90ஸ் கிட்ஸ் என்று அழைக்கப்படும் ஒரு தலைமுறையினரின் தொலைக்காட்சி நினைவுகளில் சில நிகழ்ச்சிகளுக்கு தனி இடம் உண்டு. அந்த வரிசையில் ரசிகர்களால் இன்றளவும் மறக்க முடியாத நிகழ்ச்சிகளில் ஒன்றாக இருப்பது ‘ஜாக்பாட்’. ஒரு காலத்தில் Jaya TV-யில் ஒளிபரப்பான இந்த நிகழ்ச்சி, போட்டி, பொழுதுபோக்கு, பரிசுகள் என அனைத்தையும் ஒன்றாக இணைத்து குடும்பத்துடன் அமர்ந்து பார்க்கக்கூடிய நிகழ்ச்சியாக ரசிகர்களிடம் நல்ல வரவேற்பை பெற்றிருந்தது.

குறிப்பாக நடிகை குஷ்பூ தொகுத்து வழங்கிய விதம் நிகழ்ச்சியின் மிகப்பெரிய பலமாக அமைந்திருந்தது. போட்டியாளர்களுடன் அவர் கலகலப்பாக உரையாடுவது, போட்டிகளுக்கு இடையே உருவாகும் சுவாரஸ்யமான தருணங்கள், பரிசுகளை அறிவிக்கும் விதம் என ‘ஜாக்பாட்’ நிகழ்ச்சிக்கு தனி ரசிகர் கூட்டமே இருந்தது. இதனால் நிகழ்ச்சி முடிந்து பல ஆண்டுகள் கடந்தாலும், அதன் பெயரும் குஷ்பூவின் தொகுப்பும் ரசிகர்களின் நினைவில் இருந்து வந்தது.

இந்நிலையில், அந்த பழைய நினைவுகளை மீண்டும் ரசிகர்களுக்கு கொண்டு வரும் வகையில், 15 ஆண்டுகளுக்கு பிறகு ‘ஜாக்பாட்’ நிகழ்ச்சி மீண்டும் ஜெயா டிவியில் ஒளிபரப்பாக உள்ளது. புதிய வடிவமைப்புடன் நிகழ்ச்சி உருவாக்கப்பட்டிருப்பதுடன், பழைய நிகழ்ச்சியின் அடிப்படை சுவாரஸ்யத்தை தக்கவைத்துக்கொண்டு இன்றைய தலைமுறை ரசிகர்களுக்கும் பிடிக்கும் வகையில் பல புதிய அம்சங்கள் சேர்க்கப்பட்டுள்ளதாக  தெரிவிக்கப்பட்டுள்ளது.

இதையும் படிங்க: ‘ஜனநாயகன்’ வெளிநாட்டு வசூல் முழு விவரம் வெளியானது.!! விஜய் படத்தின் ஓவர்சீஸ் கலெக்‌ஷன் ரிப்போர்ட்.. வெற்றியா.. தோல்வியா..!

இந்த முறை நிகழ்ச்சியை மீண்டும் நடிகை குஷ்பூவே தொகுத்து வழங்குகிறார் என்பது பழைய ரசிகர்களுக்கு  மிகப்பெரிய சர்ப்ரைஸ். பல ஆண்டுகளுக்கு முன்பு ‘ஜாக்பாட்’ நிகழ்ச்சியை தொகுத்து வழங்கிய அதே குஷ்பூ, இப்போது புதிய தலைமுறையினருடன் மீண்டும் அந்த நிகழ்ச்சியில் தோன்ற இருப்பது ரசிகர்களிடம் எதிர்பார்ப்பை ஏற்படுத்தியுள்ளது. பழைய ‘ஜாக்பாட்’ நிகழ்ச்சியை அப்படியே மீண்டும் கொண்டு வராமல், தற்போதைய தொலைக்காட்சி நிகழ்ச்சிகளின் தரத்துக்கு ஏற்ப பல மாற்றங்களுடன் புதிய சீசன் உருவாக்கப்பட்டுள்ளதாக  கூறப்படுகிறது. குறிப்பாக நிகழ்ச்சிக்காக பிரம்மாண்டமான புதிய அரங்கம் அமைக்கப்பட்டுள்ளது.

