1993-1994, 2001-2004, 2015-2018, 2018-2019 மற்றும் 2022 ஆகிய காலகட்டங்களில் ரணில் விக்ரம சிங்கே இலங்கையின் பிரதமராகப் பதவி வகித்தார். குறிப்பாக, 2022இல் இலங்கை பொருளாதார நெருக்கடியால் கடும் அரசியல் குழப்பம் நிலவிய வேளையில், கோட்டாபய ராஜபக்ச பதவி விலகியதைத் தொடர்ந்து, அவர் இடைக்கால ஜனாதிபதியாக 2022 ஜூலை முதல் 2024 வரை பதவியேற்றார்.

இந்தக் காலகட்டத்தில், இலங்கையின் பொருளாதார மீட்புக்காக சர்வதேச நாணய நிதியத்துடன் பேச்சுவார்த்தைகளை முன்னெடுத்து, நாட்டின் நிதி நிலைமையை ஓரளவு உறுதிப்படுத்த முயற்சித்தார். இருப்பினும், அவரது ஆட்சிக்காலம் பல சர்ச்சைகளையும் எதிர்கொண்டது.

முன்னாள் இலங்கை ஜனாதிபதி ரணில் விக்ரமசிங்கே, அரசு நிதியை முறைகேடாகப் பயன்படுத்திய குற்றப் புலனாய்வுத் திணைக்களத்தினரால் கைது செய்யப்பட்டார். அவரது ஆதரவாளர்கள் நீதிமன்ற வளாகத்தில் தொடர்ந்து போராட்டத்தில் ஈடுபட்டனர். இதனால் இலங்கையில் பதட்டமான சூழ்நிலை ஏற்பட்டது.

இதையும் படிங்க: பெஞ்சல் புயலால் பாதிக்கப்பட்ட தளவானூர் அணைக்கட்டு! 84 கோடியில் சீரமைக்க அரசாணை வெளியீடு

கைதுக்கு பின்னர், அவர் கொழும்பு கோட்டை நீதவான் நீதிமன்றத்தில் ஆஜர்படுத்தப்பட்டு, ஆகஸ்ட் 26 ஆம் தேதி வரை விளக்கமறியலில் வைக்க உத்தரவிடப்பட்டார். இதனை அடுத்து அவருக்கு உடல் நலக்குறைவு ஏற்பட்டது. நீதிமன்ற வளாகத்தில் உள்ள மருத்துவமனையில் சிகிச்சைக்காக அவர் அனுமதிக்கப்பட்ட நிலையில் உடல்நிலை மோசமானது. தொடர்ந்து அவருக்கு சிகிச்சை அளிக்கப்பட்டு வந்தது. இந்த நிலையில் ரணில் விக்ரம சிங்கேவுக்கு ஜாமின் வழங்கப்பட்டுள்ளது. உடல் நலனை கருத்தில் கொண்டு அவருக்கு நீதிமன்றம் ஜாமின் வழங்கி உள்ளது

இதையும் படிங்க: ச்ச்சீ... இப்படியா நடந்துக்கிறது? போதை தலைக்கேறி ஆபாச நடனமாடிய திமுக கவுன்சிலர்... வைரலாகும் வீடியோ