திருப்பூர் மக்களவை உறுப்பினரும் இந்திய கம்யூனிஸ்ட் கட்சியின் மூத்த தலைவருமான கே. சுப்பராயன், தமிழக வெற்றிக் கழக அரசின் அரசியல் மற்றும் பொருளாதாரப் பாதை குறித்து கடுமையான கேள்விகளை எழுப்பியுள்ளார். அவர் தனது கருத்தில் தவெக அரசு இதுவரை தனது திட்டவட்டமான கொள்கையை அறிவிக்கவில்லை என்று குறிப்பிட்டு, “நாட்டை நல்வழிப்படுத்தும் கொள்கை கொண்ட இடதுசாரிகளின் பாதையா? அல்லது நாட்டை நாசகாரபாதையில் இழுத்துச் செல்லும் வலதுசாரிகளின் பாதையா, தெளிவுபடுத்துங்கள் விஜய்” என முதலமைச்சர் விஜயை நேரடியாகக் கேட்டிருக்கிறார்.

தமிழ்நாட்டில் 2026 சட்டப்பேரவைத் தேர்தலில் தவெக பெரும் வெற்றி பெற்று ஆட்சி அமைத்த பின்னர், அதன் கொள்கை நிலைப்பாடு குறித்த விவாதங்கள் தொடர்ந்து எழுந்து வருகின்றன. விஜய் தலைமையிலான இந்த அரசு பெரியார், அம்பேத்கர், காமராஜர் போன்றவர்களின் சிந்தனைகளை முன்னிலைப்படுத்தி சமூக நீதி, சமத்துவம், மதச்சார்பின்மை ஆகியவற்றை வலியுறுத்தி வருகிறது. 

தேர்தல் பிரச்சாரத்தின்போதும் ஆட்சி அமைத்த பின்னரும் ஊழல் எதிர்ப்பு, மக்கள் நலத் திட்டங்கள், தமிழ் உரிமைகள் பாதுகாப்பு ஆகியவற்றை அடிக்கடி பேசி வருகிறது. ஆனால் இடதுசாரி அல்லது வலதுசாரி என்ற தெளிவான அரசியல்-பொருளாதார வரையறை இன்னும் வெளிப்படையாக அறிவிக்கப்படவில்லை என்பதுதான் சுப்பராயனின் விமர்சனத்தின் மையப்புள்ளி.சுப்பராயன் போன்ற இடதுசாரித் தலைவர்கள், தவெக ஆட்சிக்கு வெளியிலிருந்து ஆதரவு அளித்திருந்தாலும், அதன் நிர்வாகப் போக்கு மற்றும் கொள்கைத் தெளிவின்மை குறித்து அவ்வப்போது கேள்வி எழுப்பி வருகின்றனர். 

இதையும் படிங்க: "விஜயை விசாரிங்க"..! வீரியமெடுக்கும் ஜெம் வீரமணி விவகாரம்... SIT-க்கு டி.ஆர்.பாலு அழுத்தம்..!

தமிழ்நாட்டில் நடப்பது உண்மையில் தவெக ஆட்சியா அல்லது அதிகார வர்க்கத்தின் செல்வாக்கின் கீழ் இயங்கும் நிர்வாகமா என்ற சந்தேகங்களும் அவர்களால் முன்வைக்கப்பட்டுள்ளன. சுப்பராயனின் இந்த கருத்து தமிழக அரசியலில் தொடரும் கொள்கை விவாதத்தை மீண்டும் முன்னுக்கு கொண்டு வந்துள்ளது. 

இதையும் படிங்க: "தாய்மாமன் தங்க மோதிர திட்டம்"..! மதுரைக்கு கிளம்பிய CM... களைகட்டிய தூங்கா நகரம்..! !