கிளாசிக் லெஜெண்ட்ஸ் நிறுவனத்தின் ஜாவா பிராண்ட், அதன் பிரபலமான நவீன கிளாசிக் பைக் ஜாவா 42-இன் சிறப்பு ஆல் ஸ்டார்ஸ் எடிஷனை இந்திய சந்தையில் அதிகாரப்பூர்வமாக அறிமுகப்படுத்தியுள்ளது. இந்த புதிய மாடல், வழக்கமான ஜாவா 42-இலிருந்து தோற்றத்தில் குறிப்பிடத்தக்க மாற்றங்களுடன் வருகிறது. 60-க்கும் மேற்பட்ட மேம்பாடுகளுடன் வடிவமைக்கப்பட்ட இந்த பைக், ரெட்ரோ ஸ்டைலை தக்கவைத்துக்கொண்டே மேலும் கவர்ச்சியாகவும் நவீனமாகவும் காட்சியளிக்கிறது.

எக்ஸ்-ஷோரூம் விலை ரூ.1.79 லட்சத்திலிருந்து தொடங்குகிறது. ஐவரி மற்றும் பிளாக் டூயல்தோன் மாடல் மிகக் குறைந்த விலையில் கிடைக்கிறது. அடுத்து ஐவரி ரூ.1.85 லட்சம் அளவில் உள்ளது. நெபுலா ப்ளூ, மாஸ் கிரே, பேட்டில் கிரீன் ஆகியவை ரூ.1.87 லட்சம் வரை விலை நிர்ணயம் செய்யப்பட்டுள்ளன. மிக உயர்ந்த விலையுடைய பிளாக் வேரியண்ட் ரூ.1.90 லட்சம் வரை உள்ளது. அனைத்து விலைகளும் டெல்லி எக்ஸ்-ஷோரூம் அடிப்படையிலானவை. புக்கிங்கள் தொடங்கியுள்ளன. 

செப்டம்பர் 14 முதல் வாடிக்கையாளர்களுக்கு டெலிவரி தொடங்கும் என எதிர்பார்க்கப்படுகிறது. தோற்றத்தில், பின்புற பகுதி முக்கியமாக மாற்றியமைக்கப்பட்டுள்ளது. புதிய அலாய் சக்கரங்கள், அகலமான டயர்கள் (முன்புறம் 100/90-18, பின்புறம் 150/70-17), மேல்நோக்கி வளைந்த ட்வின் எக்ஸாஸ்ட் அமைப்பு, மறுவடிவமைக்கப்பட்ட சைடு பேனல்கள் மற்றும் ஃபெண்டர்கள் ஆகியவை இந்த எடிஷனுக்கு தனித்துவத்தை அளிக்கின்றன. வழக்கமான டியர்-ட்ராப் ஃபியூல் டேங்க், வட்ட வடிவ ஹெட்லைட் ஆகியவை தக்கவைக்கப்பட்டுள்ளன.

இதையும் படிங்க: 2026-ல் ஆப்பிளின் மிகப்பெரிய iPhone அப்டேட்.. புதிய மாடல்கள், விலை, முக்கிய அம்சங்கள் இதோ..!!

இயந்திர அமைப்பில் பெரிய மாற்றமில்லை. 294.7 சிசி லிக்விட்-கூல்டு சிங்கிள் சிலிண்டர் டிஓஹெச்சி என்ஜின் தொடர்ந்து வழங்கப்படுகிறது. இது 7,950 ஆர்பிஎம்மில் சுமார் 27.2 ஹெச்பி பவரும், 6,000 ஆர்பிஎம்மில் 26.3 நியூட்டன் மீட்டர் டார்க்கையும் உருவாக்குகிறது. ஆறு வேக கியர்பாக்ஸுடன் இணைக்கப்பட்டுள்ளது. டபுள் க்ரேடில் ஃபிரேம், 35 மிமீ டெலஸ்கோபிக் ஃபோர்க் முன்புறத்திலும், ப்ரீலோட் அட்ஜஸ்டபிள் ட்வின் ஷாக் அப்சார்பர்கள் பின்புறத்திலும் பொருத்தப்பட்டுள்ளன. 

பிரேக்கிங்கிற்கு 280 மிமீ முன்புற டிஸ்க் மற்றும் 240 மிமீ பின்புற டிஸ்க், டூயல் சேனல் ஏபிஎஸ் உடன் கிடைக்கிறது. கர்ப் வெயிட் 175 கிலோ, சீட் ஹைட் 795 மிமீ, கிரவுண்ட் கிளியரன்ஸ் 173 மிமீ, ஃபியூல் டேங்க் கொள்ளளவு 13.2 லிட்டர். இந்த பைக் ராயல் என்ஃபீல்ட் மீட்டியோர் 350, கிளாசிக் 350 மற்றும் ஹண்டர் 350 போன்ற மாடல்களுடன் நேரடி போட்டியில் உள்ளது. ரெட்ரோ லுக்கை விரும்பும் வாடிக்கையாளர்களுக்கு ஜாவா 42 ஆல் ஸ்டார்ஸ் எடிஷன் புதிய விருப்பமாக அமையும் என எதிர்பார்க்கப்படுகிறது.
 

இதையும் படிங்க: மெகா 10,000mAh பேட்டரி.. இந்தியாவை கலக்க வரும் புதிய Redmi ஸ்மார்ட்போன்!!