பிரபல இயக்குனர் ஏ.ஆர்.முருகதாஸ் இயக்கத்தில் உருவாகி இருக்கும் புதிய படம் தான் 'மதராஸி'. நடிகர் சிவகார்த்திகேயனின் 23வது திரைப்படமான மதராஸி தற்போது கோலிவுட்டில் பெரும் வரவேற்பை பெற்று வருகிறது. தமிழ் சினிமாவில் தெளிவான பாசிட்டிவ் நோக்கத்துடன் பயணித்து வரும் முருகதாஸின், இந்த 'மதராஸி' மிகுந்த எதிர்பார்ப்பை மக்கள் மத்தியில் ஏற்படுத்தியுள்ளது. இப்படத்தில் சிவகார்த்திகேயனுடன் ஜோடியாக நடிக்கும் ருக்மினி வசந்த், தமிழ்த் திரையுலகில் புதிய முகமாக அறிமுகமாகிறார். மேலும் விக்ராந்த், வித்யூத் ஜம்வால், பிஜு மேனன் மற்றும் டான்சிங் ரோஸ் சபீர் ஆகியோரும் முக்கிய கதாபாத்திரங்களில் இடம்பெறுகின்றனர். பலதரப்பட்ட கதாபாத்திரங்களின் மூலம் படம் மிகவும் வலுவாக இருக்கும் என எதிர்பார்க்கப்படுகிறது.

இந்த படத்தை ஸ்ரீ லட்சுமி மூவிஸ் நிறுவனம் மிகுந்த பொருட் செலவில் தயாரித்து இருக்கிறது. படத்திற்கு இசையமைப்பாளர் அனிருத் இசையமைக்க, அவருடைய இசை ரசிகர்கள் மத்தியில் பெரிய எதிர்பார்ப்பை உருவாக்கியுள்ளது. குறிப்பாக, இந்த படத்தின் பர்ஸ்ட் சிங்கிள் இன்று மாலை வெளியாகவுள்ளதாக படக்குழுவினர் தெரிவித்துள்ளனர். இதற்கிடையில், தற்பொழுது நடைபெற்ற ஒரு விழாவில் இயக்குனர் ஏ.ஆர்.முருகதாஸ் கலந்து கொண்டார். அங்கு ரசிகர்களிடம் அவர் பேசும்பொழுது, நடிகர் சிவகார்த்திகேயனின் வளர்ச்சி குறித்து நெகிழ்ச்சியாக பகிர்ந்துள்ளார்.

அதன்படி அவர் பேசுகையில் "மான் கராத்தே படத்தின் போது, தொலைக்காட்சியில் இருந்து வந்த ஒரு நடிகராக சிவகார்த்திகேயனை நான் கண்டேன். அப்போது அவர் சுமார் 6 படங்களில் மட்டுமே நடித்திருந்தார். எந்தவொரு பின்னணியும் இல்லாமல் சினிமாவில் உயர வேண்டும் என வருபவர்களுக்கு அவர் ஒரு பெரிய எடுத்துக்காட்டு. திறமையும், கடின உழைப்பும் இருந்தால் வெற்றி பெறலாம் என்பதை சிவகார்த்திகேயன் தன்னுடைய வாழ்க்கையின் மூலம் நிரூபித்துள்ளார். மேலும், மதராஸி படத்திற்காக அவருடன் மீண்டும் வேலை செய்வதற்கான சந்தர்ப்பத்தில், அவர் கடந்து வந்த வளர்ச்சி பாதை எனக்கு மிகுந்த மகிழ்ச்சியை தந்தது. ஒரு நேர்மையான மனிதராகவும், தன்னம்பிக்கையுடன் செயல்படுபவராகவும் அவர் இருக்கிறார். அவரது வளர்ச்சியை நேரில் பார்த்து ரசிப்பது எனக்கு பெருமையளிக்கிறது" என்றார் முருகதாஸ்.

இதையும் படிங்க: ‘மதராஸி’ பட முதல் சிங்கிள் ப்ரோமோ வெளியீடு..! ட்ரெண்டிங்கில் sk-வின் “சலம்பல” பாடல் வீடியோ..!

இந்த படத்தில் சிவகார்த்திகேயன் புதிய கெட்டப்பில் தோன்றவிருக்கிறாரா என்பது பற்றிய சுவாரஸ்யமும் ரசிகர்களிடம் அதிகரித்து வருகிறது. ஏற்கனவே வெளியான படப்பிடிப்பு புகைப்படங்கள், போஸ்டர்கள் மற்றும் முன்னோட்ட வீடியோக்கள் என அனைத்தும் அட்டகாசமாக இருந்து வருகிறது. மேலும் படக்குழு அறிவித்தப்படி, 'மதராஸி' திரைப்படம் வரும் செப்டம்பர் 5-ம் தேதி உலகம் முழுவதும் திரையரங்குகளில் வெளியாக உள்ளது. இதன் ரிலீஸ் தேதியிலிருந்து சரியாக ஒரு மாதத்திற்கு முன்பாக பர்ஸ்ட் சிங்கிள் வெளியாகும் செய்தி, இசை ரசிகர்கள் மற்றும் சிவகார்த்திகேயனின் ரசிகர்கள் மத்தியில் கொண்டாட்டத்தை ஏற்படுத்தியுள்ளது. இந்த படம் ஒரு நவீன நகர வாழ்க்கையின் பின்னணியில் நகர்ந்து சமூகம், அரசியல், அதேசமயம் உணர்வு பூர்வமான சஸ்பென்ஸ் திரில்லராக உருவாகி இருக்கிறது என்ற வதந்திகள் வலம் வருகின்றன. அனிருத் இசையில் வரும் பாடல்கள், கதையின் ஓட்டத்திற்கேற்ற வகையில் உருவாக்கப்பட்டு உள்ளன என்றும் தெரிகிறது. இதில் சண்டைக் காட்சிகள், நகைச்சுவை, காதல் மற்றும் உணர்வுப்பூர்வமான காட்சிகள் எல்லாம் சகஜமாக கதை நடையில் கலந்து வரும் என்று எதிர்பார்க்கப்படுகிறது. நடிகர் வித்யூத் ஜம்வாலின் அதிரடியான தோற்றமும், விக்ராந்தின் உணர்வுப்பூர்வமான நடிப்பும் படத்திற்குத் தனி சிறப்பு சேர்க்கும் என கூறப்படுகிறது. இத்தனை நட்சத்திரங்களை ஒன்றிணைத்து உருவாகும் மதராஸி திரைப்படம், சிவகார்த்திகேயனின் திரையுலக பயணத்தில் ஒரு முக்கியமான மைல் கல்லாக அமையும் என எதிர்பார்க்கப்படுகிறது.

ரசிகர்கள் மட்டுமல்லாமல் திரையுலகமே இதன் வெளியீட்டைக் எதிர்நோக்கி உள்ளது. சிறந்த கதையும், தொழில்நுட்பமும், இசையும் மற்றும் ஆழமான இயக்கமும் இணையும் இந்த கூட்டணியால் மதராஸி திரைப்படம் 2025-ம் ஆண்டில் வெளியான படங்களில் முக்கியமான திரைப்படமாக மாறப்போகிறது.

இதையும் படிங்க: சிவகார்த்திகேயனுக்கு அடித்த ஜாக்பாட்..! 'SK26' படத்துக்கு இயக்குனர் யார் தெரியுமா..? கொண்டாட்டத்தில் ரசிகர்கள்..!