த வேண்டியது BJP ஆளும் மாநிலத்தில தான்… முதல்வர் விளாசல்