தமிழக அரசு மருத்துவமனைகளில் புறநோயாளிகள் (OP) சிகிச்சைக்காக வரும் மக்கள் நீண்ட நேரம் வரிசையில் காத்திருக்கும் சிரமத்தைப் போக்கும் வகையில் ஒரு முக்கியமான டிஜிட்டல் முயற்சி மேற்கொள்ளப்பட்டு வருகிறது. சுகாதாரத்துறை அமைச்சர் கே.ஜி. அருண்ராஜ் அறிவித்த இந்தத் திட்டம், தனியார் மருத்துவமனைகளைப் போல அரசு மருத்துவமனைகளிலும் முன்கூட்டியே ஆன்லைன் மூலம் அப்பாயிண்ட்மென்ட் பெறும் வசதியை அறிமுகப்படுத்துகிறது.

இதன் மூலம் நோயாளிகள் வீட்டிலிருந்தே OP சீட் பெற்று, நேரத்தை வீணடிக்காமல் சிகிச்சை பெற முடியும்.  இந்தப் புதிய அமைப்பு முக்கியமாக ராஜீவ் காந்தி அரசு பொது மருத்துவமனை, ஸ்டான்லி மருத்துவமனை உள்ளிட்ட பெரிய அரசு மருத்துவக் கல்லூரி மருத்துவமனைகளில் உள்ள கூட்ட நெரிசலை குறைக்கும் நோக்கத்துடன் தொடங்கப்படுகிறது. தற்போது இந்த மருத்துவமனைகளுக்கு தினசரி 2,000 முதல் 3,000 வரை புறநோயாளிகள் வருகின்றனர்.

OP சீட் பெறுவதற்கே 1 முதல் 2 மணி நேரம் வரை வரிசையில் காத்திருக்க வேண்டிய நிலை உள்ளது. வெயில், மழை போன்ற சிரமங்களுடன் இந்தக் காத்திருப்பு நோயாளிகள் மற்றும் அவர்களது உறவினர்களுக்கு பெரும் சிரமத்தை ஏற்படுத்துகிறது. இந்தப் பிரச்சினையைத் தீர்க்கும் வகையில் இந்த ஆப் அறிமுகப்படுத்தப்படுகிறது.

இதையும் படிங்க: இனி OP சீட்டுக்காக க்யூவில் நிற்கத் தேவையில்லை... அரசு மருத்துவமனைகளில் விரைவில் அதிரடி மாற்றம்...!

இந்தத் திட்டம் அரசு மருத்துவமனைகளின் தரத்தை மேம்படுத்தும் பல நடவடிக்கைகளின் ஒரு பகுதியாகும். அமைச்சர் அருண்ராஜ் கூறியபடி, அடிப்படை வசதிகளான கழிப்பிடங்கள், குடிநீர், சுத்தம் ஆகியவற்றை மேம்படுத்தவும், நர்ஸிங் பணியிடங்களை நிரப்பவும், சிறப்பு மருத்துவர்களின் எண்ணிக்கையை அதிகரிக்கவும் திட்டமிடப்பட்டுள்ளது.

இதையும் படிங்க: சாட்டையை எடுத்த தமிழக அரசு.. தொடங்கியது அதிரடி ஆக்‌ஷன்... மருத்துவர்கள், செவிலியர்களுக்கு பறந்த எச்சரிக்கை...!