தமிழ் சினிமா ரசிகர்களின் மனங்களில் தனி இடத்தைப் பிடித்திருக்கும் இயக்குநர் லோகேஷ் கனகராஜ், இன்று தன்னிச்சையான கதைக் களங்கள், தீவிரமான சினிமா மொழி, மற்றும் புதிய தலைமுறையை ஈர்க்கும் இயக்குநராக உள்ளார். 2017-ம் ஆண்டு வெளியான அவரது முதல் திரைப்படம் ‘மாநகரம்’ மூலம் தமிழ் சினிமாவில் ஒரு வித்தியாசமான குரலை அறிமுகப்படுத்தியவர், பின்னர் ‘கைதி’, ‘மாஸ்டர்’, ‘விக்ரம்’, ‘லியோ’ ஆகிய வெற்றிப் படங்களை வழங்கியுள்ளார். ஒவ்வொரு படமும் அவருக்கான இயக்க நிலையை வலியுறுத்தியது.

சமீபத்தில், சூப்பர் ஸ்டார் ரஜினிகாந்த் நடிப்பில் வெளிவந்த ‘கூலி’ திரைப்படத்தையும் இயக்கியுள்ளார். படம் வெளியான பின், வசூலிலும் விமர்சன ரீதியிலும் பெரும் வரவேற்பைப் பெற்றுள்ளது. ‘கூலி’ ரஜினி ரசிகர்களுக்கு உற்சாகம் மட்டும் அல்லாமல், லோகேஷ் இயக்கத்தில் மேலும் என்ன படங்களை எடுக்க இருக்கிறார் என்பனவற்றையும் காட்டியது. இந்த வெற்றிக் கோட்டைகளைத் தாண்டி, சமீபத்தில் மாணவர்களுடன் கலந்துரையாடிய நிகழ்ச்சியில், ஏ.ஐ. தொழில்நுட்பம், சினிமாவும், வாழ்க்கையின் விழுப்புணர்வும் குறித்து அவர் பகிர்ந்த கருத்துகள் சமூக ஊடகங்களில் பரவலாக பேசப்படுகின்றன. பலர் இவை குறித்து ஆழமாக சிந்திக்கத் தொடங்கியுள்ளனர். அதன்படி அவர் பேசுகையில் “படம் பார்த்து தான் வாழ்க்கையை கற்றுக்கொள்ள வேண்டும் என்றால் அது என்னை பொருத்தவரை சரியானது இல்லை,” என லோகேஷ் நேரடியாகத் தெரிவித்தார். தொடர்ந்து பேசிய அவர், “ஒரு சினிமா நம்மை இன்ப்ளூயன்ஸ் செய்தால் நாம் வளர்ந்த விதம் தவறாகிவிடும். சினிமா என்பது வாழ்வின் பிரதிபலிப்பாக இருக்கலாம். ஆனால் வாழ்வையே சினிமாவாக மாற்றிக் கொள்ள முடியாது.” என்றார். இந்நிலையில், மாணவர்கள் எழுப்பிய கேள்வி ஒன்றின் போது, ஏ.ஐ. தொழில்நுட்பம் சினிமாவில் எவ்வளவு முக்கியத்துவம் பெறும்? என்ற கேள்விக்கு அவர் அளித்த பதிலே, இப்போது அனைவரது கவனத்தையும் ஈர்த்து வருகிறது.

அதன்படி அவர், “சினிமா துறையில் ஏ.ஐ. தொழில்நுட்பத்தின் ஆதிக்கம் இருக்காது. ஆனால் அது ஒரு உதவியாக இருக்கும். உதாரணமாக, ஸ்கிரீன் பிளே எழுதுவதில் அல்லது கிராபிக்ஸ் வேலைகளில் ஏ.ஐ. உதவி செய்யக்கூடும். ஆனால், ஒரு கலைஞரின் கற்பனை, உணர்ச்சி மற்றும் அனுபவத்தை ஏ.ஐ. மாற்ற முடியாது,” என்றார் அவர். “ஏ.ஐ. டெக்னாலஜியை பயன்படுத்திக் கொள்வது தான் புத்திசாலித்தனம். தொழில்நுட்பத்தை நாம் எந்த அளவிற்கு பயன்படுத்துகிறோம் என்பது நம்முடைய கையில்தான் உள்ளது. அதை நம்மால் நிர்வகிக்க முடியும். தொழில்நுட்பம் நம்மை நிர்வகிக்கக் கூடாது” என்றார். இயக்குநர் ஒருவர் இந்தளவிற்கு சிந்திக்கிறாரென்றால், இது அவரது சினிமா மொழியிலும் எதிர்கால படைப்புகளிலும் எப்படி பிரதிபலிக்கும் என்ற எதிர்பார்ப்பு எழுகிறது.

இதையும் படிங்க: அவர் எனக்கு வேண்டும்..இல்லைனா சினிமா விட்டு போயிடுவேன்..! பிளாக்மெயில் செய்த லோகேஷ் கனகராஜ்..!

இன்றைய உலகில், ஏ.ஐ. அனைத்து துறைகளிலும் அடிக்கடி பேசப்படும் ஒரு கருவியாக மாற்றப்பட்டுள்ளது. கல்வி, மருத்துவம், கணினி, வணிகம் என அனைத்திலும் ஏ.ஐ. பங்கு வகிக்கிறது. ஆனால், கலைத் துறையில் அது எவ்வளவு வரவேற்கத்தக்கது? என்பதே இப்போது விவாதிக்கப்படும் முக்கிய கேள்வி. இப்படியாக லோகேஷ் கூறும் கருத்துகள், புதிய தலைமுறை சினிமா கலைஞர்களுக்கு ஒரு விழிப்புணர்வை ஏற்படுத்தும் வகையில் உள்ளது. “ஏ.ஐ. உதவியாளராக இருக்க வேண்டும், உரிமையாளர் அல்ல” என்பது அவரது பார்வையின் மையக்கருத்து. இது போன்ற கருத்துகள் மட்டும் அல்லாமல், மாணவர்களிடம் அவர் காட்டிய பகிர்வும், வெளிப்படைத்தன்மையும், ஒரு கலைஞரின் சமூகப் பொறுப்பை காட்டுகிறது. வெறும் வெற்றி விழாக்களை கொண்டாடுவதில் அல்லாமல், நவீன தொழில் நுட்பத்தின் பயன்கள், அபாயங்கள் ஆகியவற்றைப் பற்றி பேசும் இயக்குநராக, லோகேஷ் தனது இடத்தை வலுப்படுத்தி வருகிறார்.

ஆகவே இயக்குநர் லோகேஷ் கனகராஜின் இந்த கருத்துகள், தமிழ் சினிமாவின் எதிர்காலம் மற்றும் தொழில்நுட்பம் மையமாக இருக்கும் படைப்புகளுக்கான அடித்தளமாக பார்க்கப்படலாம். ஏ.ஐ. போன்ற நவீன மாற்றங்களை பற்றி அவர் கொண்டிருக்கும் இக்கருத்துகள், அடுத்த தலைமுறை கலைஞர்களுக்கான வழிகாட்டியாக அமைந்துவிடும் என்பதில் சந்தேகமே இல்லை.

இதையும் படிங்க: சினிமாவில் 50 ஆண்டுகளை நிறைவு செய்த சூப்பர் ஸ்டார்..! புகைப்படத்துடன் லோகேஷ் கனகராஜ் வாழ்த்து..!