இஸ்லாமாபாத்: ஆப்கானிஸ்தானுடனான உறவுகள் பதற்றமடைந்த நிலையில், "பாகிஸ்தான் மண்ணில் பயங்கரவாதத்திற்கான செயல்பாட்டு தளமாக இந்தியா ஆப்கானிஸ்தானைப் பயன்படுத்துகிறது" என பாகிஸ்தான் ராணுவத் தளபதி ஜெனரல் சையத் அசிம் முனீர் கடுமையான குற்றச்சாட்டு எழுப்பியுள்ளார். 

இது, டி.டி.பி. (தெஹ்ரிக்-இ-தலிபான் பாகிஸ்தான்) தலைவர் நூர் வாலி மெஹ்சுத் மீதான காபூல் வான்வழித் தாக்குதலுக்குப் பிறகு, பதற்றத்தைத் திசைதிருப்பும் முயற்சியை ராணுவம் மேற்கொள்ளும் பழைய உத்தியாகக் கருதப்படுகிறது.

அக்டோபர் 10 அன்று நடந்த காபூல் தாக்குதலுக்குப் பிறகு, ஆப்கானிஸ்தானின் தலிபான் அரசு பாகிஸ்தானுக்கு கடும் எச்சரிக்கை விடுத்தது. இதற்குப் பதிலாக, ராணுவத் தளபதி முனீர் அளித்த பேட்டியில், "ஆப்கானிஸ்தானில் பயங்கரவாதிகளுக்கு இந்தியா நவீன ஆயுதங்கள் உள்ளிட்ட உதவிகளை வழங்குவதே நெருக்கடிக்குக் காரணம். யாராவது தங்கள் அரசை விட உயர்ந்தது என்று நம்பினால், அது ஏற்றுக்கொள்ள முடியாதது" என்று கூறினார். 

இதையும் படிங்க: சிறையில் சித்ரவதை பண்ணுறாங்க!! நானும், என் மனைவியும் ரொம்ப பாவம்! இம்ரான் கண்ணீர்!

மேலும், "ஆப்கானிஸ்தானுக்கு ஆயுதங்கள் வழங்குபவர்களுக்கு கடும் பதிலடி கொடுக்கப்படும். வெளிநாட்டு பயங்கரவாதிகளுக்கு உதவுபவர்கள் மீது உறுதியான நடவடிக்கை எடுக்கப்படும். பயங்கரவாத எதிர்ப்பில் ஈடுபடுபவர்கள் சரணடைய வேண்டும்" என்று எச்சரித்தார்.

முனீர் தொடர்ந்து, "ஆப்கானிஸ்தானில் உள்ள பயங்கரவாத தளங்கள் பாகிஸ்தானுக்கு அச்சுறுத்தலாக உள்ளன. அந்நாட்டு மண்ணிலிருந்து பயங்கரவாதிகள் செயல்படுவதற்கு தங்களிடம் ஆதாரங்கள் உள்ளன. பாகிஸ்தான் தனது மக்களையும் எல்லைகளையும் பாதுகாக்க அனைத்து நடவடிக்கைகளையும் எடுக்கும். 

பயங்கரவாதத்திற்கு எதிரான போராட்டம் முழு உறுதியுடன் தொடரும்" என்று தெரிவித்தார். இந்தக் குற்றச்சாட்டுகள், இந்தியா-பாகிஸ்தான் இடையேயான பதற்றத்தை மேலும் அதிகரிக்கலாம் என்று அரசியல் நோக்கர்கள் எச்சரிக்கின்றனர்.

இதற்கிடையே, பாகிஸ்தானின் கைபர் பக்துன்வா மாகாணம், தேரா இஸ்மாயில் கான் மாவட்டத்தில் தற்கொலைப் படை தாக்குதல் நடந்தது. பாதுகாப்புப் படையினர் முகாமில் நடந்த இத்தாக்குதலில், 7 படையினர் கொல்லப்பட்டனர். தாக்குதலில் ஈடுபட்ட 5 பயங்கரவாதிகள் உயிரிழந்தனர். 

பலர் படுகாயம் அடைந்தனர். இந்தத் தாக்குதல், டி.டி.பி. அமைப்பால் நடத்தப்பட்டதாக சந்தேகிக்கப்படுகிறது. பாகிஸ்தான் ராணுவம், இத்தாக்குதலுக்கு ஆப்கானிஸ்தானைப் பொறுப்பாக்கியுள்ளது. இந்தச் சம்பவங்கள், பாகிஸ்தான்-ஆப்கானிஸ்தான் உறவுகளை மேலும் சிக்கலாக்கியுள்ளன. இந்தியாவை இழுக்கும் முயற்சி, பிராந்தளைக்கான சாத்தியத்தை ஏற்படுத்தியுள்ளது.

இதையும் படிங்க: தண்டவாளம் குண்டு வைத்து தகர்ப்பு! தடம் புரண்ட ரயில் பெட்டிகள்! பாகிஸ்தானில் கோரம்!