போட்டியாளர்கள் பங்கேற்கும் விதம், போட்டிகளின் அமைப்பு, சுற்றுகளின் வடிவம் மற்றும் வெற்றி பெறுவதற்கான சவால்கள் என பல விஷயங்களில் புதுமைகள் செய்யப்பட்டுள்ளன. இதனால் பழைய ‘ஜாக்பாட்’ நிகழ்ச்சியை  பார்த்தவர்களுக்கு பழைய நினைவுகளை ஏற்படுத்தும் அதே நேரத்தில், நிகழ்ச்சியை முதன்முறையாக பார்க்கும் இளம் தலைமுறையினருக்கும் சுவாரஸ்யமாக இருக்கும் வகையில் இந்த புதிய வடிவம் அமைக்கப்பட்டுள்ளதாக தெரிகிறது. நிகழ்ச்சியின் முக்கிய அம்சங்களில் ஒன்றாக மூன்று அணிகளுக்கு இடையிலான போட்டி  இடம்பெறுகிறது. ஒரே குடும்பத்தைச் சேர்ந்தவர்கள் மட்டுமே அணியாக இருக்க வேண்டும் என்ற கட்டுப்பாடு இல்லாமல், தங்களுக்கு பிடித்த உறவினர்கள் அல்லது நண்பர்களுடன் இணைந்து போட்டியாளர்கள் பங்கேற்கும் வகையில் வாய்ப்பு வழங்கப்பட்டுள்ளது.

‘ஜாக்பாட்’ நிகழ்ச்சியின் புதிய சீசனில் பங்கேற்க விரும்புபவர்கள் தங்களுக்குப் பிடித்த நபருடன் ஓர் அணியாக இணைந்து போட்டியில் கலந்து கொள்ளலாம். கணவன்–மனைவி, சகோதரர்கள், உறவினர்கள், நண்பர்கள் என எந்த உறவாக இருந்தாலும், இருவர் சேர்ந்து ஓர் அணியாக களமிறங்க முடியும். இதனால் நிகழ்ச்சியில் போட்டியைத் தாண்டி பல்வேறு சுவாரஸ்யமான மனித உறவுகளும் வெளிப்பட வாய்ப்புள்ளது. குறிப்பாக கணவன்–மனைவி இணைந்து போட்டியில் பங்கேற்கும்போது, ஒருவருக்கொருவர் எவ்வளவு நன்றாக புரிந்து  வைத்திருக்கிறார்கள் என்பது பல சுற்றுகளில் சோதிக்கப்படலாம். அதேபோல் நண்பர்கள் அணியாக பங்கேற்கும் போது அவர்களுடைய புரிதல் மற்றும் ஒருங்கிணைப்பு எவ்வாறு இருக்கிறது என்பதும் போட்டியின் முடிவில் முக்கிய பங்காற்றலாம்.

இதுபோன்ற அம்சங்கள் நிகழ்ச்சியை வெறும் கேள்வி–பதில் போட்டியாக இல்லாமல், முழுமையான குடும்ப  பொழுது போக்கு நிகழ்ச்சியாக மாற்றும் என எதிர்பார்க்கப்படுகிறது. போட்டியில் பங்கேற்கும் அணிகளுக்கு மிகப்பெரிய பரிசுத் தொகையும் காத்திருக்கிறது. போட்டியின் பல்வேறு சுற்றுகளைக் கடந்து இறுதிப்போட்டி வரை முன்னேறும் போட்டியாளர்களுக்கு ரூ.10 லட்சம் வரை வெல்லும் வாய்ப்பு வழங்கப்பட உள்ளது. இதுமட்டுமின்றி, போட்டியின் வெவ்வேறு கட்டங்களில் பல்வேறு சிறப்பு பரிசுகளும் வழங்கப்பட உள்ளதாக கூறப்படுகிறது. இதனால் ஒவ்வொரு சுற்றும் போட்டியாளர்களுக்கு முக்கியமானதாக இருக்கும். ஒரு சிறிய தவறு கூட அடுத்த கட்டத்திற்குச் செல்லும் வாய்ப்பை பாதிக்கக்கூடும் என்பதால், போட்டியாளர்களுக்கு பரபரப்பும் சுவாரஸ்யமும் நிறைந்த  அனுபவமாக இந்த நிகழ்ச்சி அமையலாம்.

