தமிழகத்தில் கடந்த 6 ஆம் தேதி தொடங்கி 8 ஆம் தேதி வரை 3 நாட்கள் டாஸ்மாக் சம்பந்தப்பட்ட இடங்களில் அமலாக்கத்துறை ரெய்டு நடத்தியது. இதில் 1000 கோடி ரூபாய் வரை முறைகேடு நடந்துள்ளது என தெரிவித்துள்ள அமலாக்கத்துறை அதை வகைப்பிரித்தும் அறிக்கையாக வெளியிட்டிருந்தது. இது அரசியல் வட்டாரத்தில் பரபரப்பை ஏற்படுத்தியுள்ளது. 

இந்த ரெய்டு தேவையில்லாத ஒன்று அரசியல் பழிவாங்கல், வேண்டுமென்றே தேவையில்லாமல் ரெய்டு நடத்துகிறார்கள் என திமுக குற்றஞ்சாட்டி ரெய்டு சட்ட விரோதம் மாநில சுயாட்சிக்கு எதிரானது என்று உயர் நீதிமன்றத்தில் வழக்கு தொடுத்தன. 

இதையும் படிங்க: சி.எஸ்.ஆர். நிதி மோசடி.. ஆயிரத்துக்கும் அதிகமான எப்.ஐ.ஆர் பதிவு - பினராயி விஜயன் தகவல்..!

PMLA Act 2002-ன் கீழ் சோதனை நடத்திய அமலாக்கத் துறை அதன்   ECIR எனப்படும் வழக்கு தகவல் பதிவேட்டின் அசல் நகலை வழங்க உத்தரவு பிறப்பிக்க வேண்டும் என்று அரசு சார்பில் கேட்கப்பட்டிருந்தது. இந்த வழக்கில் தமிழக அரசு வைத்த குற்றச்சாட்டுகளில் முக்கியமானது அமலாக்கத்துறையின் ECIR தரப்படவில்லை என்பதாகும்.  

ECIR என்றால் என்ன அரசின் குற்றச்சாட்டு சரியா, குற்றம் சாட்டப்பட்டவர்களுக்கு காவல்துறை FIR காப்பி தருவதுபோல் அமலாக்கத்துறை ECIR காப்பி தரப்பட வேண்டுமா என்பது பற்றி சட்டம் என்ன சொல்கிறது, பல்வேறு தீர்ப்புகள் என்ன சொல்கிறது பார்ப்போம். 

ED ECIR (Enforcement Case Information Report) குறித்த முழுமையான விளக்கம்

1. ECIR என்றால் என்ன?

ECIR (Enforcement Case Information Report) என்பது Enforcement Directorate (ED) நிறுவனம் பதிவு செய்யும் ஒரு அடிப்படை தகவல் அறிக்கை. இது முடிவான FIR (First Information Report) அல்ல, ஆனால் PMLA (Prevention of Money Laundering Act, 2002) சட்டத்தின் கீழ் நிதி மோசடி, பணமோசடி மற்றும் சட்டவிரோத நிதி பரிவர்த்தனைகள் தொடர்பாக தொடங்கப்படும் விசாரணைக்கு ECIR ஒரு தொடக்க ஆவணம் ஆகும்.

2. ECIR & FIR இடையேயான முக்கிய வித்தியாசங்கள்

FIR என்பது காவல்துறை ஒரு வழக்கில் போடப்படும் முதல் தகவல் அறிக்கை, குற்றச்சம்பவம், யார் மீது யாரால் புகார், குற்றவகை, செக்‌ஷன், விசாரணை அதிகாரி, காவல் நிலையம் உள்ளிட்ட அனைத்தும் FIR -ல் இருக்கும். அதை வைத்தே கைது, வழக்கு உள்ளிட்டவைகள் அடுத்தடுத்து இருக்கும். இதன் நகல் குற்றம் சாட்டப்பட்டவருக்கு அளிக்க சட்டம் வழி வகை செய்துள்ளது. 

ஆனால் ECIR அப்படி அல்ல அது முதல் தகவல் அறிக்கை அல்ல, அது அமலாக்கத்துறை பதிவு செய்யும் ஒரு அடிப்படை தகவல் அறிக்கை. இது முடிவான FIR (First Information Report) அல்ல என்பதால் FIR போல் இதை குற்றம் சாட்டப்பட்டவர்கள் கோர முடியாது. ஆனால் குற்றம் சாட்டப்பட்டவர்கள் எதற்காக குற்றம் சாட்டப்பட்டுள்ளார்கள் என்கிற அத்தனை தகவல்களையும் அமலாக்கத்துறை அளித்துவிடும். 

