தமிழகத்தின் புதிய முதலமைச்சராகப் பொறுப்பேற்க உள்ள தமிழக வெற்றிக் கழகத் தலைவர் விஜய்யின் பதவியேற்பு விழாவில் பங்கேற்பதற்காக, மக்களவை எதிர்க்கட்சித் தலைவர் ராகுல் காந்தி டெல்லியில் இருந்து விமானம் மூலம் சென்னை புறப்பட்டார்.

தமிழகச் சட்டமன்றத் தேர்தலில் தவெக-விற்குத் நிபந்தனையற்ற ஆதரவு வழங்கிய காங்கிரஸ் கட்சியின் தேசியத் தலைவர் ராகுல் காந்தி, இந்த வரலாற்றுத் தருணத்தில் நேரில் பங்கேற்பது அரசியல் முக்கியத்துவம் வாய்ந்ததாகப் பார்க்கப்படுகிறது.

 டெல்லியில் இருந்து இன்று காலை தனி விமானம் மூலம் புறப்பட்ட ராகுல் காந்தி, சுமார் 10 மணியளவில் சென்னை நேரு உள்விளையாட்டு அரங்கிற்கு வருவார் என எதிர்பார்க்கப்படுகிறது. தமிழகத்தில் ஒரு புதிய கட்சி ஆட்சியமைக்கும் வேளையில், தேசியத் தலைவர் ஒருவரின் வருகை விஜய்யின் அரசியல் நகர்வுகளுக்குப் பெரும் பலமாக அமையும் என அரசியல் விமர்சகர்கள் கருதுகின்றனர்.

இதையும் படிங்க: ராகுல் காந்தி நாளை தமிழகம் வருகிறார்! 3 மாவட்டங்களில் காங்கிரஸ் வேட்பாளர்களுக்கு ஆதரவாக சூறாவளி பரப்புரை!

இன்று காலை 10:00 மணிக்கு நடைபெறும் இந்த விழாவில், ராகுல் காந்தி மட்டுமன்றி கூட்டணிக் கட்சிகளான விசிக, கம்யூனிஸ்ட் மற்றும் ஐயுஎம்எல் தலைவர்களும் பங்கேற்கின்றனர். விழாவிற்காகச் சென்னை மாநகர் முழுவதும் காங்கிரஸ் மற்றும் தவெக தொண்டர்கள் குவிந்து வருவதால், நேரு விளையாட்டரங்கம் விழாக்கோலம் பூண்டுள்ளது.

ராகுல் காந்தியின் வருகையை ஒட்டிச் சென்னை விமான நிலையம் முதல் நேரு விளையாட்டரங்கம் வரை பாதுகாப்புப் பணிகள் பலப்படுத்தப்பட்டுள்ளன. தமிழகத்தின் புதிய முதலமைச்சராக விஜய் அரியணை ஏறும் தருணத்தை, தேசியத் தலைவர்களின் முன்னிலையில் காணத் தொண்டர்கள் உற்சாகத்துடன் காத்திருக்கின்றனர்.

இதையும் படிங்க: நேற்றும் இருந்தோம்! நாளையும் இருப்போம்! திமுக-விற்காக ஐயுஎம்எல் வெளியிட்ட அதிரடி பதிவு!