தமிழகம் மட்டுமல்லாது இந்தியா முழுவதும் உள்ள அனைத்து மக்களும் பணத்தை கொடுத்து சிக்கி கொண்டு வெளியே வரமுடியாமல் தவித்து பின் உயிரை மாய்த்து கொள்ளும் அளவிற்கு கொண்டு செல்வது என்றால் அது ஆன்லைன் சூதாட்டம் தான். சில நேரங்களில் ஆன்லைன் ரம்மி உள்ளிட்ட பல சூதாட்ட விளம்பரங்களில் நடிகர் நடிகைகள் நடிப்பதை பார்த்து மக்கள் அதன் பின் செல்கின்றனர். குறிப்பாக சமீபத்தில் நடிகர் சரத்குமார் ஆன்லைன் சூதாட்ட விளம்பரங்களில் நடித்ததற்காக விமர்சனத்திற்கு ஆளானார்.

இந்த விளம்பரதாரர்கள் தரப்பிலும் நடிப்பவர்கள் தரப்பிலும் இருந்து சூதாட்டத்தை நிறுத்துங்கள் என கேட்டால், இந்த விளம்பரத்தின் கடைசியில் "இந்த விளையாட்டு நிதி அபாயங்களுக்கு  உட்பட்டது" என கூறி தான் அனைத்தையும் செய்கிறோம் என கூறி அனைவரது சாபத்தையும் வாங்கி குவித்து வந்தனர். இப்படி இருக்க, ஆன்லைன் சூதாட்ட விவகாரத்தல் எப்பொழுது தான் சட்டம் தன் கடமையை செய்யும் என மக்கள் கோரிக்கை வைத்தனர். அதற்கு பலனாக ஆன்லைன் சூதாட்டத்தை பேன் செய்வார்கள் என்று பார்த்தால் அதனை விட்டு அதில் நடித்தவர்களை கைது செய்து வருகின்றனர் காவல்துறையினர். இதுவரை 25த்திற்கும் மேற்பட்ட பிரபலங்களை கைது செய்துள்ளனர். 

இந்த சூழலில், 32 வயதான 'ஃபனீந்திர சர்மா' என்ற தொழிலதிபர் அளித்த புகாரின் பேரில் ஹைதராபாத்தில் உள்ள மியாபூர் காவல் நிலையத்தில் பிரபலங்கள் மீது  FIR பதிவு செய்யப்பட்டுள்ளது. அவர் கொடுத்தபுகாரில், தன்னுடைய காலனியைச் சேர்ந்த இளைஞர்களிடம் பேசும்போது, சினிமா பிரபலங்கள், இன்ஃப்ளுயன்சர்கள் சமூக வலைதளங்களில் விளம்பரப்படுத்தும் சூதாட்ட செயலிகளில் பணத்தை முதலீடு செய்துள்ளதாக கூறியதை கேட்டு மிகுந்த மனவேதனை அடைந்ததாகவும் இப்படியே போனால் அனைவரும் பணத்தை இழந்து இறந்து போனால் யார் பொறுப்பு? என கேட்டு புகார் அளித்துள்ளார். 

இப்புகாரின் அடிப்படையில் விஜய் தேவரகொண்டா, ராணா டகுபதி, பிரகாஷ் ராஜ், மஞ்சு லட்சுமி, பிரனீதா, நிதி அகர்வால், அனன்யா நாகல்லா, சிரி ஹனுமந்து, ஸ்ரீமுகி, வர்ஷினி சௌந்தரராஜன், வசந்தி கிருஷ்ணன், ஷோபா ஷெட்டி, அம்ருதா சவுத்ரி, நயனி பவானி, நேஹா பதான், பாண்டு, பத்மாவதி, சாப்ரினி, பத்மாவதி, விஷ்ணு, நான் ஷியாமளா, டேஸ்டி தேஜா, மற்றும் பண்டாரு ஷேஷாயனி சுப்ரிதாம் உள்ளிட்டோர் மீது வழக்குப்பதிவு செய்யப்பட்டுள்ளது. இதுகுறித்து நடிகர் பிரகாஷ் ராஜ் வீடியோ மூலமாக சமீபத்தில் விளக்கமளித்து மன்னிப்பு கேட்டார். அதில், " உண்மையாகவே நான் பெட்டிங் ஆப் விளம்பரத்தில் நடித்தேன், அனைவரையும் கேள்வி கேட்கும் நான் இதற்கு பதில் சொல்லி தான் ஆக வேண்டும்.

2016ம் ஆண்டு இதுபோன்ற ஒரு விளம்பரத்தில் நடிக்கும் வாய்ப்பு எனக்கு கிடைத்தது நான் நடித்தேன். ஆனால் சில மாதங்களுக்குப் பிறகு தான் என் தவறை உணர்ந்தேன், ஆனாலும் ஒப்பந்தம் காரணமாக என்னால் எதுவும் செய்ய முடியவில்லை. 9 வருடத்திற்கு முன்பு நான் தெரியாமல் செய்த தவறுக்காக நான் தற்போது உங்களிடம் மன்னிப்பு கேட்டுக் கொள்கிறேன் என்றும் தயவுசெய்து இளைஞர்கள் இதுபோன்ற சூதாட்ட செயலியை பயன்படுத்தி பணத்தை இழக்க வேண்டாம் என்றும் கேட்டுக் கொள்கிறேன்" என வீடியோவில் பேசி இருந்தார்.

இதையும் படிங்க: மூச்சுக்கு முந்நூறு முறை நடிகை ஐஸ்வர்யா-ராயை பாராட்டிய அபிஷேக் பச்சன்..! தனது மகளை குறித்து உருக்கம்..!

இப்படி திரைத்துறைகயையே ஆட்டம் காண வைத்த இந்த நிகழ்வு தற்பொழுது மீண்டும் சூடுபிடித்துள்ளது. அதன்படி, சட்டவிரோதமான சூதாட்ட விளம்பரங்களில் நடித்ததற்காக பிரகாஷ் ராஜ் உட்பட விஜய் தேவரகொண்டா, ராணா டகுபதி, பிரகாஷ் ராஜ், மஞ்சு லட்சுமி, பிரனீதா, நிதி அகர்வால், அனன்யா நாகல்லா, சிரி ஹனுமந்து, ஸ்ரீமுகி, வர்ஷினி சௌந்தரராஜன், வசந்தி கிருஷ்ணன், ஷோபா ஷெட்டி, அம்ருதா சவுத்ரி, நயனி பவானி, நேஹா பதான், பாண்டு, பத்மாவதி, சாப்ரினி, பத்மாவதி, விஷ்ணு, நான் ஷியாமளா, டேஸ்டி தேஜா, மற்றும் பண்டாரு ஷேஷாயனி சுப்ரிதாம் என அனைவரும் கோடிக்கணக்கில் பணம் பெற்றதாக மீண்டும் புகார் வந்த நிலையில்,

இவர்கள் அனைவருக்கும் சம்மன் அனுப்பி விசாரிக்க அமலாக்க துறையினர் திட்டமிட்டு இருப்பதாக தகவல்கள் வெளியாகி உள்ளது. 

இதையும் படிங்க: சீதாதேவி-யின் பெயருக்காக நடந்த போராட்டம்..வெற்றிகண்ட சென்சார் போர்டு..! 'ஜானகி vs ஸ்டேட் ஆஃப் கேரளா' படத்தின் பெயர் மாற்றம்..!