புதுச்சேரி முதலமைச்சரும் அகில இந்திய என்.ஆர். காங்கிரஸ் நிறுவனருமான திரு. ந. ரங்கசாமி அவர்கள், தனது தட்டாஞ்சாவடி தொகுதி சட்டமன்ற உறுப்பினர் (MLA) பதவியை முறைப்படி ராஜினாமா செய்ததைத் தொடர்ந்து, அத்தொகுதி தற்போது அதிகாரப்பூர்வமாகக் காலியானதாகப் புதுச்சேரி சட்டசபை செயலகம் இன்று அதிரடி அறிவிப்பு வெளியிட்டுள்ளது.

அண்மையில் நடந்து முடிந்த புதுச்சேரி சட்டமன்றத் தேர்தலில், முதலமைச்சர் ரங்கசாமி அவர்கள் நகர்ப்புறப் பகுதியான தட்டாஞ்சாவடி மற்றும் கிராமப்புறப் பகுதியான மங்களம் ஆகிய இரண்டு தொகுதிகளில் ஒரே நேரத்தில் டாப் கியரில் களம் கண்டார். தேர்தல் முடிவுகள் வெளியான போது, இரண்டு தொகுதிகளிலுமே அவர் மிகத் தாராளமான வாக்குகள் வித்தியாசத்தில் அசுர வெற்றியைப் பதிவு செய்தார்.

சட்டமன்ற விதிகளின்படி, ஒன்றுக்கும் மேற்பட்ட தொகுதிகளில் வெற்றி பெறும் மக்கள் பிரதிநிதி, ஏதேனும் ஒரு தொகுதியை மட்டும் தன் வசம் வைத்துக் கொண்டு, மற்ற தொகுதிகளின் பதவிகளை 14 நாட்களுக்குள் முறைப்படி ராஜினாமா செய்ய வேண்டும். அதன்படி, கிராமப்புறத் தொகுதியான மங்களத்தைத் தக்க வைத்துக் கொள்ள முடிவு செய்த முதலமைச்சர் ரங்கசாமி, தனது சொந்தக் கோட்டையாகக் கருதப்படும் தட்டாஞ்சாவடி தொகுதி பதவியை ராஜினாமா செய்வதற்கான கடிதத்தைச் சட்டசபை செயலகத்திடம் முறைப்படி வழங்கினார்.

இதையும் படிங்க: "டாக்டர் சுப்பையா கொலை வழக்கு": 9 பேரின் விடுதலையை அதிரடியாக ரத்து செய்தது உச்ச நீதிமன்றம்! 

இதனை ஏற்றுக்கொண்ட சட்டசபை செயலகம், தற்போது தட்டாஞ்சாவடி தொகுதி முறைப்படி காலியானதாக அறிவிப்பு வெளியிட்டுள்ளது. கடந்த பல ஆண்டுகளாகத் தான் போட்டியிட்ட தேர்தல்களில் தட்டாஞ்சாவடி தொகுதியில் தொடர்ந்து களம் கண்டு அசைக்க முடியாத கோட்டையாக மாற்றி வைத்திருந்த ரங்கசாமி, தற்போது அதனை விட்டுக்கொடுத்துள்ளதால், அங்கு விரைவில் அறிவிக்கப்படவுள்ள இடைத்தேர்தல் களம் புதுவை அரசியலை இப்போதே அனல் பறக்க வைத்துள்ளது.

இதையும் படிங்க: "ஜூன் 1 முதல் பள்ளிகள் திறப்பு": முன்னேற்பாடுகள் குறித்து பள்ளிக்கல்வி இயக்குநர் அதிரடி உத்தரவு!