தமிழ்நாட்டின் வரலாற்றில் வீரத்தின் மறு உருவமாகவும், சுதந்திரத்திற்காக தன்னை அர்ப்பணித்த தியாகியாகவும் திகழ்ந்தவர் தீரன் சின்னமலை. 1756 ஆம் ஆண்டு ஏப்ரல் 17 அன்று திருப்பூர் மாவட்டத்திலுள்ள மேலப்பாளையத்தில் பிறந்த இவர், கொங்கு வேளாளர் குலத்தில் ரத்தினசாமி மற்றும் பெரியாத்தா தம்பதியருக்கு மகனாகப் பிறந்தார்.

 இவரது இயற்பெயர் தீர்த்தகிரி சர்க்கரை என்றாலும், ஆங்கிலேயர்களுக்கு எதிராக நடத்திய வீரச் செயல்களால் “தீரன் சின்னமலை” என்று புகழ்பெற்றார். இவரது வாழ்க்கை, ஆங்கிலேய கிழக்கிந்திய கம்பெனியின் ஆதிக்கத்திற்கு எதிராக மக்களை ஒருங்கிணைத்து, துணிச்சலுடன் போராடிய ஒரு தலைவரின் கதையாகும். தீரன் சின்னமலையின் சாதனைகள், இந்திய சுதந்திரப் போராட்டத்தின் ஆரம்பகால வரலாற்றில் முக்கிய பங்கு வகிக்கின்றன.

 இவரது வீரமும், மக்கள் நலனுக்காக அர்ப்பணித்த வாழ்க்கையும் இன்றும் தமிழர்களுக்கு உத்வேகமாக உள்ளன.தீரன் சின்னமலையின் மிக முக்கியமான சாதனையாக, ஆங்கிலேயர்களுக்கு எதிரான அவரது கிளர்ச்சிகளைக் கூறலாம். 18 ஆம் நூற்றாண்டின் இறுதியில், ஆங்கிலேய கிழக்கிந்திய கம்பெனி தென்னிந்தியாவில் தனது ஆதிக்கத்தை விரிவுபடுத்தி, மக்களிடம் அநியாயமான வரிகளை விதித்து, உள்ளூர் ஆட்சியாளர்களை அடக்கி ஒடுக்கியது. இந்தக் கொடுமைகளுக்கு எதிராக, கொங்கு நாட்டு மக்களை ஒருங்கிணைத்து, தீரன் சின்னமலை தனது எதிர்ப்பைத் தொடங்கினார். 

இதையும் படிங்க: ஆக. 7ல் கலைஞர் நினைவிடம் நோக்கி பேரணி... கழக உடன்பிறப்புகளுக்கு முதல்வர் அழைப்பு!

இளம் வயதிலேயே சிலம்பாட்டம், வாள் பயிற்சி, வில்வித்தை, மல்யுத்தம் போன்ற போர்க்கலைகளில் தேர்ச்சி பெற்றிருந்த இவர், தனது திறமைகளை ஆங்கிலேயர்களுக்கு எதிரான போராட்டத்தில் பயன்படுத்தினார். கொங்கு நாட்டில் ஆங்கிலேயர்களின் ஆதிக்கத்தை எதிர்த்து, மக்களை ஒருங்கிணைத்து, பல தாக்குதல்களை நடத்தி, ஆங்கிலேயப் படைகளுக்கு பெரும் சவாலாக விளங்கினார்.

குறிப்பாக, ஏழைகளுக்கு விநியோகித்த சம்பவம் புகழ்பெற்றது. ஒருமுறை, மைசூர் அரசுக்கு அனுப்பப்படவிருந்த வரிப்பணத்தை, சங்ககிரி அருகே பறித்து, மக்களுக்கு வழங்கினார். இந்தச் சம்பவம், அவருக்கு “சின்னமலை” என்ற பெயரைப் பெற்றுத் தந்தது. 

ஒவ்வொரு ஆண்டும் தீரன் சின்னமலையின் மறைவு தினத்தன்று தமிழக அரசின் சார்பில் மரியாதை செலுத்தப்படும். அந்த வகையில் தீரன் சின்னமலையின் 220 ஆவது நினைவு தினத்தை ஒட்டி சென்னை கிண்டியில் உள்ள தீரன் சின்னமலை சிலையின் கீழ் அலங்கரித்து வைக்கப்பட்டிருந்த திருவுருவப்படத்திற்கு முதலமைச்சர் ஸ்டாலின் மலர் தூவி மரியாதை செலுத்தினார். அப்போது, அமைச்சர்கள் சேகர் பாபு, சாமிநாதன், சென்னை மேயர் பிரியா துணை மேயர் உள்ளிட்டோர் தீரன் சின்னமலைக்கு மரியாதை செலுத்தினர். 

இதையும் படிங்க: சாதிய ஆணவப் படுகொலை! வாக்கரசியலுக்காக அம்போனு விடுவீங்களா?சீமான் ஆவேசம்