தமிழ்நாட்டின் பல மாவட்டங்களில் இன்று மிதமான மழை பெய்யும் வாய்ப்பு நிலவுகிறது. ராணிப்பேட்டை, திருப்பத்தூர், கள்ளக்குறிச்சி, வேலூர், திருவண்ணாமலை, கிருஷ்ணகிரி, தருமபுரி, சேலம், நாமக்கல், ஈரோடு, கரூர், திருச்சிராப்பள்ளி, அரியலூர், பெரம்பலூர், திண்டுக்கல், மதுரை, விருதுநகர், புதுக்கோட்டை, சிவகங்கை ஆகிய மாவட்டங்களிலும் மேற்கு தொடர்ச்சி மலைப் பகுதிகளிலும் இன்று சில இடங்களில் மிதமான மழை பெய்யக்கூடும் என்று வானிலை ஆய்வு மையம் தெரிவித்துள்ளது.

இடி, மின்னல் மற்றும் பலத்த காற்றுடன் கூடிய இந்த மழை பெய்ய வாய்ப்புள்ளது.வங்கக்கடலில் நிலவிய காற்றழுத்தத் தாழ்வு மண்டலத்தின் தாக்கத்தால் இந்த மழை நிலைமை உருவாகியுள்ளது.

இந்த அமைப்பு வலுவிழந்து வடக்கு-வடமேற்கு திசையில் நகர்ந்து வருவதால் தமிழகத்தின் உள் மாவட்டங்கள் மற்றும் மேற்கு தொடர்ச்சி மலைப் பகுதிகளில் மழைக்கு சாதகமான சூழல் ஏற்பட்டுள்ளது. இதனால் மேலே குறிப்பிட்ட மாவட்டங்களில் ஒருசில இடங்களில் மிதமான மழை பெய்யும் என எதிர்பார்க்கப்படுகிறது. மற்ற மாவட்டங்களில் லேசான மழை பெய்ய வாய்ப்புள்ளது.

இதையும் படிங்க: சென்னை உள்ளிட்ட 17 மாவட்டங்களில் இன்று இடி மின்னலுடன் மழை! வானிலை ஆய்வு மையம் எச்சரிக்கை!

இந்த மழை விவசாயத்திற்கு நன்மை பயக்கும். நீண்ட கால வெயிலுக்குப் பிறகு வரும் இந்த மழை நிலத்தை ஈரப்பதமாக்கி பயிர்களுக்கு உதவும். குறிப்பாக சேலம், நாமக்கல், ஈரோடு, கரூர் போன்ற மாவட்டங்களில் விவசாயிகள் இந்த மழையை வரவேற்கின்றனர். மேற்கு தொடர்ச்சி மலைப் பகுதிகளில் மழை அதிகமாக பெய்யும் வாய்ப்புள்ளதால் அங்குள்ள தோட்டக்கலை பயிர்களுக்கும் நன்மை கிடைக்கும். சென்னை மற்றும் அதைச் சுற்றியுள்ள பகுதிகளில் வானம் மேகமூட்டத்துடன் காணப்படும் என தெரிவித்துள்ளது 

இதையும் படிங்க: வங்கக்கடல் காற்றழுத்தம் கரையை கடந்தது! சென்னை உள்ளிட்ட மாவட்டங்களில் மழைக்கு வாய்ப்பு!