ஆஸ்திரேலியாவில் உள்ள விக்டோரியா மாநிலத்தில் செயல்பட்டு வரும் விக்டோரியா மலையாளிகள் சங்கம் கடந்த வாரம் மிகச் சிறப்பாக ஓணம் விழாவை கொண்டாடியது. அந்த நிகழ்ச்சியில் கலந்துகொள்ளும் பொருட்டு, பிரபல மலையாள நடிகையும், தமிழிலும் பல படங்களில் நடித்திருக்கிற நவ்யா நாயர் ஆஸ்திரேலியா சென்றிருந்தார். இந்த விழா மிகுந்த உற்சாகத்துடன் நடைபெற்றது. நாட்டிய நிகழ்ச்சிகள், இசை நிகழ்வுகள், பண்டிகை உணவுகள் மற்றும் பாரம்பரிய உடை அணிவகுப்பு என, மலையாள சமூகம் ஒட்டுமொத்தமாக ஒன்றிணைந்த ஒரு பண்டிகை அமையமாகவே இந்த விழா அமையப் பெற்றது.
இந்நிகழ்வின் சிறப்புப் பேச்சாளராக கலந்துகொண்ட நவ்யா நாயர், தனது சொற்பொழிவின் போது, ஒரு பரபரப்பான தனிப்பட்ட அனுபவத்தை பகிர்ந்துகொண்டார். அந்த அனுபவம் தற்பொழுது சமூக ஊடகங்களில் பரவலாக பரவி வருகிறது. அதன்படி அவர் பேசுகையில், "ஆஸ்திரேலியா புறப்படுவதற்கு முன், என் அப்பா எனக்கு மிகவும் விருப்பமான மல்லிகைப்பூ வாங்கித் தந்தார். அதை இரண்டு துண்டுகளாக வெட்டி, ஒன்று என் தலையில் வைத்துக்கொண்டேன். மற்றொன்று என் கைப்பையில் வைத்திருந்தேன். நான் கொச்சியிலிருந்து புறப்பட்ட விமானம் சிங்கப்பூரில் இறங்கியது. அப்போது தலையில் இருந்த மல்லிகைப்பூ வாடி இருந்தது. எனவே, அதை எடுத்து, கைப்பையில் வைத்திருந்த புதிய பூவைக் கொண்டு மாற்றிக்கொண்டேன். அதன் பிறகு சிங்கப்பூரிலிருந்து நேரே ஆஸ்திரேலியா வந்தேன். ஆனால் ஆஸ்திரேலியாவின் விமான நிலையத்தில், அதிகாரிகள் என்னை நிறுத்தினார்கள். என் தலையில் இருந்த மல்லிகைப்பூவை கவனித்துவிட்டார்கள். எனக்கு தெரியாது, அந்த மல்லிகைப்பூ, ஆஸ்திரேலியாவில் தடை செய்யப்பட்ட பொருட்களில் ஒன்று என கூறினர். அதனால், 1980 ஆஸ்திரேலிய டாலர் அபராதம் விதித்தனர் – இந்திய மதிப்பில் அது ரூ.1.14 லட்சம். அதை 28 நாட்களுக்குள் கட்ட வேண்டும் என்றும் உத்தரவிட்டனர். அதனால் என்னுடைய தலையில் இருந்த அந்த பூ ரூ.1 லட்சமாயிற்று" என அவர் கலகலப்பாக கூறியபோது, விழா நிகழ்ச்சிக்கு வந்திருந்த மக்கள் ஆச்சரியத்துடன் அதனை கேட்டனர். சிலர் அதனை ஒரு நகைச்சுவையாக எடுத்தாலும், பலர் ஆஸ்திரேலியாவில் உள்ள உயிர் பாதுகாப்பு சட்டங்கள் குறித்த விழிப்புணர்வுடன் அதை கேட்டனர்.
