சென்னை போயஸ் கார்டனில் இன்று (மார்ச் 13, 2026) நிருபர்களை சந்தித்த சசிகலா, தனது புதிய அரசியல் கட்சியின் பெயரையும் சின்னத்தையும் அதிகாரப்பூர்வமாக அறிவித்தார். கட்சியின் பெயர் – அனைத்திந்திய புரட்சித் தலைவர் மக்கள் முன்னேற்றக்கழகம். சின்னம் – தென்னந்தோப்பு.
அண்மையில் கொடி அறிமுகம் செய்திருந்த சசிகலா, இன்று முழுமையான கட்சி விவரங்களை வெளியிட்டார். "திமுக தமிழக மக்களை கசக்கிப் பிழிந்து கொண்டிருக்கிறது. இதற்கு முடிவு கட்ட வேண்டும் என்ற எண்ணத்தில் புதிய கட்சியை தொடங்கியுள்ளேன். தனிமரம் தோப்பாகாது. தனிமரமாக வரவில்லை, தோப்பாக வந்துள்ளோம்" என்று உரத்த குரலில் கூறினார்.
மேலும், "எங்களுக்கு கிடைத்த தென்னந்தோப்பு சின்னமே மக்களோடு இருப்பதற்கான சான்று. தமிழகம் மற்றும் புதுச்சேரியில் தென்னந்தோப்பு சின்னத்தில் எங்கள் வேட்பாளர்கள் போட்டியிடுவார்கள். கூட்டணியுடன் தேர்தலை சந்திப்போம். ஒத்த கருத்துள்ள கட்சிகளுடன் இணைந்து செயல்படுவோம்" என்றும் அவர் தெரிவித்தார்.
இதையும் படிங்க: ஒன்றில் தனிச்சின்னம்!! மற்றதில் உதயசூரியன்! மதிமுக ஆலோசனை கூட்டத்தில் வைகோ முடிவு?!
சசிகலாவின் இந்த அறிவிப்பு அதிமுக வட்டாரத்தில் பெரும் அதிர்ச்சியை ஏற்படுத்தியுள்ளது. சமீபத்தில் தேவர் ஜெயந்தி விழாவில் ஓ.பன்னீர்செல்வம், தினகரன், செங்கோட்டையன் ஆகியோருடன் இணைந்து தோன்றிய சசிகலா, பின்னர் அவர்கள் அனைவரும் வெவ்வேறு கூட்டணிகளில் இணைந்து விட்டனர். தற்போது தனியாக நின்ற சசிகலா, தென்னந்தோப்பு சின்னத்தில் போட்டியிடுவதாக அறிவித்துள்ளது அதிமுகவுக்கு எதிரான நேரடி சவாலாக பார்க்கப்படுகிறது.
அதிமுகவினர் கூறுகையில், "எப்பாடுபட்டேனும் அதிமுக வெற்றியை தடுக்கும் நோக்கத்துடன் இந்த கட்சி தொடங்கப்பட்டுள்ளது. இதற்குரிய விளைவுகளை சசிகலா எதிர்கொள்ள வேண்டியிருக்கும்" என்று கடுமையாக விமர்சித்தனர்.
ஊழல் வழக்கில் 4 ஆண்டு சிறைத் தண்டனை அனுபவித்து வெளியே வந்த பிறகு சில ஆண்டுகள் அமைதியாக இருந்த சசிகலா, தேர்தல் நெருங்கும் வேளையில் கட்சி தொடங்கியுள்ளது குறிப்பிடத்தக்கது.
அவரது ஆதரவாளர்களிடையே பெரும் உற்சாகம் நிலவினாலும், இது தமிழக அரசியலில் புதிய சலசலப்பை ஏற்படுத்தியுள்ளது. வரும் சட்டமன்றத் தேர்தலில் தென்னந்தோப்பு சின்னம் எந்த அளவுக்கு தாக்கத்தை ஏற்படுத்தும் என்பது இப்போதே ஆர்வத்தை எழுப்பியுள்ளது.
இதையும் படிங்க: பல்டி அடித்த ஓ.பன்னீர்செல்வம்! திமுக போனதும் டோட்டல் சேஞ்ச்! ராமநாதபுரம் தேர்தல் வழக்கு வாபஸ்?!