நடிகர் கமல்ஹாசன் - இயக்குனர் மணிரத்தினம் கூட்டணியில் உருவாகியுள்ள "தக் லைஃப்" படத்தில் நடிகர் சிம்பு, திரிஷா, ஸ்வர்ய லட்சுமி, கௌதம் கார்த்திக், அபிராமி, பாலிவுட் நடிகர் அலி பசல் உள்ளிட்டோர் முக்கிய கதாபாத்திரங்களில் நடித்துள்ளனர். ராஜ்கமல் பிலிம்ஸ் இன்டர்நேஷனல், மெட்ராஸ் டாக்கீஸ், ரெட் ஜெயன்ட் மூவிஸ் இணைந்து தயாரித்துள்ள இப்படத்திற்கு இசைப்புயல் ஏ.ஆர் ரகுமான் இசையமைத்துள்ளார். இந்த படம் வரும் ஜூன் 5ஆம் தேதி திரையரங்குகளில் வெளியாகிறது.
"தக் லைஃப்" படத்தின் முதல் பாடலான 'ஜிங்குச்சா' வெளியாகி மக்களிடையே நல்ல வரவேற்பை பெற்று வருகிறது. திருமண கொண்டாட்டத்தை மையப்படுத்தி எடுக்கப்பட்ட இந்த பாடல் யூடியூபில் 4 கோடி பார்வையாளர்களை கடந்து அசத்தி வருகிறது. மேலும் தக் லைஃப் படத்தின் ட்ரெய்லரும் சமீபத்தில் வெளியாகி சக்கைப்போடு போட்டது.
இதையும் படிங்க: தனது இரண்டு அழகு தேவதைகளின் புகைப்படத்தை வெளியிட்ட சினேகன் கன்னிகா தம்பதி..!
படம் எப்படா வெளிவரும் என ரசிகர்கள் வெறிகொண்டு காத்துக்கிடக்கின்றனர். படத்தின் ப்ரோமோஷன் பணிகள் தீவிரமாக நடைபெற்று வரும் நிலையில், இப்படத்தின் இசை வெளியீட்டு விழா நேற்று முன்தினம் சென்னையில் நடைபெற்றது. இதில் கமல்ஹாசன், மணிரத்தினம், சிம்பு, திரிஷா, அபிராமி, ஏ.ஆர்.ரகுமான் உள்ளிட்ட பட குழுவினர் கலந்து கொண்டனர்.
இந்நிலையில் தக் லைஃப் படத்தின் இசை வெளியீட்டு விழாவில் நீல நிற உடையில் தகதகவென ஜொலித்தார் நடிகை த்ரிஷா. அங்கே எடுத்துக் கொண்ட புகைப்படங்களை தற்போது தனது எக்ஸ் தள பக்கத்தில் வெளியிட்டு, சுகர் பேபி பாடலின் முதல் வரியான "என்ன வேணும் உனக்கு" என்பதையே கேப்ஷனாக பதிவிட்டுள்ளார்.
இதனை பார்த்த ரசிகர்கள் வித விதமான லிஸ்ட்டுகளை போட்டு வருகின்றனர். அதிலும் குறிப்பாக நடிகை திரிஷா, என்ன வேணும் என கேட்க பலரும் நீதான் வேணும், கல்யாணம் பண்ணிக்கலாம் என கமெண்ட் செய்து வருகின்றனர். மேலும் சிலர் நீங்கள் எப்போதுமே இப்படியே சந்தோஷமாக இருக்க வேண்டும் என கமெண்ட் போட்டுள்ளனர்.
ஒரு சிலரோ வடிவேலுவின் காமெடியை வைத்து ஏற்கனவே ஏகப்பட்ட வீடியோ மீம்கள் 'சுகர் பேபி' பாடலை ட்ரோல் செய்து வைரலாகி வரும் நிலையில், அந்த வீடியோவையும் த்ரிஷா ட்வீட்டுக்கு கீழே கமெண்ட்டாக போட்டு, "பிராந்தி ஒரு ஃபுல்லு.. பீரு ஒரு ஃபுல்லு" என வடிவேலு போடும் லிஸ்ட்டை போட்டுள்ள நெட்டிசன்கள் த்ரிஷாவிடம் மேலும், சில கோரிக்கைகளையும் வைத்து வருகின்றனர்.
இதை விட ஹைலேட்டாக லியோ படத்தில் விஜய்க்கு ஜோடியாக த்ரிஷா நடித்த நிலையில், லியோ 2 அப்டேட் மட்டும் வாங்கிக் கொடுங்க தலைவி என கமெண்ட் போட்டு வருகின்றனர். இதுபோன்ற பாசிட்டிவான, காமெடியான கமெண்ட்டுக்கள் ஒருபக்கம் வந்தாலும், ஒரு சிலர் மிக மோசமான கமெண்ட்டுகளை பதிவிட்டு வருகின்றனர்.
இதையும் படிங்க: சட்டம் தன் கடமையை செய்யும்.. பாடகி கெனிஷா வெளியிட்ட பகீர் அறிக்கை..! சரண்டரான நெட்டிசன்கள்..!