ஆரணியில், ஜனநாயகம் திரைப்படத்திற்கு பேனர் வைப்பது தொடர்பாக தமிழக வெற்றி கழக நிர்வாகிகளிடையே மோதல் ஏற்பட்டதாக கூறப்படுகிறது.

இந்த மோதலில் மாவட்டச் செயலாளர் சத்யா காயமடைந்து, ஆரணி அரசு மருத்துவமனையில் சிகிச்சை பெற்றுள்ளார். 

மேலும், இரு தரப்பினரிடையே ஏற்பட்ட கைகலப்பு தொடர்பான சிசிடிவி காட்சிகளும் வெளியாகியுள்ளன.

திருவண்ணாமலை மாவட்டம் ஆரணியில் தமிழக வெற்றி கழகத்தின் மாவட்டச் செயலாளராக சத்யா இருந்து வருகிறார்.

இந்நிலையில், தமிழ்நாடு முதலமைச்சர் ஜோசப் விஜய் நடித்த ஜனநாயகம் திரைப்படம் வரும் 23ஆம் தேதி திரையரங்குகளில் வெளியாக உள்ளது. இதையொட்டி, திரையரங்குகள் மற்றும் பொது இடங்களில் தமிழக வெற்றி கழகத்தைச் சேர்ந்த நிர்வாகிகள் மற்றும் தொண்டர்கள் பிளக்ஸ் பேனர்கள் வைக்கும் பணியில் ஈடுபட்டிருந்தனர்.

இதையும் படிங்க: மின்வாரியமா..? பணப்பறிப்பு வாரியமா..? அதிர்ச்சியூட்டும் பில்..! வேல்முருகன் தாக்கு..!!

அப்போது, பேனரில் தனது புகைப்படம் இடம்பெறவில்லை எனக் கூறி, தமிழக வெற்றி கழகத்தின் ஒன்றியச் செயலாளர் ராகவன், மாவட்டச் செயலாளர் சத்யாவிடம் முறையிட்டதாக கூறப்படுகிறது. இதனால், இருவருக்கும் தொலைபேசியில் வாக்குவாதம் ஏற்பட்டுள்ளது.

பின்னர், நேற்று நள்ளிரவு சுமார் 2 மணி அளவில், நேரில் வருமாறு ராகவன் அழைத்ததாக கூறப்படுகிறது. இதையடுத்து, செய்யாறில் இருந்து மாவட்டச் செயலாளர் சத்யா காரில் ஆரணிக்கு வந்துள்ளார்.

ஆரணி மணிக்கூண்டு அருகே, மாவட்டச் செயலாளர் சத்யா ஆதரவாளர்களுக்கும் ஒன்றியச் செயலாளர் ராகவன் ஆதரவாளர்களுக்கும் இடையே கைகலப்பு ஏற்பட்டுள்ளது. இதில் சத்யா காயமடைந்து, ஆரணி அரசு மருத்துவமனையில் சிகிச்சை பெற்றுள்ளார்.

இதையடுத்து, ஆரணி அரசு மருத்துவமனையில் இருந்து ஏ.ஆர். இன்டிமேஷன் (AR Intimation) ஆரணி நகர காவல் நிலையத்திற்கு அனுப்பப்பட்டுள்ளது. சம்பவம் குறித்து ஆரணி நகர காவல்துறையினர் விசாரணை மேற்கொண்டு வருகின்றனர்.

மேலும், இரு தரப்பினருக்கும் இடையே ஏற்பட்ட கைகலப்பு அப்பகுதியில் பொருத்தப்பட்டிருந்த சிசிடிவி கேமராவில் பதிவாகி, அதன் காட்சிகள் தற்போது வெளியாகியுள்ளன
 

இதையும் படிங்க: "பெரம்பூர் தொகுதி"..! வெற்றியை எதிர்த்து ஆர்.டி. சேகர் வழக்கு..! முதல்வர் விஜய் பதிலளிக்க ஆணை..!!