3. ECIR குற்றம்சாட்டப்பட்ட தரப்புக்கு வழங்குவது அவசியமா?

அமலாக்கத்துறை (ED) வாதம் – ECIR-ஐ குற்றம்சாட்டப்பட்டவர்களுக்கு வழங்க வேண்டிய அவசியமில்லை. ECIR என்பது FIR அல்ல – இது அடிப்படை ஆவணம் (Internal Document) ஆக இருப்பதால், அது CrPC-ன் கீழ் FIR போல வழங்கப்பட வேண்டிய அவசியமில்லை.

ECIR-ஐ பகிர்வதால், விசாரணையின் ரகசியம் காக்க முடியாது – ED வழக்குகளில் நிதி மோசடி மற்றும்

சட்டவிரோத பணப் பரிவர்த்தனை தொடர்பான புலனாய்வு தேவைப்படும் என்பதால், ECIR பகிரப்பட்டால், சந்தேக நபர்கள் ஆதாரங்களை அழிக்கும் வாய்ப்பு இருக்கும்.
ECIR வழங்கப்படாததால், குற்றம் சாட்டப்பட்டவர்களுக்கு எந்த உரிமையும் பறிக்கப்படவில்லை, குற்றம் சாட்டப்பட்டவர்களுக்கு PMLA சட்டத்தின் கீழ் முழுமையான பாதுகாப்பு (Defense) வாய்ப்புகள் வழங்கப்படும்.

ECIR வழங்க வேண்டும் / வேண்டியதில்லை என்பது குறித்த நீதிமன்ற தீர்ப்புகள் 

(i) Supreme Court of India – Vijay Madanlal Choudhary v. Union of India (2022)

தீர்ப்பு: ED ECIR-ஐ குற்றம் சாட்டப்பட்டவர்களுக்கு வழங்க வேண்டிய அவசியமில்லை. ECIR என்பது FIR அல்ல. ECIR பகிர்வதால் விசாரணை பாதிக்கப்படலாம். குற்றம் சாட்டப்பட்டவர்களுக்கு PMLA சட்டத்தின் கீழ் தக்க முறையில் தகவல்கள் வழங்கப்படும்.

(ii) Delhi High Court – ECIR vs FIR நிலைப்பாடு

PMLA சட்டம் CrPC-க்கு உட்பட்டதல்ல, எனவே FIR போல ECIR-ஐ பகிர வேண்டும் என்ற கட்டாயம் இல்லை. 

(iii) Bombay High Court – Gautam Navlakha Case (2023) 

தீர்ப்பு: ECIR வழங்க வேண்டிய அவசியம் இல்லை, ஆனால் குற்றம் சாட்டப்பட்டவர்களுக்கு குற்றச்சாட்டு விளக்கப்பட வேண்டும்.

 ECIR வழங்கப்படாததால் குற்றம் சாட்டப்பட்டவர்களுக்கு பாதிப்பு உள்ளதா? என்கிற கேள்விக்கு இல்லை என்பதே நீதிமன்ற தீர்ப்புகள் சொல்லும் தீர்ப்பு. ஆனால் குற்றம் சாட்டப்பட்டவர்களுக்கு ED விசாரணையின் அடிப்படை விளக்கப்படுவதை தீர்ப்புகள் வலியுறுத்துகின்றன. அவர்கள் குற்றச்சாட்டுகளுக்கு எதிராக சட்டம் மூலம் தற்காப்பு செய்ய வாய்ப்பு கொடுக்கப்படுகிறது.

ECIR வழங்கப்படவில்லை என்கிற தனிப்பட்ட குற்றச்சாட்டுகளுக்கு எதிராக உரிமை பறிக்கப்படவில்லை என்பதே பதிலாக உள்ளது. ஆனால், ED-ன் விசாரணை முறைகள், தவறாக ECIR-ஐ முறைகேடாக பயன்படுத்தி இருக்கும் சந்தர்ப்பங்கள் சில நீதிமன்றங்களில் கேள்விக்குள்ளாகி உள்ளது.

முடிவாக இந்த விவகாரத்தில் சட்டம் சொல்வது என்னவென்றால், ECIR-ஐ குற்றம்சாட்டப்பட்ட தரப்புக்கு வழங்க வேண்டிய கட்டாயம் இல்லை. வழக்கு விசாரணைக்காக தேவையான தகவல்களை ED குற்றம் சாட்டப்பட்டவர்களுக்கு விளக்க வேண்டும்.

உச்ச நீதிமன்றம்/ உயர் நீதிமன்ற (SC & HC)  தீர்ப்புகள் ECIR வழங்க தேவையில்லை என்பதற்கே ஆதரவு அளித்துள்ளன. ECIR வழங்கப்படாவிட்டாலும், குற்றம் சாட்டப்பட்டவர்களுக்கு சட்ட வழிகள் திறந்திருக்கின்றன என்பதே அதன் சாராம்சம்.
 

இதையும் படிங்க: ED Raid சமயத்தில் முறையாக சர்ச் வாரண்ட் வழங்கவில்லை.. தமிழக அரசின் குற்றச்சாட்டு சரியா..?