தமிழகத்தில் சட்டம் ஒழுங்கு சீர்குலைந்து, மக்களின் உயிரும் குழந்தைகளின் பாதுகாப்பும் கேள்விக்குறியாகி உள்ள நிலையில், திமுக தலைவர் மு.க.ஸ்டாலின் முதல்வர் விஜயை கடுமையாக விமர்சித்துள்ளார்.
தனது அறிக்கையில் ஸ்டாலின் கூறியுள்ளதாவது: “சிங்கப்பெண் படையை அமைத்துவிட்டேன் என்று சீறிய முதல்வரின் காதுகளுக்கு, பிஞ்சுகளை இழந்து ஓலமிடும் பெற்றோர்களின் அழுகுரல் கேட்கவில்லையா? மக்களின் பாதுகாப்பு பிரச்சினைகளுக்கு ‘கால்ஷீட்’ எப்போது? கிரிமினல்கள் சிறிதும் அச்சமின்றி குற்றங்களில் ஈடுபடுவதைத் தடுக்க என்ன நடவடிக்கை எடுக்கப்பட்டுள்ளது?” என்று கேள்வி எழுப்பினார்.
மேலும், “சவாலும் சவடாலும் விட்டவர் எப்போது சைலண்ட் மோடில் இருந்து வெளியே வருவார்? மக்களின் உயிரும், குழந்தைகளின் பாதுகாப்பும் கேள்விக்குறியாகி உள்ள நிலையிலும், நான் ஆறு மாதம் எதுவும் கேட்கக் கூடாது என்று நினைக்கிறீர்களா? இல்லை, திமுகவின் பெரும் போராட்டத்தை எதிர்பார்க்கிறீர்களா?” என ஸ்டாலின் கேட்டுள்ளார்.
இதையும் படிங்க: பொறுப்பேற்ற 12 நாளிலேயே இப்படியா? திமுக கண்டனம்! தவெக விஜய் அரசை விமர்சித்த உதயநிதி ஸ்டாலின்!
சட்டசபை தேர்தலில் வெற்றி பெற்று ஆட்சிப் பொறுப்பேற்று ஆறு மாதங்கள் ஆகியும், சட்டம் ஒழுங்கு பிரச்னை, குழந்தைகள் பாதுகாப்பு உள்ளிட்ட மக்கள் நலன் சார்ந்த விவகாரங்களில் முதல்வர் விஜய் போதிய அக்கறை காட்டவில்லை என திமுக தரப்பு குற்றம் சாட்டுகிறது. குறிப்பாக, சமீபத்தில் நடைபெற்ற சில சம்பவங்களில் குழந்தைகள் பாதிக்கப்பட்ட விவகாரங்கள் பெரும் அதிர்ச்சியை ஏற்படுத்திய நிலையில், ஸ்டாலினின் இந்த அறிக்கை அரசியல் வட்டாரத்தில் பெரும் பரபரப்பை ஏற்படுத்தியுள்ளது.
திமுக தலைவர் ஸ்டாலின் தொடர்ந்து முதல்வர் விஜயின் அமைதியை சுட்டிக்காட்டி வருகிறார். ஆட்சியின் முதல் ஆறு மாதங்களில் எதிர்க்கட்சியாக இருந்தாலும், மக்கள் பிரச்சினைகளுக்கு உடனடி தீர்வு காண வேண்டும் என ஸ்டாலின் வலியுறுத்தியுள்ளார். தேவைப்பட்டால் திமுக பெரும் அளவில் போராட்டங்களை நடத்தும் எனவும் எச்சரித்துள்ளார்.
இந்த விவகாரம் தமிழக அரசியலில் எதிர்கால நாட்களில் பெரும் மோதலுக்கு வழிவகுக்கும் என அரசியல் பார்வையாளர்கள் கருதுகின்றனர். முதல்வர் விஜய் தரப்பில் இருந்து இந்த விமர்சனத்துக்கு எப்படி பதிலடி கொடுக்கப்படும் என எதிர்பார்ப்பு எழுந்துள்ளது.
இதையும் படிங்க: திமுக தோல்விக்கு பின்னால் மெகா சதி! மு.க.ஸ்டாலின் டேபிளுக்கு போன அதிர்ச்சி ரிப்போர்ட்!