விஜய் டிவியின் பிரபல காமெடி குக்கிங் ஷோ குக் வித் கோமாளி நிகழ்ச்சி மூலம் பிரபலமானவர் மாதம்பட்டி ரங்கராஜ். அவரின் இயல்பான நகைச்சுவை, எளிமையான நடிப்பு, மக்களுக்கு நெருக்கமான பாணி ஆகிய காரணங்களால் அவர் ரசிகர்களிடையே பெரும் பிரபலமாக மாறினார்.

ஆனால் கடந்த சில மாதங்களாக, அவரைச் சுற்றி பல சர்ச்சைகள் வெடித்து வருகின்றன. சில மாதங்களுக்கு முன்பு, பிரபல ஆடை வடிவமைப்பாளர் ஜாய் கிரிஸில்டா, சமூக வலைதளங்களில் பெரும் அதிர்ச்சியை ஏற்படுத்திய குற்றச்சாட்டை முன்வைத்தார். அவர் கூறுகையில், “மாதம்பட்டி ரங்கராஜ் என்னை திருமணம் செய்து கர்ப்பமாக்கிவிட்டு பின்னர் ஏமாற்றிவிட்டார். அவரின் பொய்மையும், பொறுப்பின்மையும் எனக்கு பெரும் வேதனையாகியுள்ளது” என தனது மனக்குமுறலை பகிர்ந்தார். இந்த குற்றச்சாட்டை அவர் நேரடியாக சமூக வலைதளங்களில் பகிர்ந்ததோடு, நீதிமன்றத்திலும் வழக்கு தொடர்ந்திருந்தார். இந்த சம்பவம் வெளிச்சத்துக்கு வந்ததும், திரையுலகத்தில் பெரும் பரபரப்பு ஏற்பட்டது. ரங்கராஜ் இதற்கு எந்தவிதமான பதிலும் அளிக்காமல் மௌனமாக இருந்தார். ஆனால் ரசிகர்கள் மத்தியில் பல கேள்விகள் எழுந்தன.

என்னவெனில் “இது உண்மையா?”, “அவர் உண்மையில் திருமணம் செய்தாரா?”, “அவருக்கு குழந்தை பிறந்ததா?” என்பன போன்றவை தான். இந்நிலையில், கடந்த சில வாரங்களுக்கு முன்பு ஜாய் கிரிஸில்டா ஆண் குழந்தைக்கு தாயானார் என்ற தகவல் வெளியாகி ரசிகர்களிடையே மீண்டும் விவாதங்களை கிளப்பியது. அவர் சமூக வலைதளங்களில் குழந்தை பிறந்தது குறித்த செய்தியை மிக உணர்ச்சியுடன் பகிர்ந்து கொண்டார். ஆனால் அந்த பதிவில் அவர் தந்தை பெயரை குறிப்பிடவில்லை. இதனால் பலரும் சந்தேகத்தில் ஆழ்ந்தனர். இப்போது, அந்த மர்மத்துக்கு முடிவாக, ஜாய் கிரிஸில்டா தன் குழந்தையின் பிறப்பு சான்றிதழை வெளியிட்டுள்ளார். அதில் “தந்தை பெயர்” பகுதியில் மாதம்பட்டி ரங்கராஜ் என குறிப்பிடப்பட்டுள்ளது.

இதையும் படிங்க: பாத்தவச்சிட்டியே பரட்ட..! இனி பாருங்க இந்த 'Bigg boss' ஆட்டத்த.. வைல்ட் கார்டு என்ட்ரி-ல.. எகிறிய TRP..!

