விழாக்காலத்தை போல் மக்கள் உற்சாகமுடன் எதிர்பார்க்கும் நிகழ்ச்சிகளில் ஒன்று தான் பிக் பாஸ் தமிழ். தமிழ் தொலைக்காட்சி வரலாற்றில் பெரும் தாக்கத்தை ஏற்படுத்திய இந்த நிகழ்ச்சி, தற்போது அதன் 9-வது சீசனுக்குத் தயாராகி வருகிறது. கடந்த ஆண்டுகளில் 7 சீசன்கள் வரை உலக நாயகன் கமல் ஹாசன் நிகழ்ச்சியை தொகுத்து வழங்கியிருந்தார். ரசிகர்களிடையே தனி முத்திரையை பதித்திருந்த அவரது அணுகுமுறை, நிகழ்ச்சியின் வெற்றிக்கு பெரும் பங்களிப்பு அளித்தது.

ஆனால், 8-வது சீசனில் புதிய மாற்றத்தை கொண்டு வரும் நோக்கில், மக்கள் செல்வன் விஜய் சேதுபதி நிகழ்ச்சி தொகுப்பாளராக அறிமுகமாகி, தனது மென்மையான பேச்சு, நுட்பமான அணுகுமுறை மற்றும் ஆளுமையால் மக்கள் மனதில் இடம் பிடித்தார். அவருடைய நடத்தை போட்டியாளர்களிடம் வழிகாட்டியாகவும், ஆலோசனையாளராகவும் இருந்தது. இப்படி பட்ட பிக் பாஸ்-8 சிறப்பாக நிறைவடைந்தது. பல பரபரப்பான நிகழ்வுகளுக்கும், கதாநாயகனாக மாறிய தருணங்களுக்கும் இடையே, முத்துக்குமரன் அசத்தலாக விளையாடி ரசிகர்கள் வாக்குகளால் டைட்டில் வின்னராக தேர்ந்தெடுக்கப்பட்டார். அவரது நேர்மை, தன்னம்பிக்கை, மற்றும் போட்டிக்கு ஈடான அர்ப்பணிப்பு ஆகியவை ரசிகர்களை ஈர்த்தது. முத்துக்குமரனின் வெற்றியை பலர் சமூக வலைதளங்களில் கொண்டாடினர். “மக்கள் நாயகன்” என சிலர் அவரை புகழ்ந்த போதும், சிலர் மற்ற போட்டியாளர்களும் வலுவானவர்கள் என தெரிவிக்க, விவாதங்கள் அதிகமாக நடந்தன. இருப்பினும், அவர் தனக்கென ஒரு இடத்தை நிலைப்படுத்தியுள்ளார். மேலும் பிக் பாஸ் 8-க்கு கிடைத்த எதிர்வினைகளை அடிப்படையாகக் கொண்டு, ஜியோ ஸ்டார் குழுவினர் 9-வது சீசனையும் விஜய் சேதுபதியுடன் நடத்த முடிவு செய்துள்ளனர். இது குறித்து ஜியோ ஸ்டாரின் தென்னிந்திய பிராந்தியத் தலைவர் கிருஷ்ணன் குட்டி, சமீபத்திய ஒரு பேட்டியில் உறுதி செய்துள்ளதாக தகவல்கள் தெரிவிக்கின்றன.

அவரின் வாசகங்களில், "விஜய் சேதுபதியின் உணர்வுப்பூர்வமான நிகழ்ச்சி நடத்தும் திறன், ரசிகர்களின் இணைப்பை ஏற்படுத்தியது. பிக் பாஸ் 9-ம் அவருடன் நடத்த நாம் உறுதியாக உள்ளோம். மேலும் நிகழ்ச்சி முற்றிலும் புதிய கோணங்களுடன், பல மாற்றங்களுடன் ரசிகர்களிடம் வரப்போகிறது" என கூறியதாக கூறப்படுகிறது. எனவே பிக் பாஸ்- 9 அக்டோபர் மாதம் தொடங்கும் என எதிர்பார்க்கப்படுகின்ற நிலையில், நிகழ்ச்சிக்கான ஆடிஷன் வேலைகள் தற்போது ஆரம்பமாகியுள்ளன. சில பழைய முகங்கள், யூடியூப் பிரபலங்கள், சமூக ஊடக சென்சேஷன்கள் மற்றும் குறுந்திரை நபர்கள் என பலரும் களத்தில் இறங்க உள்ளதாக கூறப்படுகிறது. இந்த நிலையில், ஒரு முக்கியமான தகவல் தற்போது இணையத்தில் பரவத் தொடங்கியுள்ளது. 'அமரன்' படத்தில் நடித்தும், 'குக் வித் கோமாளி' நிகழ்ச்சியில் கலக்கியும் வரும் நடிகர் உமைர், பிக் பாஸ் 9 சீசனில் பங்கேற்க அதிக வாய்ப்பு உள்ளதாக தகவல் வெளியாகியுள்ளது.

