இந்தியாவின் 77வது குடியரசு தின விழாவின்போது கடவுல் பாதையில் (Kartavya Path) நடைபெற்ற பிரமாண்டமான அணிவகுப்பில், முப்படைகளில் இந்திய கடற்படை சிறந்த அணிவகுப்புக் குழுவாக (Best Marching Contingent) தேர்வு செய்யப்பட்டுள்ளது. மாநிலங்கள் மற்றும் யூனியன் பிரதேசங்கள் பிரிவில் மகாராஷ்டிரா மாநிலத்தின் அலங்கார ஊர்தி முதல் பரிசை வென்றுள்ளது. 

ஜனவரி 26 அன்று நடைபெற்ற இந்த அணிவகுப்பில், இந்திய கடற்படையின் 144 இளம் வீரர்கள் கொண்ட அணி, ஒழுங்கு, ஒத்திசைவு மற்றும் தாக்கத்தின் அடிப்படையில் நிபுணர் குழுவால் சிறந்ததாக தேர்வு செய்யப்பட்டது. கடற்படைத் தளபதி அட்மிரல் தினேஷ் கே. திரிபாதி இதை "தீவிர உழைப்பு, அர்ப்பணிப்பு மற்றும் ஒழுக்கத்தின் விளைவு" எனப் பாராட்டினார். இந்திய கடற்படை தனது X பதிவில், "ஒவ்வொரு அடியிலும் வலிமை, அழியாத உறுதி மற்றும் பெருமை" எனக் குறிப்பிட்டு, இந்த சாதனையை நாட்டுக்கும் கடற்படைக்கும் பெருமை என்று தெரிவித்தது.

இதையும் படிங்க: வீரதீர செயல்களுக்கான அண்ணா பதக்கம்: 4 பேருக்கு முதல்வர் ஸ்டாலின் வழங்கினார்!

மாநிலங்கள் மற்றும் யூனியன் பிரதேசங்கள் பிரிவில், மகாராஷ்டிராவின் 'கணேஷோத்ஸவ்: ஆத்மநிர்பரதாவின் சின்னம்' (Ganeshotsav: A Symbol of Aatmanirbharta) என்ற தீமில் அமைந்த அலங்கார ஊர்தி முதல் இடத்தைப் பிடித்தது. பாரம்பரியமும் நவீனமும் இணைந்த இந்த ஊர்தியில், கணேஷ் பண்டிகையை சுயசார்பு மற்றும் ஒற்றுமையின் அடையாளமாக வெளிப்படுத்தியது. லெஜிம் நாட்டியக் குழு பெண்கள் பாரம்பரிய உடையில் நடனமாடியது கண்கவர் காட்சியாக அமைந்தது. ஜம்மு காஷ்மீர் இரண்டாம் இடமும், கேரளா மூன்றாம் இடமும் பெற்றன. 

மத்திய அமைச்சகங்கள் பிரிவில் கலாச்சார அமைச்சகத்தின் 'வந்தே மாதரம்' 150 ஆண்டுகள் கொண்டாட்ட ஊர்தி முதலிடம் பெற்றது. பிரபல வாக்கெடுப்பில் (MyGov போர்ட்டல்) அசாம் ரெஜிமென்ட் மற்றும் CRPF சிறந்த அணிவகுப்புகளாகத் தேர்வாயின. 

இந்த விருதுகள் இன்று (ஜனவரி 30) ராஷ்ட்ரீய ரங்க்ஷாலா முகாமில் வழங்கப்படவுள்ளன. இவை இந்தியாவின் ஒற்றுமை, சுயசார்பு மற்றும் கலாச்சார பாரம்பரியத்தை பிரதிபலிக்கின்றன. 

இதையும் படிங்க: சென்னையில் கம்பீரமான குடியரசு தின விழா: ஆளுநர் ரவிக்கு முப்படைகள் அணிவகுப்பு மரியாதை!