இதன் மூலம் அவர் முன்வைத்த குற்றச்சாட்டு உண்மையா என்ற கேள்வி மீண்டும் எழுந்துள்ளது. இந்த சான்றிதழ் சமூக வலைதளங்களில் வைரலாக பரவி வருகிறது. இதன் மூலம் ஜாய் கிரிஸில்டா தன் பக்கம் உண்மை இருப்பதை நிரூபிக்க முயன்றுள்ளார். அவர் இதோடு நிற்காமல், தனது இன்ஸ்டாகிராம் பதிவில் கடுமையான வார்த்தைகளுடன் ஒரு செய்தியையும் வெளியிட்டுள்ளார். அந்த பதிவில் அவர், “நீங்க இதற்கு தகுதி இல்லை. இது வலியுடன் கொடுத்தது, பெருமை அல்ல. நான் அனுபவித்தது வேதனை. ஆனால் என் மகனுக்காக நான் வலிமையாய்த் திகழ்வேன்” என்றார். இந்த பதிவு ரசிகர்களை நெகிழவைத்ததோடு, பலரிடமும் கோபத்தையும் கிளப்பியுள்ளது. சிலர் ஜாய்க்கு ஆதரவாகக் கருத்துக்கள் தெரிவித்து வருகின்றனர்.

இதற்கிடையில், மாதம்பட்டி ரங்கராஜ் இதுவரை இதுகுறித்து எந்த பதிலும் அளிக்கவில்லை. அவரது மௌனம் ரசிகர்களிடையே பல்வேறு சந்தேகங்களுக்கு வழிவகுக்கிறது. சிலர் அவர் சட்ட ரீதியாக பதிலளிக்கத் திட்டமிட்டு இருக்கலாம் எனக் கூறுகின்றனர். சிலர் அவர் இந்த சர்ச்சையை முற்றிலும் புறக்கணிக்கலாம் என நினைக்கின்றனர். ஜாய் கிரிஸில்டா, ஒரு திறமையான ஆடை வடிவமைப்பாளராக மட்டுமல்லாமல், சமூக ஊடகங்களில் செல்வாக்கு பெற்ற நபர். அவர் தனது தொழில்முறையிலும், தனிப்பட்ட வாழ்க்கையிலும் நடந்த அனுபவங்களை வெளிப்படையாகப் பகிரும் தன்மை கொண்டவர். அதனால் அவர் கூறும் ஒவ்வொரு பதிவும் ரசிகர்கள் மத்தியில் பெரும் விவாதத்துக்குள்ளாகிறது.

இந்நிலையில், வழக்கு தற்போது நீதிமன்றத்தில் விசாரணை நிலையில் உள்ளது. குழந்தையின் பிறப்பு சான்றிதழ் வெளியானது வழக்கில் முக்கிய ஆதாரமாக மாறக்கூடும் என சட்ட நிபுணர்கள் தெரிவிக்கின்றனர். நீதிமன்றம் இருவரிடமிருந்தும் ஆவணங்கள் மற்றும் சாட்சிகளைக் கோரி விசாரணை மேற்கொண்டு வருகிறது. திரையுலகத்தில் பிரபலமான ஒருவர் மீது இப்படியான குற்றச்சாட்டு எழுவது, ரசிகர்களுக்கு எப்போதும் அதிர்ச்சியாகவே இருக்கும். குறிப்பாக குக் வித் கோமாளி போன்ற குடும்ப நிகழ்ச்சியில் கலந்து கொண்டு மகிழ்ச்சியை பகிர்ந்த ரங்கராஜ் இப்போது சர்ச்சையின் மையமாக மாறியுள்ளார். ரசிகர்கள் தற்போது இருவரிடமிருந்தும் உண்மையான விளக்கத்தை எதிர்நோக்கி காத்திருக்கின்றனர்.

ஜாய் கிரிஸில்டாவின் உணர்ச்சி மிகுந்த பதிவு மற்றும் குழந்தையின் பிறப்பு சான்றிதழ், இந்த விவகாரத்தை மீண்டும் ஊடகங்களின் மையத்துக்குக் கொண்டுவந்துள்ளது. எனவே மாதம்பட்டி ரங்கராஜ் – ஜாய் கிரிஸில்டா வழக்கு தற்போது தமிழ் திரையுலகின் பேசுபொருளாக மாறியுள்ளது. நீதிமன்றம் இறுதியில் என்ன தீர்ப்பு வழங்குகிறது என்பதை ரசிகர்கள் ஆவலுடன் எதிர்பார்த்து வருகின்றனர்.

இதையும் படிங்க: மறைந்த தனது செல்ல மக்களுக்காக இளையராஜா செய்த விஷயம்..! நெகிழ்ந்து போன நெட்டிசன்கள்..!