மதுராந்தகம் சட்டமன்றத் தொகுதி இடைத்தேர்தலுக்கான பிரசாரப் பணிகள் உச்சக்கட்டத்தை எட்டியிருக்கும் நிலையில், தமிழக முதலமைச்சரும் தமிழக வெற்றிக் கழகத் தலைவருமான விஜய், தொகுதியின் பல்வேறு பகுதிகளில் ரோடு ஷோ மேற்கொண்டு மக்களை நேரடியாகச் சந்தித்து வருகிறார்.

தவெக வேட்பாளர் மரகதம் குமரவேலை ஆதரித்து நடைபெறும் இந்தப் பிரமாண்டமான சாலை வலத்தில், தொகுதியின் ஏராளமான கிராமங்களும் ஊர்களும் அடங்கியுள்ளன. அதில் எலப்பாக்கம் பகுதியும் ஒன்றாகும்.எலப்பாக்கம் பகுதியை அடைந்தபோது, சாலையோரங்களில் திரண்டிருந்த பொதுமக்கள் உற்சாக ஆரவாரத்துடன் முதலமைச்சரை வரவேற்றனர்.

பிரசார வாகனத்தில் நின்று மக்களுக்கு கை அசைத்து வாக்குகளைக் கோரிய விஜய், திடீரென ஒரு காட்சியைக் கண்டு வாகனத்தை நிறுத்தினார். தவெக துண்டுடன் ஒரு கைக்குழந்தையைத் தூக்கியபடி ஒரு பெண் நின்றுகொண்டிருந்தார். அந்தக் குழந்தை தவெகக் கொடியின் நிறங்களுடன் அலங்கரிக்கப்பட்ட துண்டை அணிந்திருந்தது. இதைப் பார்த்ததும் முதலமைச்சர் விஜய் உடனடியாக வாகனத்திலிருந்து இறங்கினார்.

இதையும் படிங்க: விசிலுக்கு ஓட்டுப் போடுங்க..! டீக்கடையில் முதியோருடன் கலந்துரையாடிய CM விஜய்..!!

சுற்றுமுற்றும் நின்றிருந்த காவல்துறையினரும் கட்சிப் பணியாளர்களும் வழிவிட்ட நிலையில், விஜய் நேரடியாக அந்தக் குழந்தையை அணுகினார். அன்போடு குழந்தையைத் தன் கைகளில் ஏந்திக் கொஞ்சினார். குழந்தையின் கன்னங்களைத் தடவி, புன்னகையுடன் பார்த்துப் பேசினார். அந்தச் சிறுவன் முதலமைச்சரின் முகத்தைப் பார்த்துச் சிரித்தபோது, சுற்றிலும் நின்ற மக்கள் மகிழ்ச்சியில் ஆரவாரம் செய்தனர். 

இதையும் படிங்க: டிபன் பாக்ஸ் நிறைய பணம்.. இதான் தூய ஆட்சியா CM சார்..? அப்பாவு விளாசல்..!!