மூக்குத்தி அம்மன் 2 திரைப்படம் குறித்த எதிர்பார்ப்பு நாளுக்கு நாள் அதிகரித்து வரும் நிலையில், படக்குழு தற்போது வெளியீட்டு தேதியை அதிகாரப்பூர்வமாக அறிவித்துள்ளது. நயன்தாரா நடிப்பில், சுந்தர் சி இயக்கத்தில் பிரம்மாண்ட பொருட்செலவில் உருவாகியுள்ள இப்படம், வரும் நவம்பர் 6-ஆம் தேதி தீபாவளி பண்டிகையை  முன்னிட்டு திரையரங்குகளில் வெளியாகும் என அறிவிக்கப்பட்டுள்ளது.

தமிழ் சினிமாவில் முன்னணி நடிகையாக வலம் வரும் நயன்தாராவுக்கு தனி ரசிகர் பட்டாளமே உள்ளது. குறிப்பாக, கதாநாயகியை மையமாக வைத்து உருவாகும் திரைப்படங்களிலும் தனது நடிப்பால் கவனம் ஈர்த்து வரும் அவர், ‘மூக்குத்தி அம்மன்’ திரைப்படத்தின் மூலம் ரசிகர்களிடம் வித்தியாசமான வரவேற்பைப் பெற்றிருந்தார். இதன் தொடர்ச்சியாக உருவாகி வரும் ‘மூக்குத்தி அம்மன் 2’ திரைப்படம் அறிவிக்கப்பட்ட நாள் முதலே ரசிகர்களின் எதிர்பார்ப்பை ஏற்படுத்தி வருகிறது.

இப்படத்தை பிரபல இயக்குநர் சுந்தர் சி இயக்கி வருகிறார். நகைச்சுவை, குடும்பப் பொழுதுபோக்கு மற்றும் பிரம்மாண்டமான காட்சிகளை தனது திரைப்படங்களில் திறம்பட இணைத்து ரசிகர்களை கவர்ந்தவர் சுந்தர் சி. அந்த வகையில், ‘மூக்குத்தி அம்மன் 2’ திரைப்படத்திலும்  பிரம்மாண்டமான திரை அனுபவத்தை கொடுக்க படக்குழு திட்டமிட்டுள்ளதாக எதிர்பார்க்கப்படுகிறது.படத்தின் மிகப்பெரிய பலங்களில்  ஒன்றாக அதன் நட்சத்திர பட்டாளம் பார்க்கப்படுகிறது. நயன்தாராவுடன் இணைந்து ரெஜினா கசாண்ட்ரா, சினேகா, குஷ்பூ, ஊர்வசி, யோகி பாபு, துனியா விஜய், மைனா நந்தினி உள்ளிட்ட பல முன்னணி நடிகர்கள் முக்கிய கதாபாத்திரங்களில் நடித்துள்ளனர். 

இதையும் படிங்க: 15 ஆண்டுகளுக்கு பிறகு மீண்டும் வருகிறது ‘ஜாக்பாட்’.!! தொகுத்து வழங்கும் குஷ்பூ.. நிகழ்ச்சிக்கு ஆவலாக ரசிகர்கள்..!

இதனால் படத்தில் கதாபாத்திரங்களின் எண்ணிக்கையும், அவர்களுக்கிடையேயான காட்சிகளும் ரசிகர்களுக்கு  வித்தியாசமான அனுபவத்தை கொடுக்கும் என எதிர்பார்க்கப்படுகிறது. குறிப்பாக, நகைச்சுவை நடிகர் யோகி பாபு படத்தில் இடம்பெறுவது ரசிகர்களின் எதிர்பார்ப்பை மேலும் அதிகரித்துள்ளது. சுந்தர் சியின் இயக்கத்தில் உருவாகும் திரைப்படம் என்பதால் காமெடி மற்றும் பொழுதுபோக்கு அம்சங்களுக்கு முக்கியத்துவம் இருக்கும் என ரசிகர்கள் எதிர்பார்த்து வருகின்றனர். 

