ஈரோடு: தமிழக துணை முதல்வர் உதயநிதி ஸ்டாலின், “ஜாதி ஒழிப்பே தி.மு.க. நோக்கம்” என்று தொடர்ந்து பேசி வரும் நிலையில், கடந்த நவம்பர் 30 அன்று ஈரோடு மாவட்டம் எழுமத்தூரில் நடந்த ‘வெல்லட்டும் சமூக நீதி’ மாநாட்டில் 25 நிமிட பேச்சில் 19 முறை “ராஜ் கவுண்டர்” என்ற ஜாதி பெயரை உச்சரித்தது சமூக வலைதளங்களில் வைரல் ஆகி கடும் விமர்சனத்துக்கு ஆளாகியுள்ளது. 

‘புதிய திராவிட கழகம்’ தலைவர் ராஜ் கவுண்டர் நடத்திய இந்த மாநாட்டில் உதயநிதி பங்கேற்றது, கொங்கு மண்டல ஓட்டு வங்கி அரசியலுக்கான தி.மு.க. வியூகம் என்று பாஜகவினர் கடுமையாக சாடுகின்றனர். “ஓட்டுக்காக ஜாதி பெயரை உச்சரித்து நாடகம் அடிக்கிறார்கள்” என்று விமர்சனங்கள் பெருகி வருகின்றன.

‘புதிய திராவிட கழகம்’ சார்பில் நடந்த இந்த சமூக நீதி மாநாட்டில், “ஈ.வெ.ராமசாமியின் சமூக நீதி மண்ணான ஈரோட்டில் ராஜ் கவுண்டர் இந்த மாநாட்டை நடத்திக் கொண்டிருக்கிறார்” என்று உதயநிதி தொடங்கினார். அவரது 25 நிமிட பேச்சில், “ராஜ் கவுண்டர்” என்று 19 முறை உச்சரித்தார். 

இதையும் படிங்க: ராகுல்காந்திக்கு No!! சசி தரூருக்கு Yes!! அரசியல் விளையாட்டை அரங்கேற்றும் பாஜக! கடுகடுப்பில் காங்.,!

இந்த வீடியோ சமூக வலைதளங்களில் வைரல் ஆக, “ஜாதி ஒழிப்பு பேசி ஜாதி பெயரை உச்சரிப்பது என்ன சமூக நீதி?” என்று பலரும் விமர்சித்தனர். தி.மு.க. தொடர்ந்து “தமிழகத்தில் ஜாதி பெயர்கள் பயன்படுத்தப்படாததற்கு பெரியார் திராவிட இயக்கம்தான் காரணம்” என்று பெருமை பேசி வரும் நிலையில், உதயநிதியின் இந்தப் பேச்சு பெரும் விமர்சனத்தை ஏற்படுத்தியுள்ளது.

தி.மு.க. அரசியலுக்கு வந்ததிலிருந்து உதயநிதி, “ஜாதிகளை ஒழிப்பதுதான் நமது லட்சியம்” என்று பேசி வருகிறார். ஆனால், இந்த மாநாட்டில் ஜாதி பெயரை வார்த்தைக்கு வார்த்தை உச்சரித்தது, கட்சியின் உள்கொள்கையுடன் முரண்படுவதாக விமர்சகர்கள் கூறுகின்றனர். 

பாஜகவினர் சமூக வலைதளங்களில், “ஓட்டுக்காக கொங்கு மண்டல் மக்களை, குறிப்பாக கவுண்டர் சமுதாயத்தை ஏமாற்ற உதயநிதி நடத்தும் நாடகமே இது. கொங்கு மக்கள் ஏமாற மாட்டார்கள்” என்று பதிலடி கொடுத்து வருகின்றனர்.

கடந்த 2021 சட்டசபைத் தேர்தலில், கோவை, நீலகிரி, ஈரோடு, திருப்பூர், சேலம் உள்ளிட்ட கொங்கு மண்டலத்தில் தி.மு.க. தோல்வி அடைந்தது. 2026 தேர்தலில் இங்கு அதிக இடங்களில் வெற்றி பெற, தி.மு.க. தீவிர வியூகம் வகுத்து வருகிறது. 

அதன் ஒரு பகுதியாக, ஈர்க்கப்பட்ட ராஜ் கவுண்டரின் மாநாட்டில் உதயநிதி பங்கேற்றது தி.மு.க. ஏற்பாட்தான் என்று கூறப்படுகிறது. கவுண்டர் சமுதாய ஓட்டுகளைப் பெறுவதற்காக ஜாதி பெயரை உச்சரித்ததாக விமர்சகர்கள் கூறுகின்றனர். “ஓட்டு வங்கி அரசியலுக்காக தி.மு.க. எதையும் செய்ய தயங்காது” என்று பாஜகவினர் விமர்சித்து வருகின்றனர்.

உதயநிதியின் பேச்சு வைரல் ஆனதும், சமூக வலைதளங்களில் “இதுதான் தி.மு.க. சமூக நீதி? ஜாதி ஒழிப்பு பேசி ஜாதி பெயர் உச்சரிப்பது?” என்ற விமர்சனங்கள் பெருகின. கொங்கு மண்டலத்தில் தி.மு.க. தோல்வியை தவிர்க்க இந்த நிகழ்ச்சி ஒரு பகுதி என்று அரசியல் விமர்சகர்கள் கூறுகின்றனர். தி.மு.க. தரப்பில் இதுவரை பதில் இல்லை. இந்த சம்பவம், 2026 தேர்தலுக்கு முன் தி.மு.க.வின் சமூக நீதி பேச்சுக்கு புதிய சவாலாக மாறியுள்ளது.
 

இதையும் படிங்க: 'Blast-uh Blast-uh' புதுச்சேரி, கேரளாவிலும் தவெக + காங்., கூட்டணி!! விஜய்க்கு ராகுல்காந்தி கொடுத்த பெரிய ஆஃபர்!!