“சிங்கப்பெண் launch ஆகல... crime மட்டும் nonstop!”... TTV தினகரன் விளாசல்..!!
by
தமிழ்நாட்டில் பெண்களின் பாதுகாப்பை வலுப்படுத்தும் நோக்கில் முதலமைச்சர் விஜய் தலைமையிலான அரசு அறிவித்த ஒரு முக்கிய திட்டமாக 'சிங்கப்பெண் சிறப்பு அதிரடிப்படை' திட்டம் உருவாக்கப்பட்டுள்ளது. இந்த திட்டத்தின் அதிகாரப்பூர்வ தொடக்க விழா சென்னையில் இன்று நடைபெற இருந்த நிலையில், முதலமைச்சரின் டெல்லி பயணம் காரணமாக ஒத்திவைக்கப்பட்டுள்ளது.
முதலமைச்சர் விஜய் பதவியேற்ற உடனேயே, மே 10 அன்று மூன்று முக்கிய கோப்புகளில் கையெழுத்திட்டதாகக் கூறப்படுகிறது. அவற்றில் ஒன்று இந்த 'சிங்கப்பெண்' திட்டம். பெண்களுக்கு எதிரான குற்றங்களைத் தடுக்கவும், விரைவான அதிரடி நடவடிக்கை எடுக்கவும் பெண் போலீஸ் அதிகாரிகள் மற்றும் தன்னார்வலர்களைக் கொண்ட ஒரு சிறப்பு படையை உருவாக்குவதே இதன் முக்கிய நோக்கம். இந்த படை பெண்களின் பாதுகாப்பு, அவசர சூழல்களில் உடனடி தலையீடு, பொது இடங்களில் விழிப்புணர்வு மற்றும் தேவைப்படும் இடங்களில் ரோந்து பணிகளை மேற்கொள்ளும் என எதிர்பார்க்கப்படுகிறது.
தொடக்க விழா சென்னை எழும்பூரில் உள்ள விளையாட்டு மைதானத்தில் மாலை 5 மணிக்கு பிரமாண்டமாக நடைபெற இருந்தது. முதலமைச்சர் விஜய் நேரில் கலந்துகொண்டு திட்டத்தைத் தொடங்கி வைக்க திட்டமிடப்பட்டிருந்தது. ஆனால், இந்த நிகழ்ச்சி ஒத்திவைக்கப்பட்டுள்ளது. சிங்கப்பெண் அதிரடிப்படை திட்டம் ஒத்திவைக்கப்பட்ட நிலையில் இதனை அம்மா மக்கள் முன்னேற்றக் கழகத்தின் பொதுச் செயலாளர் ttv தினகரன் விமர்சனம் செய்து உள்ளார்.
இதையும் படிங்க: சீரழியுது சட்டம் ஒழுங்கு..! என்ன விஜய் இதெல்லாம்.? TTV ஆவேசம்.!
வயது, பாலினம், மனிதாபிமானம் என எதையுமே பொருட்படுத்தாமல் 10 வயது சிறுமியில் தொடங்கி மூதாட்டிகள் வரை அரங்கேறும் பாலியல் வன்கொடுமைச் சம்பவங்கள் சட்டம் ஒழுங்கை பேணிக்காப்பதில் தவெக ஆட்சி நிர்வாகத்தின் கையாலாகத்தனத்தை வெளிச்சம் போட்டு காட்டுவதாக அமமுக பொதுச் செயலாளர் ttv தினகரன் தெரிவித்துள்ளார். முதலமைச்சராக ஜோசப் விஜய் பொறுப்பேற்றவுடன் கையெழுத்திட்ட மூன்று திட்டங்களில் முதன்மைத் திட்டமான சிங்கப்பெண் சிறப்பு அதிரடிப் படையை தொடங்கி வைக்கவே முடியாத முதல்வர்4 பெண்களின் பாதுகாப்பை எப்படி உறுதி செய்வார் என கேள்வி எழுப்பினார். புதிய டிஜிபி நியமனத்திற்கு பின்பு தான் இந்த நிகழ்வு நடக்கும் என்று சொல்லப்படும் தகவல் உண்மையென்றால், தமிழகத்தில் குதிரை பேர அரசு எதற்கு என்று கேட்டுள்ளார்.
இதையும் படிங்க: கொடுமையா இருக்கு..! தனிக்கவனம் செலுத்துங்க விஜய்..! Ttv தினகரன் வலியுறுத்தல்..!