‘மூக்குத்தி அம்மன் 2’ படத்திற்கு இசையமைப்பாளராக ஹிப் ஹாப் தமிழா ஆதி பணியாற்றுகிறார். சுந்தர் சி இயக்கத்தில் உருவாகும் பிரம்மாண்டமான திரைப்படத்திற்கு அவரது இசை எந்த வகையில் அமையப்போகிறது என்பதும் ரசிகர்களிடையே ஆர்வத்தை ஏற்படுத்தியுள்ளது. ஒரு திரைப்படத்தின் வெற்றியில் பாடல்கள் மற்றும் பின்னணி இசைக்கு முக்கிய பங்கு இருக்கும் நிலையில், இப்படத்தின் இசை மற்றும் பாடல்கள் படத்தின் கதைக்களத்துடன் எவ்வாறு பயணிக்கப் போகின்றன என்பதை தெரிந்துகொள்ள ரசிகர்கள் ஆவலுடன் காத்திருக்கின்றனர். இதற்கிடையே, படத்தின் வெளியீட்டு தேதியை அறிவிக்கும் வகையில் டீசர் தற்போது வெளியாகியுள்ளது. டீசர் வெளியானதைத் தொடர்ந்து சமூக வலைதளங்களில் படம் குறித்த பேச்சுகள் மீண்டும் சூடுபிடித்துள்ளன.

பிரம்மாண்டமான தயாரிப்பு, நயன்தாராவின் நடிப்பு, சுந்தர் சியின் இயக்கம், மிகப்பெரிய நட்சத்திர பட்டாளம் என ஏற்கனவே எதிர்பார்ப்பை உருவாக்கியிருந்த ‘மூக்குத்தி அம்மன் 2’, தற்போது தீபாவளி வெளியீடு என  அறிவிக்கப் பட்டிருப்பதால் ரசிகர்களின் உற்சாகம் மேலும்  அதிகரித்துள்ளது. வரும் நவம்பர் 6-ஆம் தேதி தீபாவளி பண்டிகை ஸ்பெஷலாக திரைப்படம் திரையரங்குகளில் வெளியாகவுள்ளது. பண்டிகை  காலத்தில் குடும்ப ரசிகர்களை கவரும் வகையில் படம் உருவாகியுள்ளதா, முதல் பாகத்தைவிட இரண்டாம் பாகம் எந்த அளவுக்கு பிரம்மாண்டமாக இருக்கும், நயன்தாராவின் கதாபாத்திரம் இந்த முறை எப்படிப்பட்டதாக இருக்கும் என்பதே தற்போது ரசிகர்களின் எதிர்பார்ப்பாக உள்ளது.

மொத்தத்தில், நயன்தாரா ரசிகர்கள் மட்டுமின்றி சுந்தர் சி திரைப்படங்களை எதிர்பார்க்கும் ரசிகர்களுக்கும் ‘மூக்குத்தி அம்மன் 2’ இந்த ஆண்டு தீபாவளியில் முக்கியமான விருந்தாக அமைய இருக்கிறது. படத்தின் டீசர் வெளியாகி கவனம் பெற்றுள்ள நிலையில், அடுத்தடுத்த அப்டேட்கள், பாடல்கள் மற்றும் படத்தின் புரமோஷன் பணிகள் குறித்த தகவல்கள் எப்போது வெளியாகும் என்பதையும் ரசிகர்கள் எதிர்பார்த்து வருகின்றனர்.
நவம்பர் 6 — தீபாவளி ஸ்பெஷல். ‘மூக்குத்தி அம்மன் 2’ திரையரங்குகளில் தரிசனம் கொடுக்க தயாராகிறது.

இதையும் படிங்க: ‘ஜனநாயகன்’ வெளிநாட்டு வசூல் முழு விவரம் வெளியானது.!! விஜய் படத்தின் ஓவர்சீஸ் கலெக்‌ஷன் ரிப்போர்ட்.. வெற்றியா.. தோல்வியா..!