பரிசுத் தொகையைத் தாண்டி, போட்டியாளர்கள் தங்களது திறமை, வேகம், அறிவு மற்றும் குழுவாக செயல்படும் திறன் ஆகியவற்றை வெளிப்படுத்தும் வகையில் பல்வேறு சவால்கள் இடம்பெற இருப்பதாக கூறப்படுகிறது. ‘ஜாக்பாட்’ நிகழ்ச்சி மீண்டும் வருகிறது என்ற செய்தி குறிப்பாக 90ஸ் கிட்ஸ் மத்தியில் அதிகமான உற்சாகத்தை  ஏற்படுத்தியுள்ளது. தொலைக்காட்சி பொழுதுபோக்கு நிகழ்ச்சிகள் இன்றைய அளவுக்கு அதிகமாக இல்லாத  காலத்தில், குறிப்பிட்ட சில நிகழ்ச்சிகளுக்காக குடும்பமே தொலைக்காட்சி முன்பு அமர்ந்திருந்த காலம் ஒன்றுான ‘ஜாக்பாட்’ நிகழ்ச்சியும் அத்தகைய ஒரு நிகழ்ச்சியாக இருந்தது. குஷ்பூவின் தொகுப்பு, போட்டியாளர்களின் உற்சாகம், விளையாட்டுகள் மற்றும் பரிசுகள் என நிகழ இருந்தது.

அந்த காலகட்டத்தில் ஒளிபரப்பான ‘ஜாக்பாட்’ நிகழ்ச்சியும் அத்தகைய ஒரு நிகழ்ச்சியாக இருந்தது. குஷ்பூவின் தொகுப்பு, போட்டியாளர்களின் உற்சாகம், விளையாட்டுகள் மற்றும் பரிசுகள் என நிகழ்ச்சியின் ஒவ்வொரு அம்சமும் ரசிகர்களின் கவனத்தை ஈர்த்திருந்தது. இப்போது 15 ஆண்டுகளுக்குப் பிறகு அதே நிகழ்ச்சியின் புதிய வடிவத்தை  மீண்டும் குஷ்பூ தொகுத்து வழங்குவது, பழைய ரசிகர்களுக்கு நிச்சயம் ஒரு ‘நாஸ்டால்ஜியா’ தருணமாக இருக்கும். அதே நேரத்தில் நிகழ்ச்சியில் செய்யப்பட்டுள்ள புதிய மாற்றங்கள் இளம் ரசிகர்களையும் கவருமா என்பதுதான் இனர்கள் ஆவலுடன் பார்க்க வேண்டிய விஷயம்.

ரசிகர்கள் ஆவலுடன் எதிர்பார்த்து வரும் புதிய ‘ஜாக்பாட்’ நிகழ்ச்சி செப்டம்பர் 13 முதல் இரவு 8 மணிக்கு ஜெயா டிவியில் ஒளிபரப்பாகிறது. பழைய நிகழ்ச்சியின் நினைவுகளுடன் புதிய தலைமுறைக்கு ஏற்ற போட்டிகளையும் இணைத்து உருவாக்கப்பட்டுள்ளதால், குடும்பத்துடன் அமர்ந்து பார்க்கக்கூடிய நிகழ்ச்சியாக இது அமையுமா என்ற எதிர்பார்ப்பு ஏற்பட்டுள்ளது. 15 ஆண்டுகளுக்கு முன்பு ரசிகர்களை கவர்ந்த ‘ஜாக்பாட்’ மீண்டும் அதே வரவேற்பை பெறுமா? குஷ்பூவின் தொகுப்பு மீண்டும் பழைய மேஜிக்கை உருவாக்குமா? ரூ.10 லட்சம் பரிசை எந்த அணி வெல்லப்போகிறது? புதிய சுற்றுகள் மற்றும் சவால்கள் எப்படி இருக்கப்போகின்றன? என்பதற்கான பதில்கள் நிகழ்ச்சி ஒளிபரப்பான பிறகே தெரியவரும்.

எது எப்படியிருந்தாலும், நீண்ட இடைவெளிக்குப் பிறகு குஷ்பூவுடன் ‘ஜாக்பாட்’ மீண்டும் வருவது 90ஸ் கிட்ஸுக்கு ஒரு பழைய நினைவுப் பெட்டியை திறந்தது போன்ற உணர்வை ஏற்படுத்தியுள்ளது. புதிய தலைமுறையையும் கவரும் வகையில் புதுப்பிக்கப்பட்ட இந்த நிகழ்ச்சி, ஜெயா டிவியின் முக்கியமான பொழுதுபோக்கு நிகழ்ச்சிகளில் ஒன்றாக மாறுமா என்பதை பொறுத்திருந்து பார்க்கலாம்.

இதையும் படிங்க: OTT-யிலும் சூர்யாவின் ‘விஸ்வநாத் & சன்ஸ்’ ஆதிக்கம்..!! நெட்ப்ளிக்ஸ் டிரெண்டிங்கில் முதலிடம்.. வட இந்திய ரசிகர்களும் கொண்டாட்டம்..!