விருதுநகர் அல்லம்பட்டியை சேர்ந்த செந்தில்குமார் என்பவர், ரவுடி வரிச்சியூர் செல்வத்தின் கூட்டாளியாக இருந்து வந்துள்ளார். இதனிடையே, இவர்கள் இருவருக்கும் இடையே கருத்து வேறுபாடு ஏற்பட்டதாக தெரிகிறது. இந்த சூழலில், செந்தில்குமார் துப்பாக்கியால் சுடப்பட்ட நிலையில் இறந்து கிடந்தார். அவரை வரிச்சியூர் செல்வத்தின் கூட்டாளிகள்தான் கொலை செய்தனர் என செந்தில்குமாரின் மனைவி விருதுநகர் கிழக்கு காவல் நிலையத்தில் புகார் அளித்தார்.

இந்த வழக்கானது, விருதுநகர் 2வது நீதித்துறை நடுவர் மன்றத்தில் நடைபெற்று வருகிறது. இன்று நடைபெற்ற வழக்கு விசாரணையின்போது, விருதுநகர் 2வது நீதித்துறை நடுவர் மன்றத்தில் ரவுடி வரிச்சியூர் செல்வம் ஆஜரானார். வழக்கை விசாரித்த நீதிபதி ஐயப்பன், விசாரணையை வரும் 30ஆம் தேதிக்கு ஒத்திவைத்து உத்தரவிட்டார்.

இதையும் படிங்க: வரிச்சியூர் செல்வத்தை சுட்டு பிடிங்க.. ஆர்டர் போட்ட உயர் அதிகாரிகள்..!

பல கொலை, கொள்ளை, ஆள் கடத்தல் வழக்குகளில் தொடர்புடையவர் ரவுடி வரிச்சியூர் செல்வம். இவர் கோவையில் ஒரு கட்டப்பஞ்சாயத்துக்காக தனது ஆதரவாளர்களுடனும், ஆயுதங்களுடனும் சென்றதாக போலீஸாருக்கு தகவல் கிடைத்ததாக கூறப்படுகிறது. இதையடுத்து, அவரை சுட்டுபிடிக்க கோவை போலீஸ் உயரதிகாரிகள் உத்தரவிட்டுள்ளதாக நேற்று முன்தினம் தகவல்கள் வெளியாகின. இந்த நிலையில், வழக்கு விசாரணை ஒன்றுக்காக அவர் இன்று நீதிமன்றத்தில் ஆஜராகி உள்ளார் என்பது குறிப்பிடத்தக்கது.

இதையும் படிங்க: தமிழகத்தில் ஆண்டுக்கு ரூ.15000 கோடி சட்டவிரோத மதுவிற்பனை... புள்ளிவிவரம் காட்டும் அரசியல் விமர்சகர்..!