சென்னை மெட்ரோ ரயில் திட்டத்தின் இரண்டாம் கட்டப் பணிகளில் ஒரு முக்கிய மைல்கல்லாக விளங்கும் பூந்தமல்லி முதல் வடபழனி வரையிலான மெட்ரோ ரயில் சேவை விரைவில் பொதுமக்கள் பயன்பாட்டுக்கு வர உள்ளது. வரும் அக்டோபர் 11ஆம் தேதி முதல் இந்த சேவை தொடங்கவுள்ளது. இந்த வழித்தடம் மஞ்சள் வண்ண வழித்தடத்தின் ஒரு பகுதியாக அமைந்துள்ளது. மொத்தம் 14.64 கிலோமீட்டர் தொலைவு கொண்ட இந்த உயர்மட்டப் பாதையில் 11 மெட்ரோ நிலையங்கள் உள்ளன.

பூந்தமல்லி புறவழிச்சாலை, பூந்தமல்லி, முல்லைத்தோட்டம், கரையான்சாவடி, குமணன்சாவடி, காட்டுப்பாக்கம், அய்யப்பன்தாங்கல், தெள்ளியாரகம், போரூர் பைபாஸ், போரூர் சந்திப்பு மற்றும் வடபழனி ஆகியவை அந்த நிலையங்களாகும்.இந்தப் புதிய சேவைக்கான கட்டண விவரங்கள் அண்மையில் வெளியிடப்பட்டுள்ளன. பூந்தமல்லி புறவழிச்சாலை மெட்ரோ நிலையத்திலிருந்து வடபழனி வரை பயணிக்க 40 ரூபாய் கட்டணம் நிர்ணயிக்கப்பட்டுள்ளது.

அதேபோல் பூந்தமல்லி புறவழிச்சாலையிலிருந்து போரூர் சந்திப்பு வரை செல்ல 30 ரூபாய் வசூலிக்கப்படும். போரூர் சந்திப்பிலிருந்து பூந்தமல்லி வரை செல்லும் பயணிகளுக்கும் 30 ரூபாய் கட்டணமாக உள்ளது. போரூர் சந்திப்பிலிருந்து வடபழனி வரை செல்லவும் 30 ரூபாய் நிர்ணயிக்கப்பட்டுள்ளது. வடபழனியிலிருந்து போரூர் சந்திப்பு வரை செல்வதற்கும் 30 ரூபாயும், பூந்தமல்லி புறவழிச்சாலை வரை செல்வதற்கு 40 ரூபாயும் கட்டணம் ஆகும்.

இதையும் படிங்க: பூந்தமல்லி - வடபழனி மெட்ரோ அக்.11-ல் திறப்பு! ஒரே மேடையில் பிரதமர் மோடி - முதலமைச்சர் விஜய்!

இந்தக் கட்டணங்கள் தூரத்திற்கு ஏற்ப அமைக்கப்பட்டுள்ளன. கியூஆர் கோட், சிங்கார சென்னை கார்டு, ஸ்மார்ட் கார்டு அல்லது யூபிஐ மூலம் டிக்கெட் வாங்கினால் 20 சதவீதம் தள்ளுபடி கிடைக்கும் வாய்ப்பு உள்ளது. இதனால் பயணிகள் சற்று குறைந்த கட்டணத்தில் பயணம் செய்ய முடியும்.இந்த வழித்தடம் ஆளில்லா ரயில்களுடன் இயக்கப்படவுள்ளது. தொடக்கத்தில் 10 ரயில்கள் பயன்படுத்தப்படும் என எதிர்பார்க்கப்படுகிறது.

இதையும் படிங்க: தீவிரமடையும் போராட்டம்... உரிமைக்காக காத்திருக்கும் மக்கள்.! மேகமலை வழக்கின் தீர்ப்பு ஒத்திவைப்பு.!