காங்கிரஸ் கட்சியின் முன்னணி தலைவரும் எதிர்க்கட்சித் தலைவருமான ராகுல் காந்தி மீது பதிவு செய்யப்பட்ட அவதூறு வழக்கு ஒன்றில் உத்தரப் பிரதேச மாநிலத்தின் சுல்தான்பூர் சிறப்பு நீதிமன்றம் சம்மன் அனுப்பியுள்ளது. ராகுல் காந்தி ஜனவரி 19ஆம் தேதி நேரில் ஆஜராக வேண்டும் என்று நீதிமன்றம் உத்தரவிட்டுள்ளது.

இந்த வழக்கு 2018ஆம் ஆண்டு கர்நாடகா சட்டப்பேரவைத் தேர்தல் பிரசாரத்தின் போது ராகுல் காந்தி மத்திய உள்துறை அமைச்சர் அமித் ஷா குறித்து அவதூறாக பேசியதாக எழுந்த குற்றச்சாட்டின் அடிப்படையில் தொடரப்பட்டது.

பாஜக தலைவர் விஜய் மிஸ்ரா என்பவர் ராகுல் காந்தி மீது இந்த வழக்கைத் தொடர்ந்தார். எம்பி மற்றும் எம்எல்ஏக்கள் மீதான வழக்குகளை விசாரிக்கும் சுல்தான்பூர் சிறப்பு நீதிமன்றம் இதை விசாரித்து வருகிறது.

இதையும் படிங்க: ராகுல்காந்தியை சமாளிக்கிறது எப்படி? கேள்விகளுடன் காத்திருக்கும் காங்.,! பாஜக ஆலோசனை!

ஜனவரி 6ஆம் தேதி வழக்கு விசாரணைக்கு வந்தபோது, ராகுல் காந்தி தரப்பு வழக்கறிஞர் காஷி பிரசாத் சுக்லா சாட்சியான ராம் சந்திரா துபேவிடம் குறுக்கு விசாரணை நடத்தினார். இதைத் தொடர்ந்து, ராகுல் காந்தி அடுத்த விசாரணைக்கு நேரில் ஆஜராக வேண்டும் என்று நீதிமன்றம் சம்மன் அனுப்பியது.

ஏற்கனவே இதே வழக்கில் ராகுல் காந்தி பலமுறை நீதிமன்றத்தில் ஆஜராகாமல் இருந்ததால், 2024 பிப்ரவரி 20ஆம் தேதி அவர் கைது செய்யப்பட்டு பின்னர் ஜாமினில் விடுவிக்கப்பட்டது குறிப்பிடத்தக்கது. இந்த வழக்கு கடந்த எட்டு ஆண்டுகளாக நீண்டு வரும் நிலையில், தற்போது விசாரணை தீவிரமடைந்துள்ளது.

இந்தச் சம்பவம் அரசியல் வட்டாரத்தில் பெரும் கவனத்தை ஈர்த்துள்ளது. ராகுல் காந்தி தரப்பில் இதற்கான சட்ட நடவடிக்கைகள் தொடரும் என்று எதிர்பார்க்கப்படுகிறது.

இதையும் படிங்க: இன்னைக்கு மோடி! நாளைக்கு ராகுல்காந்தி!! லோக்சபாவில் விவாதம் துவக்கி வைப்பு!! கவுன்டவுன் ஸ்டார்ட்!