இந்திய சினிமா உலகில் கடந்த சில ஆண்டுகளாக நடிகைகளின் செயல்பாடுகளில் பெரிய மாற்றம் ஒன்றை பார்க்க முடிகிறது.

ஒருகாலத்தில் சினிமாவில் தொடர்ந்து படங்கள் நடிப்பதே நடிகைகளின் பிரதான அடையாளமாக இருந்த நிலையில், இப்போது அதையும் தாண்டி நிகழ்ச்சிகள், விருது விழாக்கள், ஃபேஷன் ஷோக்கள், விளம்பர நிகழ்வுகள், சமூக வலைதள செயல்பாடுகள் என பல தளங்களில் நடிகைகள் தங்களை தொடர்ந்து வெளிப்படுத்தி வருகின்றனர்.

இதையும் படிங்க: சினிமாவில் நியூ எண்ட்ரியா.. எவ்வளவு அசிங்கப்படுத்துவாங்க தெரியுமா..! லிஸ்ட் போட்ட நடிகை ரகுல் பிரீத்சிங்..!

குறிப்பாக பாலிவுட் சினிமாவில், ஒரு நடிகை படங்களில் நடிக்கிறார்களா இல்லையா என்பதை விட, தினமும் ஏதாவது ஒரு நிகழ்ச்சியில் கலந்துகொண்டு, தங்களின் இருப்பை ரசிகர்களிடம் நினைவூட்டுவது வழக்கமாகிவிட்டது.

இந்த போக்கு தற்போது தென்னிந்திய சினிமாவிலும் அதிகரித்து வருகிறது. தமிழ், தெலுங்கு, மலையாளம், கன்னடம் என பல மொழிகளில் நடித்த நடிகைகள், பட வாய்ப்புகள் குறைந்த காலகட்டத்திலும், பொதுநிகழ்ச்சிகள் மற்றும் சமூக வலைதளங்கள் மூலம் தொடர்ந்து பேசப்படும் முகங்களாக தங்களை நிலைநிறுத்தி வருகின்றனர்.

அந்த வகையில், தென்னிந்திய சினிமாவையும் பாலிவுட்டையும் இணைக்கும் ஒரு முக்கிய நடிகையாக அறியப்படுபவர் நடிகை ரகுல் ப்ரீத் சிங்.

ரகுல் ப்ரீத் சிங், தெலுங்கு மற்றும் தமிழ் சினிமாவில் தொடர்ச்சியாக நடித்ததன் மூலம் ரசிகர்களிடையே நல்ல பிரபலத்தை பெற்றவர்.

தமிழ் சினிமாவில் “தடையற தாக்க”, “என்னை அறிந்தால்”, “தீரன் அதிகாரம் ஒன்று” போன்ற படங்களில் நடித்த அவர், தனது அழகும், ஸ்க்ரீன் பிரசென்ஸும் மூலம் கவனம் ஈர்த்தார்.

அதே நேரத்தில் தெலுங்கு சினிமாவில் முன்னணி நடிகர்களுடன் இணைந்து நடித்ததால், அங்கு தனக்கென ஒரு ரசிகர் வட்டத்தை உருவாக்கிக் கொண்டார்.

பின்னர் பாலிவுட்டிலும் வாய்ப்புகளை பெற்று, ஹிந்தி படங்களிலும் நடித்தார்.

இதையும் படிங்க: பேண்டஸி காதல் கதைக்களத்தில் உருவான 'With Love'..! படத்திற்கு சான்றுதழ் வழங்கியது தணிக்கை குழு..!