தமிழ் தொலைக்காட்சி உலகில் 90’s மற்றும் 2000’s தொடக்க கால ரசிகர்களின் மனதில் நீங்கா இடம்பிடித்த தொகுப்பாளினிகளில் ஒருவராக திகழ்ந்தவர் விஜே மகேஸ்வரி.
தனது தனித்துவமான பேச்சு பாணி, இயல்பான சிரிப்பு மற்றும் பார்வையாளர்களுடன் உருவாக்கிய நெருக்கமான தொடர்பு ஆகியவற்றின் மூலம் அவர் அந்த காலகட்டத்தில் மிகவும் பிரபலமான டிவி முகமாக இருந்தார்.
இதையும் படிங்க: ‘மஞ்சுமல் பாய்ஸ்’ இயக்குநரின் மாஸ் படைப்பு..!! உணர்வும் மர்மமும் கலந்த 'பாலன்'படம்.. முழு விமர்சனம் இதோ..!
பல இளைஞர்கள் மற்றும் குடும்ப ரசிகர்களை ஒரே நேரத்தில் கவர்ந்த தொகுப்பாளினியாகவும் அவர் அறியப்பட்டார்.
தொலைக்காட்சி நிகழ்ச்சிகளைத் தொகுத்து வழங்கியதுடன் மட்டுமல்லாமல், சில சீரியல்களிலும் மற்றும் குறைந்த அளவிலான திரைப்படங்களிலும் நடித்துள்ளார்.
இதன் மூலம் தனது திறமையை பல்வேறு துறைகளில் வெளிப்படுத்திய மகேஸ்வரி, வெறும் தொகுப்பாளினியாக மட்டுமல்லாமல் ஒரு பல்துறை கலைஞராகவும் தனது அடையாளத்தை உருவாக்கினார்.
அந்த நேரத்தில் தனது பிஸியான பணியிடை வாழ்க்கையின் மத்தியில், அவர் சாணக்கியன் என்பவரை திருமணம் செய்து கொண்டார்.
இந்த தம்பதியருக்கு ஒரு மகன் உள்ளார். திருமணத்திற்குப் பிறகு சில காலம் குடும்ப வாழ்க்கையில் கவனம் செலுத்தி வந்த மகேஸ்வரி, பின்னர் தனிப்பட்ட காரணங்களால் தனது திருமண வாழ்க்கையை முடிவுக்கு கொண்டு வந்தார். தற்போது அவர் தனது மகனுடன் தனியாக வாழ்ந்து வருகிறார்.
இதையும் படிங்க: அர்ஜுன் தாஸ் நடிப்பில் உருவாகியுள்ள ‘கான் சிட்டி’..!! இன்று மாலை ரசிகர்களுக்கு செம ட்ரீட் இருக்கு..!