தமிழ் மற்றும் தெலுங்கு திரையுலகில் முன்னணி நடிகையாக வலம் வரும் கீர்த்தி சுரேஷ், திருமணத்திற்கு பிறகும் தனது சினிமா பயணத்தை அதே வேகத்துடன் தொடர்ந்து வருவது ரசிகர்களிடையே பெரும் பாராட்டைப் பெற்று வருகிறது. “திருமணத்திற்கு பிறகு ஹீரோயின்கள் படங்களில் குறைவாக நடிப்பார்கள்” என்ற ஒரு பொதுவான கருத்தை முறியடிக்கும் விதமாக, கீர்த்தி சுரேஷ் தொடர்ந்து முக்கியமான கதைகளை தேர்ந்தெடுத்து நடித்து வருகிறார்.

தற்போது அவர் தென்னிந்திய சினிமாவின் பிஸியான நடிகைகளில் ஒருவராக இருப்பது குறிப்பிடத்தக்கது. குழந்தை நட்சத்திரமாக திரையுலகில் அறிமுகமாகி, பின்னர் கதாநாயகியாக உயர்ந்து தேசிய விருது வரை வென்ற நடிகை என்ற பெருமையை பெற்றவர் கீர்த்தி சுரேஷ். மகாநடி திரைப்படத்தில் நடித்ததற்காக அவர் பெற்ற தேசிய விருது, அவரது நடிப்பு திறனை இந்திய அளவில் உறுதிப்படுத்தியது. அதன் பின்னர், கதைக்கு முக்கியத்துவம் உள்ள பெண் மையக் கதைகளில் அதிக கவனம் செலுத்தி வரும் அவர், தன்னை ஒரு “மாஸ் ஹீரோயின்” மட்டுமல்ல, ஒரு திறமையான நடிகையாகவும் நிலைநிறுத்திக் கொண்டுள்ளார். திருமணத்திற்கு பிறகும் கீர்த்தி சுரேஷின் திரைப்பட தேர்வுகளில் எந்தவிதமான மந்தமும் இல்லை. தற்போது அவர் தெலுங்கு திரையுலகில் முன்னணி நடிகரான விஜய் தேவரகொண்டாவுடன் ஜோடியாக ஒரு புதிய படத்தில் நடித்து வருகிறார்.

இந்த கூட்டணி குறித்து ஏற்கனவே ரசிகர்களிடையே பெரும் எதிர்பார்ப்பு உருவாகியுள்ளது. விஜய் தேவரகொண்டாவின் மாறுபட்ட நடிப்பும், கீர்த்தி சுரேஷின் இயல்பான நடிப்பு திறனும் இணைந்தால், அந்த படம் ஒரு தனித்துவமான அனுபவமாக இருக்கும் என சினிமா வட்டாரங்கள் நம்புகின்றன. இப்படத்தின் படப்பிடிப்பு தற்போது விறுவிறுப்பாக நடைபெற்று வருவதாக தகவல்கள் வெளியாகி உள்ளன. இதனிடையே, கீர்த்தி சுரேஷ் நடிப்பில் சமீபத்தில் வெளியான ரிவால்வர் ரீட்டா திரைப்படமும் ரசிகர்களிடையே பேசுபொருளாக இருந்து வருகிறது. பெண் மையக் கதையாக உருவான இந்த படம், கீர்த்தி சுரேஷின் மாறுபட்ட நடிப்பை வெளிப்படுத்தியதாக விமர்சகர்கள் தெரிவித்திருந்தனர். ஆக்ஷன் மற்றும் உணர்ச்சி கலந்த கதையம்சத்துடன் உருவான இந்த படத்தில், கீர்த்தி சுரேஷ் ஏற்றுக் கொண்ட கதாபாத்திரம் அவரது திரை வாழ்க்கையில் இன்னொரு முக்கிய மைல்கல்லாக பார்க்கப்படுகிறது.

இதையும் படிங்க: சொந்தமாக பிஸ்னஸ் தொடங்கிய ஆல்யா மானசா..! Home Tour வீடியோ மூலம் வெளியான Announcement..!

