2026 சட்டமன்றத் தேர்தலில் கொளத்தூர் தொகுதியில் முன்னாள் முதலமைச்சர் மு.க. ஸ்டாலினை எதிர்த்து, தாக்கா தரப்பில் போட்டியிட்டு வெற்றி பெற்றவர் விஎஸ் பாபு.

71 வயதான அவர், கொளத்தூர் தொகுதி சட்டமன்ற உறுப்பினராகத் தேர்ந்தெடுக்கப்பட்டு, தமிழக சட்டப்பேரவையில் தொடர்ந்து தனது பணிகளில் ஈடுபட்டு வந்தார்.

தற்போது தமிழக சட்டப்பேரவை நிகழ்வுகள் நிறைவடைந்துள்ள சூழலில், ஓய்வில் இருந்து வந்த விஎஸ் பாபுவுக்கு இன்று காலை திடீரென சுவாசப் பிரச்சனை ஏற்பட்டுள்ளது. இதையடுத்து, சென்னை அமைந்தகரையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார்.

இதையும் படிங்க: #BREAKING என்ன ஆச்சு?... கொளத்தூர் எம்.எல்.ஏ. வி.எஸ். பாபு மருத்துவமனையில் அனுமதி... விடிந்ததுமே தவெகவுக்கு ஷாக்...!

மருத்துவர்கள் அடங்கிய குழுவினர் முதற்கட்டமாக அவருக்கு மேற்கொண்ட மருத்துவப் பரிசோதனையில், செயற்கை சுவாசம் அளிப்பதற்கான தேவை இருந்தது தெரியவந்தது. உடலில் ரத்த ஓட்டம் மற்றும் முக்கிய உடல் செயல்பாடுகளை சீராக வைத்திருப்பதற்குத் தேவையான ஆக்சிஜன் அளவை தொடர்ந்து வழங்க வேண்டிய சூழல் இருந்ததால், செயற்கை சுவாசத்துடன் ஆக்சிஜனும் வழங்கப்பட்டு வருவதாக காலையில் தகவல் வெளியிட்டிருந்தோம்.

தற்போது மருத்துவக் குழுவின் தரப்பிலிருந்து அதிகாரப்பூர்வ அறிவிப்பு வெளியாகியுள்ளது. அதன்படி, தேவையான மருத்துவ சிகிச்சைகள் வழங்கப்பட்டு வருவதுடன், மருத்துவ ரீதியாக அவருக்கு சுவாச ஆதரவு, அதாவது ஆக்சிஜன் சப்போர்ட் வழங்கப்பட்டு வருவதாகவும் தெரிவிக்கப்பட்டுள்ளது.

மேலும், அவரது உடல்நிலை சீராக இருப்பதாகவும், தொடர்ந்து சிகிச்சைகள் வழங்கப்பட்டு வருவதாகவும் மருத்துவக் குழுவின் தரப்பில் தெரிவிக்கப்பட்டுள்ளது.

மேலும், சட்டமன்ற உறுப்பினர் விஎஸ் பாபு தீவிர மருத்துவக் கண்காணிப்பு மற்றும் மேற்பார்வையில் இருப்பார் என்றும் மருத்துவக் குழுவின் தரப்பில் தகவல் வெளியிடப்பட்டுள்ளது.

தற்போதைய நிலையில், கிரிட்டிக்கல் கேர் பிரிவில் பல்வேறு துறைகளைச் சேர்ந்த மருத்துவ நிபுணர்கள் குழுவின் கண்காணிப்பில் விஎஸ் பாபு இருந்து வருகிறார். அவரது உடல்நிலை சீராக இருப்பதாக மருத்துவமனை தரப்பில் அறிவிப்பு வெளியிடப்பட்டுள்ளது.

இதையும் படிங்க: முடிவு தலைகீழாகுமா.? கொளத்தூர் தொகுதியில் முறைகேடு.? நீதிமன்றத்தை நாடிய ஸ்டாலின்..!!