ஆஸ்திரேலியாவில், உலகிலேயே மிகவும் கடுமையான உயிர் பாதுகாப்பு விதிகள் நடைமுறையில் உள்ளன. அந்நாட்டு விவசாயம், சுற்றுச்சூழல் மற்றும் புவிசார் உயிரியல் அமைப்புகள் மிகவும் நுணுக்கமானவை என்பதாலே, வெளிநாடுகளிலிருந்து கொண்டுவரப்படும் எந்தவொரு தாவர உற்பத்தி, பூச்சி, உயிரினம் ஆகியவற்றும் விவசாயத்துக்கும், சுற்றுச்சூழலுக்கும் பாதிப்பு ஏற்படுத்தக் கூடும் என்ற அச்சத்தில், கடுமையான சோதனை நடைமுறைகள் பின்பற்றப்படுகின்றன. ஆஸ்திரேலிய வேளாண்மை துறை வெளியிட்டுள்ள அறிவிப்புகளின்படி, மல்லிகைப்பூ உள்ளிட்ட கலந்த அல்லது இயற்கையான பூக்கள் பலவாக உயிர் பாதுகாப்பு அபாயங்களை ஏற்படுத்தக்கூடியவை. குறிப்பாக பூக்களில் ஏற்படும் பூச்சி வண்டிகள் அல்லது தொற்றுகள், அந்த நாட்டின் உள்ளூர் உயிரியல் சூழலுக்கு பேரழிவை ஏற்படுத்தும் அபாயம் இருக்கிறது. அதனால் தான், மலர் வகைகள், விதைகள், பழங்கள், மரக்கறிகள் போன்றவைகளை வெளிநாடுகளிலிருந்து கொண்டு வர கடுமையான கட்டுப்பாடுகள் விதிக்கப்பட்டுள்ளன. இந்த சம்பவம், மலையாள சமுதாயத்தை மட்டுமின்றி, தமிழர்கள் உள்ளிட்ட இந்தியர் சமூகத்தையும் அதிர்ச்சிக்குள்ளாக்கியுள்ளது.
இதையும் படிங்க: ஜி.வி. பிரகாஷ் சொன்னது உண்மை தான் போல..! ஸ்னீக் பீக் விடியோவிலேயே மிரட்டும் “பிளாக்மெயில்”..!
ஏனெனில், பலர் தங்கள் சொந்த கலாச்சாரத்தை வெளிநாட்டில் பின்பற்றுவதில் பெருமிதம் கொள்கிறார்கள். அதில், பூக்கள், பாரம்பரிய உடைகள், உணவுப் பொருட்கள் எல்லாம் அடங்கும். ஆனால், அவை அந்தந்த நாட்டின் சட்டங்களை மீறியதாக இருந்தால், இதுபோன்ற அபராதங்கள் மட்டுமின்றி, வழக்குகள், விசாரணைகள் என பலபடி பிரச்சனைகளுக்கு வழிவகுக்கும். நவ்யா நாயரின் அனுபவம் மூலம், அவர் ஒருவரின் கவனக்குறைவாலேயே இப்படியான அபராதம் விதிக்கப்பட்டதாக தெரிய வருகிறது. ஆனால் இதை நம்மில் அனைவரும் ஒரு பயனுள்ள பாடமாக எடுத்துக்கொள்வது அவசியமாகிறது. வெளிநாடு செல்வோருக்கு, அந்த நாட்டின் இறக்குமதி மற்றும் உயிர் பாதுகாப்பு விதிகளை முன்கூட்டியே தெரிந்து கொள்ள வேண்டும். இந்த சம்பவம் சமூக ஊடகங்களில் பரவியதற்குப் பிறகு, சிலர் இதை ஆஸ்திரேலிய அரசாங்கத்தின் மிகுதியான நடவடிக்கை என விமர்சிக்க, இன்னுமொரு தரப்பு, இது ஒரு நியாயமான பாதுகாப்பு நடவடிக்கை என்றும் கூறினர். நவ்யா நாயர், மிகவும் நாகரிகமாகவும், இரசிக்கத் தக்க வகையில் தனது அனுபவத்தை பகிர்ந்ததின் மூலம், இது ஒரு விழிப்புணர்வு செய்தியாக மாறியுள்ளது. ஆகவே இந்த சம்பவம் நமக்கு மிக முக்கியமான ஒரு உண்மையை உணர்த்துகிறது என்னவெனில் வெளிநாட்டில் நம் பாரம்பரியத்தை பின்பற்றும் முன், அந்த நாட்டின் விதிமுறைகளை அறிந்து செயல்பட வேண்டும்.
ஒரு சாதாரணமாக தோன்றும் மல்லிகைப்பூ, ஆஸ்திரேலியாவில் தடை செய்யப்பட்ட பொருளாக இருக்கலாம். அந்தத் தகவல் தெரியாமல், ஒரு புகழ்பெற்ற நடிகைக்கும் அபராதம் விதிக்கப்படுகிறதென்றால், சாதாரணப் பயணிகளுக்கு ஏற்படும் அபாயத்தை நாம் உணர வேண்டும். ஒரு பூவால் ஒரு பாடம் கற்ற நவ்யா நாயரின் அனுபவம், வெளிநாடுகளுக்குப் பயணம் மேற்கொள்ளும் அனைவருக்கும் விழிப்புணர்வான உணர்வு ஏற்படுத்தும் வகையில் அமைந்துள்ளது.
இதையும் படிங்க: கண்ணா... கவின் நடித்த 'கிஸ்' பட டிரெய்லர் பார்க்க ஆசையா..! இதோ வந்தது அதிரடி அப்டேட்..!