திரையரங்குகளில் வெளியான பிறகு, தற்போது ரிவால்வர் ரீட்டா படம் ஓடிடி வெளியீட்டுக்குத் தயாராகி வருகிறது. வரும் டிசம்பர் 26-ஆம் தேதி இந்த படம் பிரபல ஓடிடி தளமான நெட்பிலிக்ஸில் ரிலீஸ் ஆகும் என அதிகாரப்பூர்வமாக அறிவிக்கப்பட்டுள்ளது. இதனால், திரையரங்குகளில் பார்க்க தவறிய ரசிகர்கள் மற்றும் வெளிநாட்டு ரசிகர்கள் இந்த படத்தை ஓடிடி மூலமாக பார்க்க ஆவலுடன் காத்திருக்கின்றனர். குறிப்பாக, பெண் மையக் கதைகளுக்கு ஓடிடி தளங்களில் நல்ல வரவேற்பு கிடைத்து வரும் நிலையில், ரிவால்வர் ரீட்டா திரைப்படத்துக்கும் நல்ல ரிசப்ஷன் கிடைக்கும் என எதிர்பார்க்கப்படுகிறது. இவ்வாறு தொழில்முறை வாழ்க்கையில் பிஸியாக இருக்கும் கீர்த்தி சுரேஷ், தனிப்பட்ட வாழ்க்கையிலும் நண்பர்களுடன் மகிழ்ச்சியாக நேரத்தை செலவிடுவதை தவற விடுவதில்லை. சமீபத்தில், அவர் தனது நெருங்கிய தோழி ஒருவரின் திருமணத்தில் கலந்து கொண்டுள்ளார்.

அந்த திருமண விழாவில், தனது நண்பர்கள் மற்றும் தோழிகளுடன் சேர்ந்து கீர்த்தி சுரேஷ் நடனமாடிய வீடியோ தற்போது சமூக வலைதளங்களில் வைரலாகி வருகிறது. அந்த வீடியோவில், எந்தவிதமான மேடை அலங்காரமோ, பிரம்மாண்டமோ இல்லாமல், ஒரு சாதாரண திருமண நிகழ்ச்சியில், நண்பர்களுடன் இயல்பாகவும் சந்தோஷமாகவும் ஆடிய கீர்த்தி சுரேஷின்ரசிகர்களை மிகவும் கவர்ந்துள்ளது. “இது தான் ரியல் கீர்த்தி”, “ஸ்டார் ஆனாலும் நண்பர்களுடன் ஒரு சாதாரண பெண்ணாக மகிழ்கிறார்” போன்ற கருத்துகள் சமூக வலைதளங்களில் அதிகமாக பகிரப்பட்டு வருகிறது. குறிப்பாக, அவரது சிரிப்பு, நடன அசைவுகள் மற்றும் நண்பர்களுடன் இருக்கும் நெருக்கம் ஆகியவை அந்த வீடியோவை இன்னும் வைரலாக மாற்றியுள்ளன.

சினிமா பிரபலங்கள் பெரும்பாலும் பொது நிகழ்ச்சிகளில் மட்டுமே காணப்படும் நிலையில், இதுபோன்ற தனிப்பட்ட தருணங்களில் எடுத்த வீடியோக்கள் ரசிகர்களுக்கு அவர்களை இன்னும் நெருக்கமாக உணர வைக்கின்றன. கீர்த்தி சுரேஷின் இந்த டான்ஸ் வீடியோவும் அதே வகையை சேர்ந்ததாக பார்க்கப்படுகிறது. திருமணத்திற்கு பிறகும், எந்தவிதமான கட்டுப்பாடுகளும் இல்லாமல், தனது நண்பர்களுடன் மகிழ்ச்சியாக இருப்பது பலருக்கு ஒரு நேர்மறையான எடுத்துக்காட்டாக அமைந்துள்ளது. ரசிகர்கள் மட்டுமல்லாமல், திரையுலக நண்பர்களும் இந்த வீடியோவை பகிர்ந்து, கீர்த்தி சுரேஷுக்கு வாழ்த்துகளை தெரிவித்து வருகின்றனர்.  மொத்தத்தில், கீர்த்தி சுரேஷ் தற்போது தொழில்முறை மற்றும் தனிப்பட்ட வாழ்க்கை இரண்டிலும் ஒரு நல்ல சமநிலையை பேணிக் கொண்டு வருகிறார்.

ஒருபுறம் விஜய் தேவரகொண்டாவுடன் புதிய படம், மறுபுறம் ரிவால்வர் ரீட்டா ஓடிடி வெளியீடு, அதே நேரத்தில் நண்பர்களுடன் சந்தோஷமான தருணங்கள் என அவரது வாழ்க்கை தற்போது பல பரிமாணங்களில் பேசப்பட்டு வருகிறது. எதிர்காலத்தில் அவர் தேர்வு செய்யும் கதைகள் மற்றும் நடிப்புகள் எந்த அளவுக்கு ரசிகர்களை கவரும் என்பதை காலமே தீர்மானிக்க வேண்டும். ஆனால், தற்போது அவர் மீண்டும் மீண்டும் நிரூபித்து வருவது ஒன்றே.. திருமணத்திற்கு பிறகும் ஒரு நடிகையின் பயணம் இன்னும் வலிமையாகவும் வெற்றிகரமாகவும் தொடர முடியும் என்பதுதான்.

இதையும் படிங்க: நடிகர் விஜய் வைத்து கண்ட கனவு..! கடைசி வரை நிறைவேறாமல் போன ஆசை.. எஸ்ஏசி வேதனை..!