கூடுதல் விலைக்கு மது..! வீடியோவால் சிக்கிய ஊழியர். அதிரடி சஸ்பெண்ட்..!!

தமிழகத்தில் 2026 சட்டமன்றத் தேர்தலில் தமிழக வெற்றிக் கழக தலைவர் விஜய் தலைமையில் பெரும்பான்மை பெற்று, கூட்டணி ஆதரவுடன் ஆட்சி அமைத்தது. பொதுமக்கள் நலன், போதைப்பொருள் ஒழிப்பு மற்றும் சமூக சீர்திருத்தங்களை முன்னிறுத்திய இந்த அரசு, பொறுப்பேற்ற முதல் நாட்களிலிருந்தே டாஸ்மாக் மதுக்கடைகளில் நிலவும் முறைகேடுகளுக்கு எதிராக தீவிர நடவடிக்கைகளை மேற்கொண்டு வருகிறது. இதில் முக்கியமானது, மது பாட்டில்களை அரசு நிர்ணயித்த அதிகபட்ச சில்லறை விலைக்கு மேல் கூடுதலாக விற்பனை செய்வதைத் தடுக்கும் நடவடிக்கைகள்.

டாஸ்மாக் கடைகளில் பாட்டிலுக்கு ரூ.10 அல்லது அதற்கு மேல் கூடுதல் விலை வசூலிப்பது நீண்ட காலமாக பொதுமக்கள் மத்தியில் பெரும் புகாராக இருந்து வந்தது. இந்த பழக்கம் “கட்சி நிதி” அல்லது தனிப்பட்ட லாபத்துக்காக நடைபெறுவதாக குற்றச்சாட்டுகள் எழுந்தன. த.வெ.க. அரசு பொறுப்பேற்ற உடனேயே இந்த முறைகேட்டுக்கு எதிராக உத்தரவுகள் பிறப்பிக்கப்பட்டன. மாவட்ட மேலாளர்களுக்கு தீவிர ஆய்வு செய்ய உத்தரவு அளிக்கப்பட்டது. புகார்கள் வந்த இடங்களில் உடனடி சோதனைகள் நடத்தப்பட்டு, குற்றம் நிரூபிக்கப்பட்ட ஊழியர்கள் மீது நடவடிக்கை எடுக்கப்பட்டது. 

இந்த நடவடிக்கைகளின் விளைவாக, ஆட்சி பொறுப்பேற்ற சில வாரங்களிலேயே நூற்றுக்கணக்கான ஊழியர்கள் சஸ்பெண்ட் செய்யப்பட்டனர். ஒரு அறிக்கையின்படி, 20 நாட்களில் மட்டும் சுமார் 200 பணியாளர்கள் சஸ்பெண்ட் செய்யப்பட்டதாக தகவல்கள் வெளியாகின. பின்னர் மேலும் பலர் மீது நடவடிக்கை தொடர்ந்தது. 

இதையும் படிங்க: டாஸ்மாக் பார் ஒப்பந்தத்தில் இனி பழைய ஆதிக்கம் இருக்காது! புதியவர்களுக்கு கதவு திறந்த தவெக அரசு!

இந்த நிலையில் விருதுநகரில் கூடுதல் விலைக்கு மது விற்பனை செய்ததாக புகார் எழுந்தது. வீடியோ ஆதாரங்களுடன் கூடுதல் விலைக்கு மது விற்பனை செய்ததாக குற்றம் சாட்டப்பட்ட நிலையில் அந்த ஊழியர் அதிரடியாக சஸ்பெண்ட் செய்யப்பட்டார். கூடுதல் விலைக்கு மது விற்பனை செய்தால் கடும் நடவடிக்கை எடுக்கப்படும் எனவும் எச்சரிக்கை விடுக்கப்பட்டது. 

இதையும் படிங்க: டாஸ்மாக் பார் தொடங்குவதற்கான விதிகள் தளர்வு! மாறிய விதிமுறைகள்! முழு விவரம்!