இதையும் படிங்க: அப்படி என்ன உங்களுக்கு ஈகோ.. கோலிவுட் ஹீரோயின்களை பார்த்தா எப்படி தெரியுது - பவித்ரா மேனன் கண்டனம்..!

நடிகர் உமைர், சமீபத்தில் இயக்குநர் தனுஷ் நடிப்பில் வெளிவந்த படத்தில் முக்கிய வேடத்தில் நடித்திருந்தார். அதுமட்டுமல்லாது, 'குக் வித் கோமாளி' நிகழ்ச்சியில் தனது நகைச்சுவையான பாணியில் ரசிகர்களின் பரவலான ஆதரவை பெற்றுள்ளார். இவருடைய நகைச்சுவை, நேர்த்தியான பேச்சு, உண்மைதன்மை ஆகியவை பிக் பாஸ் போன்ற ஒரு நிகழ்ச்சிக்கு மிகச் சரியான கலவையாக இருக்கலாம் என்கிறார்கள். பிக் பாஸ் 9ல் கலந்துகொள்ளும் வாய்ப்பு பற்றி உமைர் எந்தவிதமான உறுதிப்படுத்தலும் அளிக்கவில்லை, ஆனால் இணையத்தில் பரவும் இந்த தகவல் ரசிகர்களை உற்சாகப்படுத்தியுள்ளது. விஜய் சேதுபதியின் தொகுப்பு, புதிய போட்டியாளர்கள், மேலும் கூடும் துவக்க நிகழ்ச்சி, புதிய டாஸ்க் வடிவமைப்புகள் என, பிக் பாஸ்-9 ஒரு புதிய முகத்தை பெறவுள்ளதாக எதிர்பார்ப்பு உள்ளது. குறிப்பாக ஒவ்வொரு சீசனிலும் நிகழும் கண்கவர் நிகழ்வுகள், ஆளுமைகளின் மனமாற்றம், அணுகுமுறை மாற்றங்கள் ஆகியவை நிகழ்ச்சியின் முக்கிய அங்கங்களாக இருந்து வருகின்றன. இந்த தடவை சமூக ஊடகங்களின் தாக்கமும், பிக் பாஸ் வீட்டிற்குள் அதிகளவு பிரசன்னமாகக் காணப்படும் என கூறப்படுகிறது. மற்றொரு தகவல் படி, சில ஓடிடி பிரபலங்களும் இந்த சீசனில் பங்கேற்கலாம் என எதிர்பார்க்கப்படுகிறது. பிக் பாஸ் தமிழ் சீசன் 9, விஜய் சேதுபதியுடன் திரும்பி வரும் இந்த செய்தி, நிகழ்ச்சியின் ரசிகர்களிடையே பெரும் எதிர்பார்ப்பை உருவாக்கியுள்ளது.

புதிய போட்டியாளர்கள், புதுமையான கதாநாயகர்கள் மற்றும் சிக்கலான டாஸ்க்கள் என ஒரு முழுமையான விளையாட்டு நிகழ்ச்சியை மக்கள் எதிர்நோக்கி காத்திருக்கின்றனர். விஜய் சேதுபதி மீண்டும் நிகழ்ச்சியில் தொகுப்பாளராக வருவது ரசிகர்களுக்கு ஒரு பெரிய ப்ளஸ் பாயிண்ட். இதேவேளை, உமைர் உள்ளிட்ட பல புதிய முகங்களும் வருகிறார்கள் என்பதால், பிக் பாஸ் வீடு இன்னும் வண்ணமயமாக மாறும்.

இதையும் படிங்க: ஏதோ.. அறியாப்புள்ள தெரியாம பேசிட்டேன்.. மன்னிச்சிடுங்கப்பா..! நடிகை மிருணாள் தாகூர் வருத்தம்..!