தமிழ் சினிமாவில் திறமையான நடிப்பாலும், எளிமையான திரைபாவனையாலும் ரசிகர்களின் மனதில் தனித்துவமான இடத்தைப் பிடித்தவர் அஞ்சலி.

கிராமத்து கதாபாத்திரங்களிலிருந்து நகரத்து நவீன பெண்கள் வரை பல்வேறு வகையான வேடங்களில் நடித்துக் கொண்டிருக்கும் அவர், கோலிவுட்டில் முன்னணி நடிகையாக தன்னை நிலைநிறுத்தியுள்ளார்.

இதையும் படிங்க: 'புருஷன்' படத்தின் படப்பிடிப்பு Start..! மீண்டும் ஒன்றினையும் விஷால் மற்றும் சுந்தர்.சி..!

கடந்த சில ஆண்டுகளாக தமிழ் மட்டுமின்றி தெலுங்கு திரைப்படங்களிலும் அதிக கவனம் செலுத்தி வருகிறார்.

இரு மொழிகளிலும் சமநிலை காத்து பிஸியான நடிகையாக வலம் வரும் அஞ்சலி, சமீபத்தில் ஒரு பிரபல விருது விழாவில் தனது தோற்றத்தால் ரசிகர்களை ஆச்சரியத்தில் ஆழ்த்தியுள்ளார்.

சமீபத்தில் நடைபெற்ற Filmfare Awards South விழாவில் அஞ்சலி கலந்துகொண்டார். இந்த விருது விழா ஒவ்வொரு ஆண்டும் தென்னிந்திய திரையுலகின் முக்கிய நிகழ்வாக கருதப்படுகிறது.

பல முன்னணி நடிகர்கள், இயக்குநர்கள், தொழில்நுட்பக் கலைஞர்கள் கலந்து கொள்ளும் இந்த மேடையில், யார் எப்படி தோன்றுகிறார்கள் என்பதும் பெரிய விவாதமாக மாறுவது வழக்கம்.

அந்த வகையில், இந்த ஆண்டு அஞ்சலி தேர்வு செய்த உடை அனைவரது கவனத்தையும் ஈர்த்தது. பொதுவாக எளிமையான மற்றும் நயமான ஆடை அணிவதில் பெயர் பெற்ற அஞ்சலி, இந்த முறை முற்றிலும் மாறுபட்ட கிளாமர் லுக்கில் விழா மேடையில் தோன்றினார்.

செம ஸ்டைலிஷ் வடிவமைப்பில் இருந்த அந்த உடை, அவரது உடலமைப்பை அழகாக வெளிப்படுத்தியதுடன், அவரின் தன்னம்பிக்கையையும் பிரதிபலித்தது.

மென்மையான மேக்கப், ஒழுங்காக அலங்கரிக்கப்பட்ட தலைமுடி, குறைந்த அளவு நகைகள் – இவை அனைத்தும் சேர்ந்து அவருக்கு ஒரு ஹாலிவுட் ஸ்டைல் தோற்றத்தை வழங்கின.

விழாவில் எடுத்துக்கொள்ளப்பட்ட அவரது புகைப்படங்கள் தற்போது சமூக வலைதளங்களில் வைரலாகி வருகின்றன.

குறிப்பாக இன்ஸ்டாகிராம், எக்ஸ் போன்ற தளங்களில் ரசிகர்கள் அவரது லுக்கை பாராட்டி கருத்துகளை பகிர்ந்து வருகின்றனர். 

இதையும் படிங்க: நடிகை ரம்யா பாண்டியனின் கலக்கல் போட்டோஷுட்..! அதிரடியாக வெளியான போட்டோஸ் வைரல்..!